Números 3:25 - Li Santil hu

²⁵ Eb li ralal xcꞌajol laj Gersón, aꞌaneb li teꞌilok re li tabernáculo ut li tzꞌu̱m li natzꞌapoc re, joꞌ ajcuiꞌ li tꞌicr li cuan saꞌ li oqueba̱l.

Q'eqchi Bible

²⁵ Eb' li ralal xk'ajol laj Kersón a'aneb' li te'iloq re li Loq'laj Muheb'aal, li xmuheel ut li t'ilkem li natz'apok re li okeb'aal sa' li Loq'laj Na'ajej,

Números 3:25 ပူးပေါင်းရင်းမြစ်များ

Éxodo 25:9

La̱in tinye e̱re chanru nak te̱yi̱b li naꞌajej li tincua̱nk cuiꞌ ut tinye e̱re chanru te̱yi̱b li cꞌaꞌru ta̱cꞌanjelak chi saꞌ. Te̱yi̱b chi tzꞌakal joꞌ tinye e̱re.

1 Timoteo 1:18

At Timoteo, chanchanat li cualal chicuu nak nacatcuil. Tinqꞌue a̱cue la̱ taklanquil joꞌ queꞌxye li profeta cha̱cuix junxil. Li a̱tin queꞌxye, aꞌan ta̱qꞌuehok xcacuil a̱chꞌo̱l chixba̱nunquil li cꞌanjel qꞌuebil a̱cue. Joꞌcan ut nak yal a̱kꞌe chi cꞌanjelac chiru li Ka̱cuaꞌ.

Colosenses 4:17

Ut cheyehak ajcuiꞌ re laj Arquipo nak chixqꞌuehak xchꞌo̱l chixba̱nunquil li cꞌanjel li quiqꞌueheꞌ re xban li Ka̱cuaꞌ Dios.

San Marcos 13:34

Chanchan jun li cui̱nk najt co̱ saꞌ xvia̱j. Toj ma̱jiꞌ naxic nak quixqꞌueheb xcuanquileb laj cꞌanjel chiru. Quixcanab xcꞌanjel li junju̱nk. Ut quixye re laj ilol cab nak junelic yoꞌon cua̱nk.

2 Crónicas 31:2

Li rey Ezequías quixqꞌueheb cuiꞌchic chi chꞌu̱tal eb laj tij ut eb laj levita, aꞌ yal cꞌaꞌru lix cꞌanjeleb li junju̱nk. Queꞌxcꞌat li mayej ut queꞌmayejac re xcꞌambaleb rib li tenamit saꞌ usilal riqꞌuin li Ka̱cuaꞌ. Queꞌcꞌanjelac chiru li Dios ut queꞌbantioxin ut queꞌxbicha xlokꞌal li Ka̱cuaꞌ saꞌ eb li oqueba̱l re lix templo li Dios.

1 Crónicas 23:32

Eb li ralal xcꞌajol laj Leví, aꞌan eb li queꞌiloc re lix templo li Dios joꞌ ajcuiꞌ li Santil Naꞌajej. Nak yo̱queb chi cꞌanjelac saꞌ li templo, cuanqueb rubel xcuanquil li ralal xcꞌajol laj Aarón, li rechꞌalaleb.

Números 10:17

Nak ac xeꞌxjit li tabernáculo, eb li ralal xcꞌajol laj Gersón ut eb li ralal xcꞌajol laj Merari queꞌxcꞌam.

Números 7:7

Quixqꞌue cuib li carre̱t ut ca̱hib li bo̱yx reheb li ralal xcꞌajol laj Gersón, aꞌ yal chanru quiraj lix cꞌanjeleb.

Números 3:7

Teꞌxba̱nu li cꞌaꞌru naxye laj Aarón ut teꞌcꞌanjelak chiruheb laj Israel nak teꞌxba̱nu li cꞌanjel saꞌ li tabernáculo.

Éxodo 40:28

Quixqꞌue jun li nimla tꞌicr saꞌ li oqueba̱l re li tabernáculo.

Éxodo 40:19

Quixhel li xtꞌicrul li tabernáculo saꞌ xbe̱n li cheꞌ ut quixtzꞌap chi us riqꞌuin rix li xul. Quixba̱nu joꞌ quiyeheꞌ re xban li Dios.

Números 1:50

Te̱xakabeb ban li ralal xcꞌajol laj Leví chi cꞌanjelac saꞌ li tabernáculo ut aꞌaneb li teꞌilok re chixjunil li nacꞌanjelac aran. Teꞌxyi̱b lix muheba̱leb chi xjun sutam li tabernáculo.

Números 3:24

Laj Eliasaf, li ralal laj Lael, aꞌan li ta̱cꞌamok be chiruheb li ralal xcꞌajol laj Gersón.