Números 29:39 - Li Santil hu

³⁹ Aꞌaneb aꞌin li mayej li teꞌxqꞌue re xlokꞌoninquil li Ka̱cuaꞌ nak teꞌninkꞌei̱k. Teꞌxqꞌue li mayej li na-ala saꞌ xchꞌo̱leb xqꞌuebal joꞌ ajcuiꞌ li mayej li nequeꞌxqꞌue nak nequeꞌxyechiꞌi li cꞌaꞌak re ru re li Ka̱cuaꞌ, ut li cꞌatbil mayej ut li mayej cꞌaj ut li mayej vino joꞌ eb ajcuiꞌ li mayej re xcꞌambal ribeb saꞌ usilal riqꞌuin li Ka̱cuaꞌ.

Q'eqchi Bible

³⁹ “A'aneb' a'in li mayej teeyeechi'i re li Qaawa' sa' leeninq'e, jalan wi' li mayej nekeyeechi'i rajlal ut li na'alaak sa' eech'ool, a'eb' leek'atb'il mayej, li ru li awimq, li mayejanb'il b'iin ut li mayejak chirix li k'amok ib' sa' usilal rik'in li Yos”.

Números 29:39 ပူးပေါင်းရင်းမြစ်များ

Levítico 23:2

—Ta̱ye reheb laj Israel cꞌaꞌru naxye li chakꞌrab chirixeb li ninkꞌe li teꞌxba̱nu nak teꞌxchꞌutub ribeb chinlokꞌoninquil. La̱at ta̱ye resil reheb nak li ninkꞌe li teꞌxba̱nu, aꞌan kꞌaxal lokꞌ.

2 Crónicas 31:3

Li rey quixqꞌue li mayej xul li nequeꞌxcꞌat rajlal ekꞌela ut rajlal ecuu joꞌ ajcuiꞌ li nequeꞌxcꞌat saꞌ li hiloba̱l cutan. Quixqꞌue ajcuiꞌ li nequeꞌxmayeja saꞌ xyoꞌlajic li po, ut reheb li ninkꞌe li queꞌxba̱nu joꞌ tzꞌi̱banbil saꞌ lix chakꞌrab li Dios.

1 Crónicas 23:31

Aꞌaneb li teꞌcꞌatok re li mayejanbil xul chiru li Ka̱cuaꞌ saꞌ eb li hiloba̱l cutan joꞌ ajcuiꞌ nak nequeꞌxninkꞌei lix yoꞌlajic li po, joꞌ ajcuiꞌ saꞌ eb li ninkꞌe li jun chꞌol chic. Ac chꞌolchꞌo jarubeb li teꞌxba̱nu li cꞌanjel ut jokꞌe teꞌcꞌanjelak li junju̱nk. Rajlal teꞌxba̱nu li cꞌanjel aꞌan chiru li Ka̱cuaꞌ, chan.

Isaías 1:14

Xicꞌ chic nacuil le̱ ninkꞌe li nequeba̱nu saꞌ xyoꞌlajic li po ut xicꞌ nacuil nak nequechꞌutub e̱rib chi ninkꞌei̱c. Chꞌaꞌaj chokꞌ cue xcuybal rilbal li joꞌ qꞌuial nequeba̱nu.

Nehemías 10:33

Li tumin aꞌan ta̱cꞌanjelak re li caxlan cua li naqꞌueman rajlal saꞌ lix templo li Dios ut ta̱cꞌanjelak ajcuiꞌ re xlokꞌbal li ru li trigo li namayeja rajlal cutan, ut re ajcuiꞌ li mayej li nequeꞌxcꞌat. Ut ta̱cꞌanjelak ajcuiꞌ re li mayej li naqꞌueman saꞌ li hiloba̱l cutan, ut nak nequeꞌxninkꞌei lix yoꞌlajic li po ut re ajcuiꞌ chixjunileb li ninkꞌe li nequeꞌxba̱nu. Ut ta̱cꞌanjelak re li cꞌaꞌak re ru li kꞌaxal lokꞌ ut re li mayej li nequeꞌxqꞌue re xpatzꞌbal xcuybal xma̱queb laj Israel ut re chixjunil li cꞌanjel li na-uxman saꞌ lix templo li Dios.

Esdras 3:5

Ut queꞌmayejac joꞌ nequeꞌxba̱nu junelic ut queꞌmayejac saꞌ xyoꞌlajic li po ut saꞌ eb li cutan joꞌ yebil chak reheb xban li Ka̱cuaꞌ ut cuanqueb ajcuiꞌ li qui-ala saꞌ xchꞌo̱leb xqꞌuebal xmayejeb.

