Números 3:8 - Li Santil hu

⁸ Aꞌaneb li teꞌxocok reheb li cꞌaꞌak re ru li nacꞌanjelac saꞌ li tabernáculo. Teꞌcꞌanjelak chiruheb laj Israel nak teꞌxba̱nu li cꞌanjel li uxc naraj saꞌ li tabernáculo.

Q'eqchi Bible

⁸ Eb' a'an te'iloq re li k'a'aq re ru nak'anjelak sa' li Loq'laj Muheb'aal ut te'xb'aanu ajwi' li tento sa' xb'eeneb' laj Israel sa' li Loq'laj Muheb'aal.

Números 3:8 ပူးပေါင်းရင်းမြစ်များ

Isaías 52:11

Joꞌcan nak elenkex che̱junilex la̱ex. Tex-e̱lk Babilonia. Ut me̱chꞌeꞌ li cꞌaꞌak re ru li cuan aran xban nak incꞌaꞌ us. Ut me̱mux e̱rib la̱ex li texcꞌamok re li cꞌaꞌru nacꞌanjelac saꞌ lix templo li Ka̱cuaꞌ.

Números 10:21

Ut chirixeb li ralal xcꞌajol laj Gad queꞌco̱eb li jun chꞌu̱tal li ralal xcꞌajol laj Coat li queꞌcꞌamoc re li cꞌaꞌak re ru li nacꞌanjelac saꞌ li tabernáculo. Nak nequeꞌcuulac saꞌ li naꞌajej li nequeꞌxic cuiꞌ, ac xakabanbil chic li tabernáculo.

Números 10:17

Nak ac xeꞌxjit li tabernáculo, eb li ralal xcꞌajol laj Gersón ut eb li ralal xcꞌajol laj Merari queꞌxcꞌam.

Números 4:33

Aꞌan aꞌin li cꞌanjel li teꞌxba̱nu eb li ralal xcꞌajol laj Merari nak teꞌcꞌanjelak saꞌ li tabernáculo. Ut laj Itamar li ralal laj Aarón laj tij, aꞌan li ta̱takla̱nk saꞌ xbe̱neb.

Números 4:28

Aꞌan aꞌin li cꞌanjel li teꞌxba̱nu eb li ralal xcꞌajol laj Gersón saꞌ li tabernáculo. Ut laj Itamar li ralal laj Aarón laj tij, aꞌan li ta̱takla̱nk saꞌ xbe̱neb.

Números 4:15

Nak ac oc reheb chixjalbal lix naꞌajeb, laj Aarón ut eb li ralal teꞌxlan chixjunil li cꞌaꞌak re ru li nacꞌanjelac saꞌ li tabernáculo ut teꞌcha̱lk li ralal xcꞌajol laj Coat chixpakonquil. Abanan incꞌaꞌ naru teꞌxchꞌeꞌ li cꞌaꞌru kꞌaxtesinbil re li Ka̱cuaꞌ re nak incꞌaꞌ teꞌca̱mk. Aꞌan aꞌin lix cꞌanjeleb li ralal xcꞌajol laj Coat saꞌ li tabernáculo.

Números 3:7

Teꞌxba̱nu li cꞌaꞌru naxye laj Aarón ut teꞌcꞌanjelak chiruheb laj Israel nak teꞌxba̱nu li cꞌanjel saꞌ li tabernáculo.

Números 3:9

Ta̱kꞌaxtesiheb laj levita chi cꞌanjelac chiruheb laj Aarón ut eb li ralal xban nak aꞌaneb li sicꞌbil ruheb saꞌ xya̱nkeb laj Israel chi cꞌanjelac chiru saꞌ li tabernáculo.

Números 31:30

Ut li yijach chic li ta̱jeqꞌui̱k saꞌ xya̱nkeb laj Israel, ta̱cuisi junju̱nk saꞌ li laje̱b roxcꞌa̱l li cꞌaꞌak re ru li teꞌxcꞌul laj Israel ut ta̱qꞌue reheb laj levita li nequeꞌiloc re li tabernáculo, joꞌ cristian, joꞌ bo̱yx, joꞌ bu̱r, joꞌ carner, joꞌ chiba̱t, joꞌ ajcuiꞌ li jun chꞌol chic li xul, chan li Dios.

1 Crónicas 23:27

Ut qui-uxman joꞌ quixye laj David nak quixrak lix cꞌanjel. Queꞌajla̱c chixjunileb li ralal xcꞌajol laj Leví li cuanqueb junmay chihab re joꞌ eb ajcuiꞌ li ac numenakeb junmay.

2 Crónicas 29:11

La̱ex aj levita, me̱canab cꞌanjelac chiru li Ka̱cuaꞌ, xban nak li Ka̱cuaꞌ, aꞌan li quisicꞌoc e̱ru re nak junelic cua̱nkex riqꞌuin ut texcꞌanjelak chiru ut re nak te̱cꞌat li incienso chiru, chan laj Ezequías.