Números 28:9 - Li Santil hu

⁹ Ut li mayej li teꞌxqꞌue saꞌ li hiloba̱l cutan, aꞌan cuib li carner jun chihab cua̱nk reheb ut ma̱cꞌaꞌak re̱qꞌueb. Teꞌxqꞌue ajcuiꞌ caꞌchꞌin ma̱ bele̱b libra li cꞌaj yokꞌinbil riqꞌuin aceite. Ut teꞌxqꞌue ajcuiꞌ li vino rochben.

Q'eqchi Bible

⁹ “Sa' li hilob'aal kutan taamayeja wiib' li karneer aj junq chihab', chi maak'a'aq reek'eb'. Taak'e ajwi' waqxaqib' liib'r chi k'aj yoq'inb'ilaq rik'in aseeyt, rochb'een li xb'iinul.

Números 28:9 ပူးပေါင်းရင်းမြစ်များ

Isaías 58:13

Qꞌuehomak xlokꞌal li hiloba̱l cutan ut incꞌaꞌ te̱ba̱nu li cꞌaꞌru nequeraj e̱junes saꞌ lin santil cutan. Aꞌinak jun cutan re sahil chꞌo̱lejil ut kꞌaxal lokꞌ. Cheqꞌuehak xlokꞌal ut me̱mux ru. Me̱ba̱nu li cꞌaꞌru nequeraj la̱ex ut mex-a̱tinac chi ma̱cꞌaꞌ rajbal.

Apocalipsis 1:10

Saꞌ li cutan nak nakachꞌutub kib chixlokꞌoninquil li Ka̱cuaꞌ, riqꞌuin xcuanquil li Santil Musikꞌej, li Dios quixcꞌutbesi jun li visión chicuu. Quicuabi jun xya̱b cux chicuix. Chanchan xya̱b jun li trompeta yo̱ chi ecꞌa̱nc.

Ezequiel 20:12

La̱in quinye reheb nak teꞌx-oxlokꞌi li hiloba̱l cutan chokꞌ retalil li contrato li xkaba̱nu chi kibil kib nak la̱in li Ka̱cuaꞌ ninsantobresin reheb.

Números 28:8

Ut li carner li teꞌxmayeja ecuu, teꞌxmayeja rochben li cꞌaj ut li vino joꞌ teꞌxba̱nu re li mayej ekꞌela. Aꞌanak jun sununquil cꞌatbil mayej ta̱cuulak chicuu la̱in li Ka̱cuaꞌ.

Números 28:10

Aꞌanak jun li cꞌatbil mayej ta̱qꞌuema̱nk saꞌ li hiloba̱l cutan. Ut teꞌxqꞌue ajcuiꞌ li mayej li teꞌxqꞌue rajlal cutan rochben li mayej vino.

2 Crónicas 2:4

La̱in oc cue chixyi̱banquil jun li templo re takalokꞌoni cuiꞌ li Ka̱cuaꞌ lin Dios. Aꞌanak jun santil naꞌajej bar tolokꞌoni̱nk cuiꞌ cuochbeneb lin tenamit. Aran tocꞌatok sununquil ban ut aran tomayejak caxlan cua junelic. Rajlal ekꞌela ut rajlal ecuu takacꞌat li xul li takamayeja chiru li Dios. Joꞌcan ajcuiꞌ takaba̱nu rajlal saꞌ eb li hiloba̱l cutan ut saꞌ xyoꞌlajic li po ut saꞌ eb li ninkꞌe re lokꞌoni̱nc joꞌ cꞌaynako chixba̱nunquil chalen chak junxil.

2 Crónicas 8:13

Quixqꞌue li mayej aꞌin saꞌ eb li cutan nak tento xqꞌuebal joꞌ tzꞌi̱banbil saꞌ li chakꞌrab li quiqꞌueheꞌ re laj Moisés. Quixqꞌue lix mayej saꞌ eb li hiloba̱l cutan ut saꞌ lix yoꞌlajic li po, ut saꞌ li oxib chi ninkꞌe li queꞌxba̱nu rajlal chihab. Li xbe̱n li ninkꞌe, aꞌan nak queꞌxcuaꞌ li caxlan cua li ma̱cꞌaꞌ xchꞌamal; li xcab, aꞌan li ninkꞌe re li xama̱n; ut li rox, aꞌan nak queꞌxyi̱b lix cocꞌ muheba̱leb.

Ezequiel 46:4

Saꞌ li hiloba̱l cutan li rey tixcꞌam li xul li teꞌcꞌatekꞌ chokꞌ xmayej chiru li Ka̱cuaꞌ. Tixqꞌue cuakib li carner te̱lom li toj sa̱jeb ut jun li carner te̱lom. Tzꞌakalakeb re ru li xul.

2 Reyes 4:23

Lix be̱lom quixpatzꞌ re: —¿Cꞌaꞌut nak tatxic riqꞌuin li profeta anakcuan? Anakcuan moco toj xyoꞌla li po chi moco hiloba̱l cutan, chan. Li rixakil quixye re: —Matcꞌoxlac chirix aꞌan, chan.

2 Crónicas 2:3

Li rey Salomón quitzꞌi̱bac riqꞌuin laj Hiram lix reyeb laj Tiro ut quixye re: —¿Ma incꞌaꞌ ta̱ru̱k ta̱takla caꞌchꞌinak incheꞌ chacalteꞌ joꞌ caba̱nu riqꞌuin laj David lin yucuaꞌ nak quixyi̱b li rochoch aꞌan?