Números 30:15 - Li Santil hu

¹⁵ Abanan cui ac xrabi li be̱lomej cꞌaꞌru quixyechiꞌi li rixakil ut mokon tixye nak incꞌaꞌ tixba̱nu li cꞌaꞌru quixyechiꞌi, saꞌ xbe̱n li be̱lomej ta̱cana̱k li ma̱c cui li rixakil incꞌaꞌ tixba̱nu li cꞌaꞌru quixyechiꞌi re li Dios.—

Q'eqchi Bible

¹⁵ Ab'an wi li b'eelomej moqon chik tixsach xwankil, taakanaaq sa' xb'een a'an li xmaak li rixaqil”.

Números 30:15 ပူးပေါင်းရင်းမြစ်များ

Levítico 5:1

Cui junak ta̱bokekꞌ chokꞌ testigo chirix junak cꞌaꞌak re ru quiril malaj quirabi, ut aꞌan incꞌaꞌ tixye lix ya̱lal, aꞌan cuan xma̱c.

Gálatas 3:28

Anakcuan ut moco jalan ta chic laj griego chiruheb laj judío, chi moco jalan ta li mo̱s chiru li patrón, chi moco jalan ta li cui̱nk, chi moco jalan ta li ixk. Junaj ban chic ku saꞌ xcꞌabaꞌ li Jesucristo.

Números 30:12

Abanan cui li be̱lomej ta̱rabi resil ut tixye re li rixakil nak incꞌaꞌ naru tixba̱nu li cꞌaꞌru quixyechiꞌi re li Dios, incꞌaꞌ tento nak tixba̱nu. Li Dios tixcuy xma̱c li ixk cui incꞌaꞌ tixba̱nu xban nak li be̱lomej quixye nak incꞌaꞌ tixba̱nu.

Números 30:8

Abanan cui li be̱lomej tixnau ut tixye re li rixakil nak incꞌaꞌ naru tixba̱nu li cꞌaꞌru quixyechiꞌi re li Dios, incꞌaꞌ tento nak tixba̱nu. Li Dios tixcuy xma̱c li ixk cuiꞌ incꞌaꞌ naxba̱nu.

Números 30:5

Abanan cui li yucuaꞌbej naxnau ut naxye re lix rabin nak incꞌaꞌ naru tixba̱nu li cꞌaꞌru quixyechiꞌi re li Dios, incꞌaꞌ tento nak tixba̱nu. Li Dios tixcuy xma̱c cui incꞌaꞌ naxba̱nu.

Números 30:14

Abanan cui li be̱lomej ta̱rabi resil li cꞌaꞌru quixyechiꞌi xba̱nunquil li rixakil ut ma̱cꞌaꞌ tixye, tento nak li ixk tixba̱nu li cꞌaꞌru quixyechiꞌi. Tento xba̱nunquil xban nak ma̱cꞌaꞌ quixye lix be̱lom nak quirabi resil.

Números 30:16

Aꞌaneb aꞌin li chakꞌrab li quixqꞌue li Dios re laj Moisés ut reheb li be̱lomej ut li ixakilbej ut reheb ajcuiꞌ li yucuaꞌbej ut lix rabin li toj cuan saꞌ rochoch li yucuaꞌbej.