Números 3:6 - Li Santil hu

⁶ —Cꞌameb chak laj levita ut ta̱xakabeb chixtenkꞌanquil laj Aarón.

Q'eqchi Bible

⁶ “Taqla xb'oqb'aleb' li xteepal laj Leví, re naq te'xtenq'a laj Aharón.

Números 3:6 ပူးပေါင်းရင်းမြစ်များ

Malaquías 2:4

Ut riqꞌuin aꞌin te̱qꞌue retal nak le̱ chakꞌrabinquil li xinqꞌue e̱re, aꞌan re nak xakxo̱k xcuanquil li contrato li quinba̱nu riqꞌuin laj Leví. La̱in li Ka̱cuaꞌ li nimajcual Dios yo̱quin chi yehoc re aꞌin.

Deuteronomio 10:8

Saꞌ eb li cutan aꞌan li Ka̱cuaꞌ quixxakabeb li ralal xcꞌajol laj Leví chi cꞌanjelac chiru li Ka̱cuaꞌ ut chixpakonquil li Lokꞌlaj Ca̱x li cuan cuiꞌ lix contrato li Ka̱cuaꞌ, ut chixtzꞌa̱manquil li rosobtesinquileb li tenamit. Ut joꞌcan queꞌxba̱nu toj chalen anakcuan.

Números 2:33

Eb laj levita incꞌaꞌ queꞌajla̱c rochbeneb li jun chꞌol chic laj Israel xban nak li Ka̱cuaꞌ quixye re laj Moisés nak incꞌaꞌ teꞌajla̱k.

Números 2:17

Eb laj levita teꞌxic chirixeb li ralal xcꞌajol laj Gad. Teꞌxic saꞌ xyiheb laj Israel ut teꞌxcꞌam li tabernáculo. Teꞌxic chi chꞌu̱tal joꞌ nak queꞌxyi̱b lix muheba̱leb chi chꞌu̱tal. Ac re reheb lix bandereb li teꞌxcꞌam chokꞌ retalileb.

Números 3:5

Quia̱tinac li Ka̱cuaꞌ riqꞌuin laj Moisés ut quixye re:

1 Crónicas 23:32

Eb li ralal xcꞌajol laj Leví, aꞌan eb li queꞌiloc re lix templo li Dios joꞌ ajcuiꞌ li Santil Naꞌajej. Nak yo̱queb chi cꞌanjelac saꞌ li templo, cuanqueb rubel xcuanquil li ralal xcꞌajol laj Aarón, li rechꞌalaleb.

2 Crónicas 29:11

La̱ex aj levita, me̱canab cꞌanjelac chiru li Ka̱cuaꞌ, xban nak li Ka̱cuaꞌ, aꞌan li quisicꞌoc e̱ru re nak junelic cua̱nkex riqꞌuin ut texcꞌanjelak chiru ut re nak te̱cꞌat li incienso chiru, chan laj Ezequías.

Esdras 6:18

Eb laj tij queꞌqꞌueheꞌ saꞌ xcꞌanjeleb chi xjunju̱nkaleb. Joꞌcan ajcuiꞌ laj levita. Ac xcꞌanjel xcꞌanjel li junju̱nk queꞌqꞌueheꞌ re teꞌcꞌanjelak chiru li Dios joꞌ tzꞌi̱banbil retalil saꞌ li chakꞌrab xban laj Moisés.

Números 18:21

Eb li ralal xcꞌajol laj Leví teꞌxcꞌul li junju̱nk saꞌ xlaje̱tkil li cꞌaꞌru cuan reheb laj Israel re xtojbal rix li cꞌanjel li teꞌxba̱nu saꞌ li tabernáculo.

1 Crónicas 6:33

Aꞌaneb aꞌin li queꞌcꞌanjelac joꞌ queꞌcꞌanjelac ajcuiꞌ li ralal xcꞌajoleb. Eb li ralal xcꞌajol laj Coat, aꞌaneb aꞌin: li quicꞌamoc be chiruheb li xbe̱n chꞌu̱tal, aꞌan laj Hemán, li ralal laj Joel. Laj Joel, aꞌan li ralal laj Samuel;

1 Crónicas 15:2

Ut laj David quixye: —Lix Lokꞌlaj Ca̱x li Ka̱cuaꞌ incꞌaꞌ naru nacꞌameꞌ xban yalak ani. Caꞌaj eb cuiꞌ laj levita naru nequeꞌcꞌamoc re xban nak aꞌaneb li queꞌsiqꞌueꞌ ruheb xban li Ka̱cuaꞌ chixcꞌambal li Lokꞌlaj Ca̱x ut chi cꞌanjelac chiru chi junelic, chan.

1 Crónicas 23:28

Eb li ralal xcꞌajol laj Leví queꞌcanaba̱c saꞌ xcue̱nteb li ralal xcꞌajol laj Aarón chi cꞌanjelac saꞌ lix templo li Ka̱cuaꞌ. Cuan queꞌcanaba̱c chi cꞌanjelac saꞌ li neba̱l ut cuanqueb ajcuiꞌ li queꞌxakaba̱c chi cꞌanjelac saꞌ eb li naꞌajej li cuan cuiꞌ li cꞌaꞌak re ru li nacꞌanjelac saꞌ li templo. Ut teꞌcꞌanjelak ajcuiꞌ re xsantobresinquil li cꞌaꞌru nacꞌanjelac saꞌ li templo. Teꞌxba̱nu chixjunil li cꞌanjel saꞌ lix templo li Dios.