Números 31:16 - Li Santil hu

¹⁶ Aꞌaneb li ixk li queꞌtacchiꞌi̱c xban laj Balaam. Ut aꞌan eb li queꞌqꞌuehoc reheb laj Israel chi ma̱cobc chiru li Ka̱cuaꞌ ut queꞌxlokꞌoni laj Baal-peor. Xbaneb aꞌan nak li Dios xtakla li raylal saꞌ xbe̱n li tenamit Israel.

Q'eqchi Bible

¹⁶ Xmaakeb' a'an naq eb' laj Israel ke'xq'etq'eti rib' chiru li Qaawa'. A'aneb' tz'aqal li ke'takchi'ink reheb' re te'xloq'oni ru laj Bahal-Pehor; jo'kan naq li Qaawa' kixrahob'tesi li xtenamit rik'in raxkamk.

Números 31:16 ပူးပေါင်းရင်းမြစ်များ

2 Pedro 2:15

Nak nequeꞌxcanab li ti̱quilal, nequeꞌxic chi joꞌ ma̱joꞌ. Nequeꞌxba̱nu joꞌ quixba̱nu laj Balaam li ralal laj Beor. Laj Balaam quiraj xtaubal xtumin riqꞌuin xba̱nunquil li ma̱usilal.

Apocalipsis 2:14

Abanan cuan cꞌaꞌak re ru yo̱quex chixba̱nunquil incꞌaꞌ us xban nak cuanqueb saꞌ e̱ya̱nk li toj yo̱queb chixqꞌuebal xcuanquil lix tijleb laj Balaam li quicꞌutuc chiru laj Balac chanru nak tixqꞌueheb chi ma̱cobc laj Israel. Quixye reheb nak ta̱ru̱k teꞌxtzaca li tzacae̱mk li mayejanbil chiru li jalanil dios. Ut quixtacchiꞌiheb re nak teꞌyumbe̱tak ut teꞌcoꞌbe̱tak.

Josué 22:17

¿Ma incꞌaꞌ ta biꞌ nabal li ma̱c xkaba̱nu nak xkalokꞌoni li yi̱banbil dios saꞌ li naꞌajej Peor? Li ma̱c aꞌan toj cuan ajcuiꞌ saꞌ kabe̱n chalen anakcuan. Xban li ma̱c aꞌan, nabaleb lix tenamit li Dios queꞌcam.

Deuteronomio 4:3

La̱ex queril riqꞌuin xnakꞌ e̱ru li cꞌaꞌru quixba̱nu li Ka̱cuaꞌ aran Baal-peor nak quixqꞌueheb chi sachecꞌ chixjunileb li queꞌlokꞌonin re li jalanil dios Baal-peor.

Números 24:14

Anakcuan xic cue saꞌ lin tenamit. Abanan xbe̱n cua tinye a̱cue cꞌaꞌru teꞌxba̱nu e̱re eb laj Israel saꞌ eb li cutan chalen, chan laj Balaam.

Proverbios 23:27

Me̱qꞌue e̱rib chixbalakꞌi li ixk li incꞌaꞌ us xnaꞌleb. Ut me̱qꞌue e̱rib chixbalakꞌi li ixk li naxcꞌayi rib xban nak eb li ixk aꞌan chanchaneb li chamal jul li naru textꞌanekꞌ cuiꞌ.

Números 25:18

xban nak aꞌan eb xeꞌqꞌuehoc reheb laj Israel chixlokꞌoninquil li yi̱banbil dios Baal-peor. Ut yo̱queb chi cꞌamoc be chiruheb chixba̱nunquil li ma̱usilal li quixba̱nu lix Cozbi lix rabin li cui̱nk aj Madián li cuan xcuanquil. Li ixk aꞌan quicamsi̱c saꞌ li cutan nak queꞌcam nabaleb xban nak queꞌxlokꞌoni laj Baal-peor, chan li Dios.

Eclesiastés 7:26

Nak yo̱quin chixtzꞌilbal rix chixjunil li cꞌaꞌak re ru aꞌin, quintau jun li chꞌaꞌajquilal kꞌaxal ra chiru li ca̱mc. Aꞌan li ixk li incꞌaꞌ us xnaꞌleb. Naxkꞌunbesi li cui̱nk toj retal natꞌaneꞌ saꞌ rukꞌ. Caꞌaj cuiꞌ li cui̱nk li naxqꞌue xlokꞌal li Dios naru naxcol rib chiru li ixk aꞌan. Abanan, laj ma̱c tzꞌakal natꞌaneꞌ saꞌ rukꞌ aꞌan.

San Judas 1:11

Ra teꞌxcꞌul. Lix naꞌlebeb aꞌan joꞌ lix naꞌleb laj Caín. Chanchaneb laj Balaam, xban nak nequeꞌxrahi ru li tumin ut junes aꞌan chic nequeꞌxcꞌoxla. Nequeꞌxtzꞌekta̱na lix chakꞌrab li Dios ut nequeꞌxnimobresi rib joꞌ quixba̱nu laj Coré. Xban aꞌan nak teꞌosokꞌ.

Números 31:8

Queꞌxcamsiheb li o̱b chi rey aj Madián. Aꞌaneb laj Evi, laj Requem, laj Zur, laj Hur, ut laj Reba. Ut queꞌxcamsi ajcuiꞌ chi chꞌi̱chꞌ laj Balaam li ralal laj Beor.