Números 3:10 - Li Santil hu

¹⁰ Ta̱xakabeb laj Aarón ut eb li ralal chi cꞌanjelac chokꞌ aj tij. Ut li jalan teꞌnachꞌok riqꞌuin li tabernáculo teꞌca̱mk.—

Q'eqchi Bible

¹⁰ Laj Aharón ut eb' li ralal xk'ajol taaxaqab'eb' chi k'anjelak cho'q aj tij. Wi junaq li maawa' aj tij taanach'oq aran, taakamsiiq”, chan li Qaawa'.

Números 3:10 ပူးပေါင်းရင်းမြစ်များ

Números 1:51

Ut nak eb laj Israel teꞌxjal xnaꞌaj li tabernáculo, eb li ralal xcꞌajol laj Leví teꞌhitok re ut aꞌaneb ajcuiꞌ li teꞌxakaba̱nk re nak teꞌhila̱nk saꞌ jalan naꞌajej. Cui junak jalan ta̱jilok riqꞌuin li tabernáculo saꞌ li ho̱nal aꞌan, li jun aꞌan ta̱camsi̱k.

Números 3:38

Laj Moisés rochbeneb laj Aarón ut eb li ralal teꞌxyi̱b lix muheba̱leb chixcꞌatk li tabernáculo saꞌ li este chiru li oqueba̱l re li tabernáculo. Aꞌaneb li teꞌilok re li Santil Naꞌajej saꞌ xcꞌabaꞌeb laj Israel. Cui junak jalan ta̱xic cuan cuiꞌ li tabernáculo, li jun aꞌan ta̱camsi̱k.

Romanos 12:7

Li ani qꞌuebil xma̱tan re tenkꞌa̱nc, chitenkꞌa̱nk chi sa saꞌ xchꞌo̱l. Li ani qꞌuebil xma̱tan chixtzolbaleb li ras ri̱tzꞌin, chixtzolakeb saꞌ xya̱lal.

Números 18:7

Abanan caꞌaj cuiꞌ la̱at ut eb la̱ cualal ta̱ru̱k teꞌcꞌanjelak chokꞌ aj tij chiru li artal ut saꞌ li Lokꞌlaj Santil Naꞌajej. La̱in quinxakaban e̱re la̱ex chi cꞌanjelac chokꞌ aj tij. Cui junak jalan ta̱oc chixba̱nunquil li cꞌanjel qꞌuebil e̱re saꞌ li Santil Naꞌajej, li jun aꞌan ta̱camsi̱k.

Hebreos 8:4

Cui toj cuan ta arin saꞌ ruchichꞌochꞌ incꞌaꞌ ajcuiꞌ ta̱cꞌanjelak joꞌ junak reheb laj tij xban nak eb laj tij nequeꞌmayejac joꞌ naxye lix chakꞌrab laj Moisés.

Efesios 2:19

Ut moco jalanex ta chic anakcuan riqꞌuineb laj judío. La̱ex ban chic xcomoneb. Junaj chic e̱ru riqꞌuineb. La̱ex chic ralal xcꞌajol li Dios.

Ezequiel 44:8

La̱ex aj Israel incꞌaꞌ quexcꞌanjelac chicuu saꞌ lin templo joꞌ quexintakla cuiꞌ. Quexakabeb ban li jalaneb xtenamit chixba̱nunquil.

Números 18:3

Teꞌcua̱nk rubel la̱ takl. Teꞌcꞌanjelak saꞌ li tabernáculo. Abanan incꞌaꞌ naru teꞌnachꞌok riqꞌuin li cꞌaꞌak re ru li cuan saꞌ li Santil Naꞌajej chi moco teꞌnachꞌok riqꞌuin li artal. Cui teꞌxba̱nu aꞌan, teꞌca̱mk eb aꞌan ut texca̱mk ajcuiꞌ la̱ex.

Números 16:40

Quixba̱nu laj Eleazar joꞌ quixye li Ka̱cuaꞌ re laj Moisés. Aꞌan jun retalil chiruheb laj Israel nak juneseb li ralal xcꞌajol laj Aarón naru nequeꞌxcꞌat li pom chiru li Ka̱cuaꞌ. Jalan incꞌaꞌ naru ma̱re anchal tixcꞌul joꞌ queꞌxcꞌul laj Coré ut eb li queꞌoquen chirix.

