Números 30:13 - Li Santil hu

¹³ Li be̱lomej tixye ma ta̱ru̱k tixba̱nu li cꞌaꞌru quixyechiꞌi re li Dios li ixakilbej malaj ut incꞌaꞌ naru tixba̱nu.

Q'eqchi Bible

¹³ “Yalaq k'a' chi yeechi'om malaj jurament chirix ayuun xk'ulub'an xb'aanunkil li ixq, li b'eelomej tixye ma truuq tixb'aanu malaj ink'a'.

Números 30:13 ပူးပေါင်းရင်းမြစ်များ

1 Corintios 11:3

Abanan cuan chic cꞌaꞌ re ru nacuaj xyebal e̱re. Aꞌan aꞌin: li be̱lomej, aꞌan najolomin re li rixakil ut li Cristo, aꞌan najolomin re li cui̱nk ut li Dios, aꞌan najolomin re li Cristo.

1 Corintios 11:9

Ut li cui̱nk incꞌaꞌ quiyoꞌobtesi̱c saꞌ xcꞌabaꞌ li ixk. Li ixk ban quiyoꞌobtesi̱c saꞌ xcꞌabaꞌ li cui̱nk.

Isaías 58:5

¿Ma aꞌin ta biꞌ li ayunic li nacuulac chicuu la̱in? ¿Ma jun cutan ajcuiꞌ naru te̱cubsi e̱rib? ¿Ma riqꞌuin xxulubanquil le̱ jolom joꞌ na-ecꞌan li caxlan aj te̱ba̱nu li us? ¿Ma nequecꞌoxla la̱ex nak riqꞌuin xqꞌuebal li kꞌes ru tꞌicr che̱rix ut riqꞌuin xyocobanquil e̱rib saꞌ li cha te̱ba̱nu li us? ¿Ma aꞌan xya̱lal li ayunic che̱ru la̱ex? ¿Ma nacuulac chicuu li ayunic chi joꞌcan nak nequecꞌoxla la̱ex?

Salmos 35:13

Nak xeꞌyajer eb aꞌan, la̱in xintikib cuib riqꞌuin li akꞌej li naxcꞌut nak ra saꞌ inchꞌo̱l. Xin-ayunic ut chi anchal inchꞌo̱l xintijoc chirixeb.

Esdras 8:21

Aran chire li nimaꞌ Ahava, la̱in quinye reheb nak to-ayuni̱k ut takacubsi kib chiru li Ka̱cuaꞌ. Takatzꞌa̱ma chiru nak aꞌan ta̱tenkꞌa̱nk ke ut ta̱ilok ke re nak ma̱cꞌaꞌ takacꞌul la̱o, chi moco li kacocꞌal chi moco li cꞌaꞌru cuan ke nak yo̱ko chi xic.

Números 29:7

Saꞌ li laje̱b xbe li xcuuk po teꞌxchꞌutub ribeb chixqꞌuebal inlokꞌal la̱in li Ka̱cuaꞌ. Teꞌxba̱nu lix ayu̱n ut ma̱ jun li cꞌanjel teꞌxba̱nu.

Levítico 23:32

Aꞌin jun li cutan re texhila̱nk cuiꞌ ut re ayunic. Ta̱ticla̱k nak ta̱oc li kꞌojyi̱n saꞌ xbele li cutan ut ta̱rakekꞌ nak ta̱oc li kꞌojyi̱n saꞌ li xlaje li cutan.

Levítico 23:27

—Saꞌ li laje̱b xbe li xcuuk po, aꞌan li cutan nak te̱qꞌue le̱ mayej re xtojbal rix le̱ ma̱c. Te̱chꞌutub e̱rib ut te̱ba̱nu li lokꞌlaj ninkꞌe. Te̱ba̱nu le̱ ayu̱n ut te̱cꞌat le̱ mayej re xqꞌuebal xlokꞌal li Ka̱cuaꞌ.

Levítico 16:29

Aꞌin jun chakꞌrab tenebanbil saꞌ e̱be̱n ut cua̱nk chi junelic. Te̱ba̱nu la̱ex aj Israel joꞌ ajcuiꞌ eb li jalaneb xtenamit li cuanqueb saꞌ e̱ya̱nk. Saꞌ li laje̱b xbe li xcuuk li po te̱ba̱nu le̱ ayu̱n ut ma̱ jun li cꞌanjel te̱ba̱nu.

1 Corintios 7:5

Cui li be̱lomej naraj cua̱nc riqꞌuin li rixakil, li ixakilbej incꞌaꞌ naru tixye incꞌaꞌ. Ut cui li ixakilbej naraj cua̱nc riqꞌuin lix be̱lom, li be̱lomej incꞌaꞌ naru tixye incꞌaꞌ. Naru teꞌxcꞌu̱b chi ribileb rib nak teꞌx-oxlokꞌi rib chi ribileb rib jarubak cutan re nak teꞌxqꞌue xchꞌo̱leb chi tijoc. Abanan teꞌcua̱nk cuiꞌchic mokon chi ribileb rib re nak incꞌaꞌ teꞌa̱le̱k xban laj tza xban nak incꞌaꞌ teꞌxcuy cua̱nc xjuneseb.

Números 30:12

Abanan cui li be̱lomej ta̱rabi resil ut tixye re li rixakil nak incꞌaꞌ naru tixba̱nu li cꞌaꞌru quixyechiꞌi re li Dios, incꞌaꞌ tento nak tixba̱nu. Li Dios tixcuy xma̱c li ixk cui incꞌaꞌ tixba̱nu xban nak li be̱lomej quixye nak incꞌaꞌ tixba̱nu.

Números 30:14

Abanan cui li be̱lomej ta̱rabi resil li cꞌaꞌru quixyechiꞌi xba̱nunquil li rixakil ut ma̱cꞌaꞌ tixye, tento nak li ixk tixba̱nu li cꞌaꞌru quixyechiꞌi. Tento xba̱nunquil xban nak ma̱cꞌaꞌ quixye lix be̱lom nak quirabi resil.