Números 29:22 - Li Santil hu

²² Teꞌxqꞌue ajcuiꞌ chokꞌ mayej jun li te̱lom chiba̱t re xtzꞌa̱manquil xcuybal li ma̱c. Teꞌxqꞌue ajcuiꞌ li cꞌatbil mayej li nequeꞌxqꞌue rajlal rochben li mayej cꞌaj ut li mayej vino.

Q'eqchi Bible

²² Teek'e ajwi' junaq teelom chib'aat cho'q mayej chirix li maak. Teeb'aanu chixjunil a'in ut teeyeechi'i ajwi' li k'atb'il mayej li na'uxmank rajlal kutan rochb'een li k'aj ut li b'iin.

Números 29:22 ပူးပေါင်းရင်းမြစ်များ

Joel 2:14

¿Ani ta biꞌ ta̱naꞌok re cꞌaꞌru tixba̱nu li Dios? Cui te̱yotꞌ e̱chꞌo̱l, ma̱re tixjal xcꞌaꞌux ut incꞌaꞌ chic tixqꞌue li raylal saꞌ e̱be̱n. Ma̱re texrosobtesi ut tixqꞌue cuiꞌchic e̱re le̱ trigo ut le̱ uvas. Ut texmayejak cuiꞌchic chiru li Ka̱cuaꞌ le̱ Dios.

Joel 1:13

La̱ex aj tij, li nequexcꞌanjelac chiru lix artal li Ka̱cuaꞌ, chexya̱bak ut cheqꞌuehak e̱rakꞌ kꞌes ru che̱rix re rahil chꞌo̱lej. Ut chenumsihak li kꞌojyi̱n chi ra saꞌ le̱ chꞌo̱l xban nak ma̱cꞌaꞌ chic li cꞌaꞌru te̱mayeja chiru li artal saꞌ lix templo li Ka̱cuaꞌ.

Joel 1:9

Eb laj tij, li nequeꞌcꞌanjelac chiru li Dios, yo̱queb chi ya̱bac, xban nak ma̱cꞌaꞌ chic li ru li acui̱mk, chi moco li vino re teꞌxmayeja saꞌ lix templo li Ka̱cuaꞌ.

Salmos 16:4

Eb li nequeꞌlokꞌonin re li jalanil dios, raylal ta̱cha̱lk saꞌ xbe̱neb. La̱in incꞌaꞌ tinmayeja lix quiqꞌuel li xul chiruheb lix dioseb chi moco tinqꞌue xlokꞌaleb.

Números 29:21

Rochbeneb li toro, li te̱lom carner ut li carner ju̱nk chihab cuan reheb, teꞌxqꞌue li mayej cꞌaj ut li mayej vino aꞌ yal jarubeb li xul li teꞌxmayeja joꞌ naxye saꞌ li chakꞌrab.

Números 29:23

Saꞌ li xca̱ li cutan teꞌxqꞌue chokꞌ cꞌatbil mayej laje̱b li toro, cuib li te̱lom chiba̱t, ut ca̱laju li te̱lom carner ju̱nk chihab cua̱nk reheb. Ma̱cꞌaꞌak re̱qꞌueb li xul li teꞌxqꞌue.