Números 31:14 - Li Santil hu

¹⁴ Cꞌajoꞌ nak quijoskꞌoꞌ laj Moisés riqꞌuineb li nequeꞌtaklan saꞌ xbe̱neb li jun mil chi soldado. Ut quijoskꞌoꞌ ajcuiꞌ riqꞌuineb li nequeꞌtaklan saꞌ xbe̱neb li jun ciento chi soldado.

Q'eqchi Bible

¹⁴ K'ajo' naq kijosq'o'k laj Moisés rik'ineb' li xjolomileb' laj lajeetqk'aal rox o'q'ob' (1,000) ut eb' laj o'taqk'aal (100) aj puub',

Números 31:14 ပူးပေါင်းရင်းမြစ်များ

Efesios 4:26

Cuan nak nequexjoskꞌoꞌ. Abanan me̱numsi li cutan chi toj cuan le̱ joskꞌil saꞌ le̱ chꞌo̱l re nak incꞌaꞌ texma̱cobk xban.

2 Reyes 13:19

Quichal xjoskꞌil li profeta Eliseo saꞌ xbe̱n li rey ut quixye re: —Cui ta xatochꞌ o̱bak sut malaj ut cuakibak sut li chꞌochꞌ, la̱at raj tatnumta̱k saꞌ xbe̱neb laj Siria toj retal ta̱sach ruheb chi junaj cua. Abanan anakcuan oxib sut ajcuiꞌ tatnumta̱k saꞌ xbe̱neb laj Siria, chan.

1 Reyes 20:42

Ut li profeta quixye re li rey: —Joꞌcaꞌin xye li Ka̱cuaꞌ: “La̱at xacuachꞌab li cui̱nk li xinye nak ta̱ca̱mk. Joꞌcan nak la̱at tatca̱mk chokꞌ re̱kaj, ut la̱ tenamit teꞌsachekꞌ ruheb chokꞌ re̱kaj lix tenamit aꞌan”, chan li Dios.—

Números 31:48

Chirix aꞌan eb li nequeꞌtaklan saꞌ xbe̱neb li ju̱nk chꞌu̱tal li soldado li cuanqueb jun mil chi soldado ut eb li nequeꞌtaklan saꞌ xbe̱neb li ju̱nk chꞌu̱tal li cuanqueb jun cien chi soldado, queꞌco̱eb riqꞌuin laj Moisés.

Números 12:3

Laj Moisés, aꞌan jun cui̱nk kꞌaxal tu̱lan chiruheb chixjunileb li cui̱nk li cuanqueb saꞌ ruchichꞌochꞌ.

Levítico 10:16

Laj Moisés quixpatzꞌ li mayej chiba̱t li quiqꞌueheꞌ re xtzꞌa̱manquil xcuybal lix ma̱queb. Cꞌajoꞌ nak quijoskꞌoꞌ nak quirabi nak ac quicꞌateꞌ. Quipoꞌ riqꞌuin laj Eleazar ut laj Itamar ut quixye reheb:

Éxodo 32:22

Laj Aarón quixye: —Ka̱cuaꞌ Moisés, matjoskꞌoꞌ cuiqꞌuin. La̱at ac nacanau chanruheb li tenamit aꞌin. Nacanau nak teꞌraj xba̱nunquil li incꞌaꞌ us.

Éxodo 32:19

Laj Moisés quijiloc chixcꞌatk lix muheba̱leb. Quiril li cuacax oro ut quiril nak yo̱queb chi xajoc chiru. Cꞌajoꞌ nak quichal xjoskꞌil. Ut xban xjoskꞌil quixcut chi chꞌochꞌ li cuib chi perpo̱quil pec li cuan saꞌ rukꞌ ut aran queꞌjoreꞌ saꞌ xto̱n li tzu̱l.

Números 31:13

Laj Moisés ut laj Eleazar laj tij rochbeneb li nequeꞌjolomin reheb laj Israel queꞌco̱eb chixcꞌulbaleb li soldado nak queꞌsukꞌi chak saꞌ li ple̱t.

Números 31:15

Laj Moisés quixye reheb: —¿Cꞌaꞌut nak incꞌaꞌ xecamsiheb li ixk?

1 Samuel 8:12

Cuanqueb li tixxakab chi takla̱nc saꞌ xbe̱neb jun mil chi soldado. Cuanqueb ajcuiꞌ li tixqꞌue chi takla̱nc saꞌ xbe̱neb laje̱b roxcꞌa̱l. Ut cuanqueb li tixqꞌue chixtrabajinquil lix chꞌochꞌ ut chixkꞌolbal li ru li racui̱mk. Cuanqueb li tixqꞌue chixyi̱banquil li chꞌi̱chꞌ re pletic. Ut cuanqueb ajcuiꞌ li tixqꞌue chixyi̱banquil lix carruaje re pletic.

2 Samuel 18:1

Laj David quixchꞌutubeb lix soldados li cuanqueb rochben. Quixxakabeb li teꞌtakla̱nk saꞌ xbe̱neb li junju̱nk chꞌu̱tal. Cuanqueb chi mil ut cuanqueb chi ciento.