Números 29:11 - Li Santil hu

¹¹ Teꞌxqꞌue ajcuiꞌ chokꞌ xcꞌatbil mayejeb jun li te̱lom chiba̱t re xtojbal rix lix ma̱queb. Teꞌxqꞌue ajcuiꞌ li mayej re xtzꞌa̱manquil xcuybal li ma̱c ut li cꞌatbil mayej li teꞌxqꞌue rajlal rochben lix mayej cꞌaj ut lix mayej vino.

Q'eqchi Bible

¹¹ Teemayeja ajwi' junaq chib'aat cho'q mayej chirix li maak, jalan wi' chiru li mayej nak'eemank chirix li maak sa' xKutankil li kuyuk sachok maak, ut li k'atb'il mayej na'uxmank rajlal kutan, rochb'een li k'aj yoq'inb'il rik'in aseeyt ut li b'iin.

Números 29:11 ပူးပေါင်းရင်းမြစ်များ

Levítico 16:3

Nak ta̱oc laj Aarón cuan cuiꞌ li tabernáculo, tento nak tixcꞌam jun cuacax te̱lom li ta̱mayeja̱k re xtzꞌa̱manquil xcuybal li ma̱c. Ut tixcꞌam ajcuiꞌ jun li carner te̱lom chokꞌ re li cꞌatbil mayej.

Levítico 16:5

Eb li ralal xcꞌajol laj Israel teꞌxqꞌue cuib li te̱lom chiba̱t toj sa̱jeb re laj Aarón re nak tixmayeja re xtzꞌa̱manquil xcuybal lix ma̱queb. Ut teꞌxqꞌue ajcuiꞌ jun li carner te̱lom re li cꞌatbil mayej.

Hebreos 7:27

Li Jesucristo ma̱cuaꞌ joꞌqueb lix yucuaꞌileb aj tij li queꞌcuan saꞌ xya̱nkeb laj Israel. Eb aꞌan cuulaj cuulaj nequeꞌxmayeja li xul re xtojbal rix lix ma̱queb joꞌ ajcuiꞌ lix ma̱queb li tenamit. Aban li Jesucristo jun sut ajcuiꞌ quixmayeja rib re xtojbal rix li kama̱c.

Isaías 53:10

Li Dios ac cuan saꞌ xchꞌo̱l nak ta̱rahobtesi̱k ut quixqꞌue chi cꞌuluc raylal. Quicam re xcuybal xsachbal li kama̱c. Ta̱najtokꞌ rok lix yuꞌam ut ta̱rileb ru li ralal xcꞌajol. Ut saꞌ xcꞌabaꞌ aꞌan ta̱tzꞌaklok ru li cꞌaꞌru quiraj li Dios.

Números 29:6

Teꞌxqꞌue li mayej aꞌin ut teꞌxqꞌue ajcuiꞌ li mayej li teꞌxcꞌat rajlal po ut rajlal cutan rochbeneb li mayej cꞌaj ut li mayej vino. Aꞌanak li sununquil cꞌatbil mayej ta̱cuulak chicuu la̱in li Ka̱cuaꞌ.

Levítico 16:9

Nak ac xbu̱li rixeb li chiba̱t, laj Aarón tixmayeja li jun chiru li Ka̱cuaꞌ re xtzꞌa̱manquil xcuybal lix ma̱queb li tenamit.

Números 29:10

Ut rochben li junju̱nk chi carner toj sa̱j teꞌxqꞌue numenak ca̱hib libra li cha̱bil cꞌaj yokꞌinbil riqꞌuin aceite.