Levítico 7:11

Aꞌan aꞌin li chakꞌrab chirix li mayej li nequeꞌxqꞌue re xcꞌambal ribeb saꞌ usilal riqꞌuin li Ka̱cuaꞌ Dios:

1 Corintios 10:31

La̱in tinye e̱re lix ya̱lal. Chixjunil li cꞌaꞌru te̱tzaca ut chixjunil li cꞌaꞌru te̱ba̱nu, cheba̱nuhak re xqꞌuebal xlokꞌal li Ka̱cuaꞌ Dios.

Deuteronomio 12:6

Ut aran te̱cꞌam le̱ mayej xul ut te̱camsi ut te̱cꞌat re xqꞌuebal xlokꞌal li Ka̱cuaꞌ. Ut te̱cꞌam ajcuiꞌ le̱ mayej li junju̱nk saꞌ xlaje̱tkil joꞌ ajcuiꞌ li mayej li na-ala saꞌ e̱chꞌo̱l xqꞌuebal. Te̱cꞌam ajcuiꞌ le̱ mayej li ac xeyechiꞌi re li Ka̱cuaꞌ. Ut aran ajcuiꞌ te̱mayeja li xbe̱n ral le̱ cuacax ut li xbe̱n ral le̱ carner.

Números 6:21

Aꞌan aꞌin li chakꞌrab li tixba̱nu nak tixyechiꞌi lix mayej chiru li Ka̱cuaꞌ chokꞌ aj nazareo. Ut tixqꞌue ajcuiꞌ jun chic li mayej li joꞌ qꞌuial naru xqꞌuebal chiru. Tento nak tixba̱nu li cꞌaꞌru quixyechiꞌi joꞌ naxye saꞌ li chakꞌrab li qꞌuebil reheb laj nazareo.

Levítico 23:28

Ma̱ jun li cꞌanjel te̱ba̱nu chiru li cutan aꞌan xban nak aꞌan jun cutan re xtojbal rix le̱ ma̱c. Te̱ba̱nu chi joꞌcan re nak li Ka̱cuaꞌ le̱ Dios tixcuy le̱ ma̱c.

Números 29:38

Teꞌxqꞌue ajcuiꞌ chokꞌ mayej jun li te̱lom chiba̱t re xtzꞌa̱manquil xcuybal li ma̱c. Ut teꞌxqꞌue ajcuiꞌ li cꞌatbil mayej li nequeꞌxqꞌue rajlal rochben li mayej cꞌaj ut li mayej vino.

Números 29:40

Ut laj Moisés quixye reheb laj Israel chixjunil joꞌ quiyeheꞌ re xban li Ka̱cuaꞌ.

Amós 5:22

Usta nequemayeja li cꞌatbil xul re xqꞌuebal inlokꞌal ut nequemayeja li ru le̱ trigo, abanan incꞌaꞌ nacuulac chicuu. Usta te̱mayeja li ral li cuacax, li nim xtibel re xcꞌambal cuiꞌchic e̱rib saꞌ usilal cuiqꞌuin, abanan la̱in incꞌaꞌ tincꞌul.

Levítico 23:38

Eb li mayej aꞌin, aꞌan jun chic li mayej li te̱qꞌue nak nequeqꞌue le̱ mayej saꞌ li hiloba̱l cutan nak nequeqꞌue le̱ ma̱tan ut eb li mayej li xeyechiꞌi xqꞌuebal re li Ka̱cuaꞌ joꞌ ajcuiꞌ li mayej li na-ala saꞌ e̱chꞌo̱l xqꞌuebal.

Números 28:2

—Ta̱ye reheb laj Israel nak junelic teꞌxqꞌue li cꞌatbil mayej ut li mayej caxlan cua saꞌ xkꞌehil. Aꞌan li sununquil cꞌatbil mayej li nacuulac chicuu la̱in li Ka̱cuaꞌ.

2 Crónicas 31:14

Laj Coré li ralal laj Imna laj levita, aꞌan li nacꞌacꞌalen saꞌ li oqueba̱l li cuan saꞌ li este, ut aꞌan ajcuiꞌ li quixakaba̱c chixcꞌulbal li mayej li qui-ala saꞌ xchꞌo̱leb xqꞌuebal re li Dios. Ut aꞌan ajcuiꞌ li najeqꞌuin re li mayej li kꞌaxtesinbil re li Dios.

Esdras 3:4

Tojoꞌnak queꞌxyi̱b li cocꞌ muheba̱l re nak teꞌxba̱nu li ninkꞌe re xbantioxinquil chiru li Dios nak queꞌcoleꞌ, joꞌ tzꞌi̱banbil saꞌ li chakꞌrab li quiqꞌueheꞌ re laj Moisés. Rajlal cutan queꞌxmayeja li cꞌatbil xul joꞌ cꞌaynakeb xba̱nunquil ut saꞌ xcutanquil quilajeꞌxba̱nu joꞌ quiyeheꞌ reheb.