Números 29:25 - Li Santil hu

²⁵ Teꞌxqꞌue ajcuiꞌ chokꞌ mayej jun li te̱lom chiba̱t re xtzꞌa̱manquil xcuybal li ma̱c. Teꞌxqꞌue ajcuiꞌ li cꞌatbil mayej li nequeꞌxqꞌue rajlal rochben li mayej cꞌaj ut li mayej vino.

Q'eqchi Bible

²⁵ Teek'e ajwi' junaq teelom chib'aat cho'q mayej chirix li maak. Teeb'aanu chixjunil a'in ut teeyeechi'i ajwi' li k'atb'il mayej na'uxmank rajlal kutan rochb'een li k'aj ut li b'iin.

Números 29:25 ပူးပေါင်းရင်းမြစ်များ

Hebreos 13:15

Joꞌcan ut junelic chikalokꞌonihak li Dios saꞌ xcꞌabaꞌ li Jesucristo, ut chikanima̱k ru. Cui takaba̱nu chi joꞌcan, aꞌan li kamayej chiru li Dios.

Hebreos 10:39

Aban, la̱o ma̱cuaꞌo xcomoneb li nequeꞌxcanab xpa̱banquil li Dios. Eb aꞌan teꞌxic saꞌ xbalba. La̱o nakapa̱b li Dios ut tocolekꞌ.

Hebreos 3:14

Totzꞌako̱nk riqꞌuin xlokꞌal li Jesucristo cui nakaqꞌue kachꞌo̱l chixpa̱banquil. Chanru nak xkatiquib chak xpa̱banquil li Ka̱cuaꞌ, joꞌcan taxak toj chalen saꞌ rosoꞌjic li cutan.

2 Ts 3:13

Ut la̱ex, ex herma̱n, incꞌaꞌ taxak textitzꞌk chixba̱nunquil li us.

Gálatas 6:9

Joꞌcan nak mextitzꞌ chixba̱nunquil li us. Cui incꞌaꞌ nachꞌinan kachꞌo̱l nak ta̱cuulak xkꞌehil la̱o take̱chani li kakꞌajca̱munquil.

Gálatas 2:5

Abanan la̱o ma̱ jokꞌe kaba̱nu li cꞌaꞌru queꞌxye ke xban nak la̱o incꞌaꞌ quikaj nak teꞌxpoꞌ ru li evangelio, li tzꞌakal ya̱l li ac xerabi.

Romanos 2:7

Li Dios tixqꞌue xyuꞌam chi junelic li ani naxqꞌue xchꞌo̱l chixba̱nunquil li cha̱bilal li naraj li Dios re nak tixtau lix lokꞌal, lix nimanquil ru, ut lix yuꞌam chi junelic.

Hechos 13:43

Nak queꞌxchakꞌrabiheb li tenamit, nabaleb laj judío joꞌqueb ajcuiꞌ li queꞌoc saꞌ xya̱nkeb aꞌan queꞌxta̱ke laj Pablo ut laj Bernabé. Laj Pablo ut laj Bernabé yo̱queb chixqꞌuebal xnaꞌlebeb re nak teꞌcua̱nk saꞌ xya̱lal joꞌ naraj li Dios.

San Juan 8:31

Li Jesús quia̱tinac riqꞌuineb laj judío li queꞌpa̱ban re. Quixye reheb: —Cui la̱ex te̱ba̱nu li cꞌaꞌru ninye e̱re, la̱exak tzꞌakal intzolom.

Números 29:11

Teꞌxqꞌue ajcuiꞌ chokꞌ xcꞌatbil mayejeb jun li te̱lom chiba̱t re xtojbal rix lix ma̱queb. Teꞌxqꞌue ajcuiꞌ li mayej re xtzꞌa̱manquil xcuybal li ma̱c ut li cꞌatbil mayej li teꞌxqꞌue rajlal rochben lix mayej cꞌaj ut lix mayej vino.

Génesis 37:31

Ut eb li asbej queꞌxcamsi jun li chꞌina chiba̱t ut saꞌ lix quiqꞌuel li chiba̱t li queꞌxcamsi queꞌxchꞌulaqui lix cha̱bil akꞌ laj José.

Números 29:24

Rochbeneb li toro, li te̱lom carner ut li te̱lom carner li ju̱nk chihab cua̱nk reheb, teꞌxqꞌue li mayej cꞌaj ut li mayej vino aꞌ yal jarub li xul li teꞌxmayeja joꞌ naxye saꞌ li chakꞌrab.

Números 29:26

Saꞌ li roꞌ li cutan teꞌxqꞌue chokꞌ cꞌatbil mayej bele̱b li toro, cuib li te̱lom carner ut ca̱laju li te̱lom carner ju̱nk chihab cua̱nk reheb. Ma̱cꞌaꞌak re̱qꞌueb li xul li teꞌxqꞌue.