Números 3:36 - Li Santil hu

³⁶ Eb li ralal xcꞌajol laj Merari, aꞌaneb li teꞌilok reheb lix cheꞌel li tabernáculo, li okech, li cꞌochleba̱l ut chixjunil li cꞌaꞌak chic re ru li nacꞌanjelac re li tabernáculo.

Q'eqchi Bible

³⁶ Eb' li ralal xk'ajol laj Merarí a'aneb' li neke'ilok re li xtz'alamche'il li Loq'laj Na'ajej, eb' li tz'amb'a, eb' li oqech, li neke'k'ochlaak wi' ut chixjunil li k'a'aq re ru nak'anjelak re li Loq'laj Na'ajej,

Números 3:36 ပူးပေါင်းရင်းမြစ်များ

Éxodo 26:37

Te̱yi̱b ajcuiꞌ o̱b li okech riqꞌuin li cheꞌ acacia bar te̱qꞌue cuiꞌ li tꞌicr. Te̱letz li tzꞌakal oro chiru li o̱b chi cheꞌ. Ut te̱yi̱b ajcuiꞌ riqꞌuin bronce o̱b xnaꞌajeb li okech. Ut te̱yi̱b o̱b li ganchos li te̱chap cuiꞌ li tꞌicr chiru li okech.

Éxodo 26:32

Te̱letz ca̱hib li gancho oro chiru li okech ca̱hib yi̱banbil riqꞌuin li cheꞌ acacia. Ut chiru li gancho aꞌan te̱qꞌue li nimla tꞌicr. Te̱letz li oro chirixeb li okech. Ut te̱yi̱b ajcuiꞌ riqꞌuin plata ca̱hib xnaꞌaj li okech.

Números 7:8

Ut quixqꞌue ca̱hib li carre̱t ut cuakxakib li bo̱yx reheb li ralal xcꞌajol laj Merari aꞌ yal chanru quiraj lix cꞌanjeleb. Ut laj Itamar, li ralal laj Aarón laj tij, aꞌan li quitaklan saꞌ xbe̱neb.

Éxodo 39:33

Ut queꞌxkꞌaxtesi re laj Moisés chixjunil li cꞌaꞌru ta̱cꞌanjelak re xyi̱banquil li tabernáculo. Queꞌxkꞌaxtesi re chixjunil li ta̱cꞌanjelak saꞌ li tabernáculo joꞌ li gancho, joꞌqueb ajcuiꞌ li tzꞌalam cheꞌ ut li cheꞌ li teꞌxqꞌue chi kꞌekꞌo, joꞌ ajcuiꞌ li okech ut lix naꞌajeb li teꞌxqꞌue cuiꞌ.

Éxodo 36:36

Ut queꞌxyi̱b ca̱hib li okech riqꞌuin li cheꞌ acacia ut queꞌxqꞌue oro chirix. Queꞌxletz ca̱hib li gancho oro chiru li okech ca̱hib. Chiru li gancho aꞌan teꞌxqꞌue li nimla tꞌicr. Ut queꞌxyi̱b ajcuiꞌ riqꞌuin plata ca̱hib xnaꞌaj li okech.

Éxodo 35:18

Teꞌxyi̱b li cꞌa̱m joꞌ ajcuiꞌ li chꞌi̱chꞌ li ta̱chapok re saꞌ chꞌochꞌ li rokechal li tabernáculo joꞌ ajcuiꞌ li rokechal li neba̱l.

Éxodo 35:11

Teꞌxyi̱b chixjunil li ta̱cꞌanjelak re li tabernáculo. Teꞌxyi̱b li lokꞌlaj muheba̱l joꞌ ajcuiꞌ li ta̱oc saꞌ xbe̱n. Teꞌxyi̱b li ganchos ut li tzꞌalam cheꞌ ut li cheꞌ li na-oc chi kꞌekꞌo, joꞌ ajcuiꞌ li okech ut lix naꞌajeb li teꞌqꞌuehekꞌ cuiꞌ.

Números 3:35

Eb li ralal xcꞌajol laj Merari, aꞌaneb li teꞌxyi̱b lix muheba̱leb chixcꞌatk li tabernáculo saꞌ li norte. Laj Zuriel li ralal laj Abihail, aꞌan li ta̱takla̱nk saꞌ xbe̱neb.

Números 3:37

Aꞌaneb ajcuiꞌ li teꞌilok reheb li cheꞌ li nacꞌanjelac chixjun sutam li neba̱l, rochbeneb lix cꞌochleba̱l, joꞌ ajcuiꞌ lix cꞌa̱mal ut li cheꞌ li nachapoc re saꞌ chꞌochꞌ.