Números 3:9 - Li Santil hu

⁹ Ta̱kꞌaxtesiheb laj levita chi cꞌanjelac chiruheb laj Aarón ut eb li ralal xban nak aꞌaneb li sicꞌbil ruheb saꞌ xya̱nkeb laj Israel chi cꞌanjelac chiru saꞌ li tabernáculo.

Q'eqchi Bible

⁹ Taaq'axtesiheb' laj Leví re laj Aharón jo' ajwi' reheb' li ralal xk'ajol cho'q xmaataneb': siib'ilaqeb' sa' xk'ab'a'eb' chixjunil laj Israel.

Números 3:9 ပူးပေါင်းရင်းမြစ်များ

Números 8:19

La̱in quinsicꞌ ruheb laj levita saꞌ xya̱nkeb chixjunileb laj Israel ut xebinqꞌue chixtenkꞌanquileb laj Aarón ut eb li ralal saꞌ li tabernáculo. Eb aꞌan teꞌmayejak saꞌ xcꞌabaꞌeb laj Israel re nak ma̱cꞌaꞌ raylal teꞌxcꞌul nak teꞌnachꞌok riqꞌuin li tabernáculo eb laj Israel, chan li Dios.

Efesios 4:11

¿Cꞌaꞌru xya̱lal nak tzꞌi̱banbil nak quixqꞌue xma̱taneb li ralal xcꞌajol li Dios? Naraj naxye nak cuan li quiqꞌueheꞌ xma̱taneb chi cꞌanjelac joꞌ apóstol. Cuan li quiqꞌueheꞌ xma̱taneb chi cꞌanjelac joꞌ profeta. Cuan li quiqꞌueheꞌ xma̱taneb chixyebal resil li colba-ib. Cuan li quiqꞌueheꞌ xma̱taneb chi cꞌamoc be chiruheb laj pa̱banel ut cuan ajcuiꞌ li quiqꞌueheꞌ xma̱taneb chixcꞌutbal lix ya̱lal chiruheb laj pa̱banel.

Efesios 4:8

Aꞌin qui-uxman joꞌ tzꞌi̱banbil saꞌ li Santil Hu, li naxye chi joꞌcaꞌin: Nak quitakeꞌ saꞌ choxa li Ka̱cuaꞌ, quixcꞌutbesi nak aꞌan kꞌaxal nim xcuanquil saꞌ xbe̱n laj tza joꞌ ajcuiꞌ saꞌ xbe̱neb li nequeꞌcꞌanjelac chiru. Ut li Ka̱cuaꞌ quixqꞌue xma̱taneb li ralal xcꞌajol. (Sal. 68:18)

Números 3:8

Aꞌaneb li teꞌxocok reheb li cꞌaꞌak re ru li nacꞌanjelac saꞌ li tabernáculo. Teꞌcꞌanjelak chiruheb laj Israel nak teꞌxba̱nu li cꞌanjel li uxc naraj saꞌ li tabernáculo.

Números 8:16

Eb laj levita, aꞌaneb li sicꞌbil ruheb saꞌ xya̱nkeb laj Israel re nak teꞌqꞌuehekꞌ chi junaj cua chi cꞌanjelac chicuu. La̱in xinsicꞌ ruheb chokꞌ cue chokꞌ re̱kajeb li xbe̱n ralaleb laj Israel.

Números 16:9

¿Ma incꞌaꞌ ta biꞌ tzꞌakal riqꞌuin nak li kaDios quisicꞌoc e̱ru la̱ex saꞌ xya̱nkeb laj Israel re nak texcꞌanjelak chiru? Quixsicꞌ e̱ru re nak texxakli̱k chiruheb li tenamit ut texcꞌanjelak saꞌ li tabernáculo saꞌ xcꞌabaꞌeb li tenamit.

Números 8:14

Joꞌcaꞌin nak ta̱cuisiheb laj levita saꞌ xya̱nkeb laj Israel. Ut cuehakeb chic laj levita.

Números 8:18

Joꞌcan nak la̱in quinsicꞌ ruheb laj levita chokꞌ re̱kajeb li xbe̱n ralaleb laj Israel.

Números 18:2

Qꞌueheb xcꞌanjel la̱ cuechꞌalal, li ralal xcꞌajol laj Leví, re nak textenkꞌa nak yo̱kex chi cꞌanjelac saꞌ li tabernáculo la̱at ut eb la̱ cualal.

1 Crónicas 6:33

Aꞌaneb aꞌin li queꞌcꞌanjelac joꞌ queꞌcꞌanjelac ajcuiꞌ li ralal xcꞌajoleb. Eb li ralal xcꞌajol laj Coat, aꞌaneb aꞌin: li quicꞌamoc be chiruheb li xbe̱n chꞌu̱tal, aꞌan laj Hemán, li ralal laj Joel. Laj Joel, aꞌan li ralal laj Samuel;

1 Crónicas 15:2

Ut laj David quixye: —Lix Lokꞌlaj Ca̱x li Ka̱cuaꞌ incꞌaꞌ naru nacꞌameꞌ xban yalak ani. Caꞌaj eb cuiꞌ laj levita naru nequeꞌcꞌamoc re xban nak aꞌaneb li queꞌsiqꞌueꞌ ruheb xban li Ka̱cuaꞌ chixcꞌambal li Lokꞌlaj Ca̱x ut chi cꞌanjelac chiru chi junelic, chan.

Esdras 2:43

Eb li nequeꞌcꞌanjelac saꞌ li templo, aꞌaneb li ralal xcꞌajol laj Ziha, laj Hasufa, laj Tabaot,

Esdras 6:18

Eb laj tij queꞌqꞌueheꞌ saꞌ xcꞌanjeleb chi xjunju̱nkaleb. Joꞌcan ajcuiꞌ laj levita. Ac xcꞌanjel xcꞌanjel li junju̱nk queꞌqꞌueheꞌ re teꞌcꞌanjelak chiru li Dios joꞌ tzꞌi̱banbil retalil saꞌ li chakꞌrab xban laj Moisés.

Esdras 8:20

Queꞌchal ajcuiꞌ cuib ciento riqꞌuin junmay (220) chi cꞌanjelac saꞌ li templo. Aꞌaneb li ralal xcꞌajol li queꞌxakaba̱c junxil xban laj David ut xbaneb li nequeꞌtaklan re nak eb aꞌan teꞌcꞌanjelak saꞌ li templo chixtenkꞌanquileb laj levita. Ut quitzꞌi̱ba̱c xcꞌabaꞌeb li junju̱nk.