Números 29:29 - Li Santil hu

²⁹ Saꞌ li xcuak li cutan teꞌxqꞌue chokꞌ cꞌatbil mayej cuakxakib li toro, cuib li te̱lom carner ut ca̱laju li te̱lom carner ju̱nk chihab cua̱nk reheb. Ma̱cꞌaꞌak re̱qꞌueb li xul li teꞌxqꞌue.

Q'eqchi Bible

²⁹ “Sa' xwaq li kutan teemayeja waqxaqib' li saaj wakax, wiib' li chib'aat ut kaalaju li karneer aj junq chihab' ut maak'a'aq reek'eb',

Números 29:29 ပူးပေါင်းရင်းမြစ်များ

Números 29:28

Ut teꞌxqꞌue ajcuiꞌ chokꞌ mayej jun li te̱lom chiba̱t re xtzꞌa̱manquil xcuybal li ma̱c. Teꞌxqꞌue ajcuiꞌ li cꞌatbil mayej li nequeꞌxqꞌue rajlal rochben li mayej cꞌaj ut li mayej vino.

Números 29:30

Rochbeneb li toro, li te̱lom carner, ut li te̱lom carner ju̱nk chihab cua̱nk reheb teꞌxqꞌue li mayej cꞌaj ut li mayej vino, aꞌ yal jarub li xul li teꞌxmayeja joꞌ naxye saꞌ li chakꞌrab.

2 Crónicas 31:3

Li rey quixqꞌue li mayej xul li nequeꞌxcꞌat rajlal ekꞌela ut rajlal ecuu joꞌ ajcuiꞌ li nequeꞌxcꞌat saꞌ li hiloba̱l cutan. Quixqꞌue ajcuiꞌ li nequeꞌxmayeja saꞌ xyoꞌlajic li po, ut reheb li ninkꞌe li queꞌxba̱nu joꞌ tzꞌi̱banbil saꞌ lix chakꞌrab li Dios.

Ezequiel 45:17

Ta̱cana̱k saꞌ xbe̱n li rey xkꞌaxtesinquil li xul re li cꞌatbil mayej. Ut aꞌan ajcuiꞌ ta̱kꞌaxtesi̱nk re li ru li acui̱mk ut li vino li nequeꞌxmayeja. Tixqꞌue li cꞌatbil mayej ut li mayej re xtzꞌa̱manquil xcuybal lix ma̱queb ut re xcꞌambaleb rib saꞌ usilal riqꞌuin li Dios. Tixba̱nu aꞌan nak nequeꞌxninkꞌei lix yoꞌlajic li po ut nak nequeꞌxninkꞌei li hiloba̱l cutan ut nak nequeꞌxba̱nu li ninkꞌe jun chꞌol chic. Li rey ta̱mayejak saꞌ xcꞌabaꞌeb chixjunileb laj Israel.