Números 16:35

Ut li Ka̱cuaꞌ quixtakla li xam ut quixcꞌateb li cuib ciento riqꞌuin laje̱b roxcꞌa̱l (250) chi cui̱nk li queꞌcꞌatoc re li pom.

Éxodo 29:9

Ut ta̱qꞌue lix bacꞌbal xsaꞌeb laj Aarón joꞌqueb ajcuiꞌ li ralal ut ta̱qꞌue lix mitra saꞌ xjolomeb. Riqꞌuin aꞌan kꞌaxtesinbilakeb chi cꞌanjelac chicuu chokꞌ aj tij chi junelic.

1 Crónicas 6:32

Queꞌxjal ribeb chi cꞌanjelac chire li tabernáculo li queꞌxchꞌutub cuiꞌ ribeb li tenamit toj nak laj Salomón quixyi̱b lix templo li Dios aran Jerusalén. Chirix aꞌan queꞌcꞌanjelac joꞌ cꞌaynakeb xba̱nunquil.

2 Samuel 6:7

Cꞌajoꞌ nak quijoskꞌoꞌ li Dios riqꞌuin laj Uza, ut quixcamsi xban nak quixchꞌeꞌ li Lokꞌlaj Ca̱x riqꞌuin rukꞌ. Ut aran chixcꞌatk li Lokꞌlaj Ca̱x quicana chi camenak laj Uza.

1 Samuel 6:19

Ut li Ka̱cuaꞌ quixqꞌue chi ca̱mc laje̱b xca̱cꞌa̱l (70) li cui̱nk li cuanqueb Bet-semes xban nak queꞌiloc chi saꞌ li Lokꞌlaj Ca̱x. Ut eb li tenamit queꞌya̱bac xban nak li Ka̱cuaꞌ quixsach ruheb.

Levítico 22:10

Ma̱ ani naru tixtzaca li santobresinbil tzacae̱mk cui ma̱cuaꞌ xcomon laj tij. Chi moco li rulaꞌ chi moco lix tojbil mo̱s naru nequeꞌtzacan re.

Números 3:11

Ut quixye ajcuiꞌ li Ka̱cuaꞌ re laj Moisés:

Números 16:10

Li Dios quixakaban e̱re joꞌ eb ajcuiꞌ chixjunileb le̱ rech aj levita chi cꞌanjelac chiru. Abanan la̱ex toj te̱raj texcꞌanjelak chokꞌ aj tij.

Jueces 17:5

Saꞌ li rochoch laj Micaía quicuan jun li naꞌajej re xlokꞌoninquil lix dioseb. Quixyi̱b jun li efod ut quixyi̱beb ajcuiꞌ lix dios. Ut quixxakab jun li ralal chi cꞌanjelac chokꞌ aj tij chiruheb li yi̱banbil dios.

Deuteronomio 18:5

Teꞌxcꞌul aꞌin xban nak li Ka̱cuaꞌ le̱ Dios quixsicꞌ ruheb rochbeneb li ralal xcꞌajol saꞌ xya̱nkeb chixjunileb laj Israel re nak teꞌcꞌanjelak chiru chi junelic kꞌe cutan.

1 Reyes 12:31

Laj Jeroboam quixyi̱b rochocheb li yi̱banbil dios saꞌ eb li naꞌajej najt xteram. Ut saꞌ xya̱nkeb li tenamit quixsiqꞌueb ru li quixxakab chokꞌ aj tij li ma̱cuaꞌeb ralal xcꞌajol laj Leví.

Nehemías 6:11

Ut la̱in quinchakꞌoc ut quinye re: —Junak cui̱nk joꞌ la̱in, ¿ma naru ta biꞌ ta̱xucuak chiruheb aꞌan? ¿Ma tinxic ta biꞌ saꞌ li templo chixmukbal cuib yal re xcolbal rix lin yuꞌam? La̱in incꞌaꞌ tin-oc saꞌ li templo chixmukbal cuib, chanquin re.