Números 29:6 - Li Santil hu

⁶ Teꞌxqꞌue li mayej aꞌin ut teꞌxqꞌue ajcuiꞌ li mayej li teꞌxcꞌat rajlal po ut rajlal cutan rochbeneb li mayej cꞌaj ut li mayej vino. Aꞌanak li sununquil cꞌatbil mayej ta̱cuulak chicuu la̱in li Ka̱cuaꞌ.

Q'eqchi Bible

⁶ Teeb'aanu a'in, ut teek'e ajwi' li k'atb'il mayej na'uxmank rajlal po, rochb'een leeyeechi'om ut li namayejamank rajlal kutan rochb'een leeyeechi'om ut li b'iin, jo' chanru leechaq'rab'inkil. A'anaq jun k'atb'il mayej li sununk xb'ook chiru li Qaawa'.

Números 29:6 ပူးပေါင်းရင်းမြစ်များ

Esdras 3:4

Tojoꞌnak queꞌxyi̱b li cocꞌ muheba̱l re nak teꞌxba̱nu li ninkꞌe re xbantioxinquil chiru li Dios nak queꞌcoleꞌ, joꞌ tzꞌi̱banbil saꞌ li chakꞌrab li quiqꞌueheꞌ re laj Moisés. Rajlal cutan queꞌxmayeja li cꞌatbil xul joꞌ cꞌaynakeb xba̱nunquil ut saꞌ xcutanquil quilajeꞌxba̱nu joꞌ quiyeheꞌ reheb.

Números 29:21

Rochbeneb li toro, li te̱lom carner ut li carner ju̱nk chihab cuan reheb, teꞌxqꞌue li mayej cꞌaj ut li mayej vino aꞌ yal jarubeb li xul li teꞌxmayeja joꞌ naxye saꞌ li chakꞌrab.

Números 29:18

Rochbeneb li toro, li te̱lom carner ut li te̱lom carner li ju̱nk chihab cua̱nk reheb, teꞌxqꞌue ajcuiꞌ li mayej cꞌaj ut li mayej vino aꞌ yal jarubeb li xul li teꞌxmayeja joꞌ naxye saꞌ li chakꞌrab.

Números 15:24

Cui xexpaltoꞌ chi incꞌaꞌ yal naraj e̱chꞌo̱l, tento nak che̱junilex te̱qꞌue chokꞌ e̱cꞌatbil mayej jun li toro toj sa̱j chokꞌ sununquil mayej li ta̱cuulak chicuu. Ut te̱qꞌue rochben li mayej cꞌaj ut li mayej vino. Ut te̱qꞌue ajcuiꞌ jun li te̱lom chiba̱t re xtzꞌa̱manquil xcuybal li ma̱c.

Números 9:14

Nak eb li jalaneb xtenamit li cuanqueb saꞌ e̱ya̱nk teꞌxninkꞌei li Pascua, tento nak teꞌxba̱nu joꞌ xexinchakꞌrabi cuiꞌ. Juntakꞌe̱t le̱ chakꞌrabinquil la̱ex riqꞌuin lix chakꞌrabinquileb li jalaneb xtenamit, chan li Dios.

Levítico 6:9

—Ta̱ye re laj Aarón ut eb li ralal nak joꞌcaꞌin nak teꞌxqꞌue li cꞌatbil mayej. Li xul li teꞌxcꞌat teꞌxcanab saꞌ li xam saꞌ xbe̱n li artal. Aran yo̱k chi cꞌatc ta̱numekꞌ li kꞌojyi̱n toj ta̱sake̱uk.

Números 28:27

Teꞌxqꞌue chokꞌ xcꞌatbil mayejeb cuib li toro toj sa̱jeb, jun li te̱lom carner ut cuukub li te̱lom carner jun chihab cua̱nk reheb. Ut nak teꞌxcꞌat, aꞌanak jun li sununquil cꞌatbil mayej ta̱cuulak chicuu la̱in li Ka̱cuaꞌ.

Números 29:5

Ut teꞌxqꞌue chokꞌ xmayejeb jun li te̱lom chiba̱t re xtzꞌa̱manquil xcuybal xma̱queb.

Números 7:13

Li mayej li quixqꞌue, aꞌan jun li nimla plato yi̱banbil riqꞌuin plata numenak oxib libra ra̱lal ut jun li nimla secꞌ yi̱banbil riqꞌuin plata, caꞌchꞌin ma̱ cuib libra ra̱lal. Lix bisbaleb aꞌan joꞌ li bisleb li cuan saꞌ li tabernáculo. Li plato ut li secꞌ nujenak riqꞌuin li cha̱bil cꞌaj junajinbil riqꞌuin aceite re li mayej re li ru li acui̱mk.

Números 15:4

Li ani tixcꞌam lix mayej tixqꞌue ajcuiꞌ rochben lix mayej numenak ca̱hib libra li cha̱bil cꞌaj junajinbil riqꞌuin numenak jun litro li aceite.