Números 28:7 - Li Santil hu

⁷ Teꞌxmayeja jun litro li vino rochben li junju̱nk chi carner. Teꞌxhoy li vino saꞌ li artal li cuan saꞌ li tabernáculo re xqꞌuebal lin lokꞌal.

Q'eqchi Bible

⁷ Ut li b'iin taamayejamanq rochb'eeneb' li karneer, a'an kaaka sek' chi aseeyt cho'q re li junjunq chi karneer. Li b'iin ak xk'aho'k, teehoy sa' li Loq'laj Muheb'aal, sa' xk'ab'a' li Qaawa'.

Números 28:7 ပူးပေါင်းရင်းမြစ်များ

Éxodo 29:42

Ut chalen anakcuan junelic tatmayejak chicuu la̱at joꞌqueb ajcuiꞌ la̱ cualal a̱cꞌajol. Texmayejak chire li oqueba̱l re li tabernáculo. Ut la̱in tina̱tinak a̱cuiqꞌuin ut tincua̱nk a̱cuiqꞌuin.

Filipenses 2:17

Cui tincamsi̱k xban nak xexintenkꞌa saꞌ le̱ pa̱ba̱l, ma̱cꞌaꞌ naxye. Ta̱sahokꞌ saꞌ inchꞌo̱l nak textzꞌako̱nk la̱ex riqꞌuin li sahil chꞌo̱lejil li tincꞌul la̱in.

Joel 2:14

¿Ani ta biꞌ ta̱naꞌok re cꞌaꞌru tixba̱nu li Dios? Cui te̱yotꞌ e̱chꞌo̱l, ma̱re tixjal xcꞌaꞌux ut incꞌaꞌ chic tixqꞌue li raylal saꞌ e̱be̱n. Ma̱re texrosobtesi ut tixqꞌue cuiꞌchic e̱re le̱ trigo ut le̱ uvas. Ut texmayejak cuiꞌchic chiru li Ka̱cuaꞌ le̱ Dios.

Joel 1:13

La̱ex aj tij, li nequexcꞌanjelac chiru lix artal li Ka̱cuaꞌ, chexya̱bak ut cheqꞌuehak e̱rakꞌ kꞌes ru che̱rix re rahil chꞌo̱lej. Ut chenumsihak li kꞌojyi̱n chi ra saꞌ le̱ chꞌo̱l xban nak ma̱cꞌaꞌ chic li cꞌaꞌru te̱mayeja chiru li artal saꞌ lix templo li Ka̱cuaꞌ.

Joel 1:9

Eb laj tij, li nequeꞌcꞌanjelac chiru li Dios, yo̱queb chi ya̱bac, xban nak ma̱cꞌaꞌ chic li ru li acui̱mk, chi moco li vino re teꞌxmayeja saꞌ lix templo li Ka̱cuaꞌ.

Isaías 57:6

Nequexoc li pec li ti̱c ru ut nequelokꞌoniheb. Nequemayeja li vino chiruheb ut nequemayeja le̱ trigo chiru. ¿Ma incꞌaꞌ ta biꞌ texinqꞌue chixtojbal le̱ ma̱c riqꞌuin aꞌin?

Números 28:31

Teꞌxqꞌueheb li mayej aꞌin ut teꞌxqꞌue ajcuiꞌ li mayej vino joꞌ eb ajcuiꞌ li cꞌatbil mayej li teꞌxqꞌue rajlal. Ma̱cꞌaꞌak re̱qꞌueb li xul li teꞌxmayeja.

Números 28:14

Rochben li junju̱nk chi toro teꞌxqꞌue cuib litro li vino re li mayej vino. Teꞌxqꞌue jun litro riqꞌuin mero litro li vino rochben li junju̱nk chi carner ut teꞌxqꞌue jun litro rochben li junju̱nk chi carner toj sa̱j. Aꞌaneb aꞌin li cꞌatbil mayej li teꞌxqꞌue rajlal po chiru li jun chihab.

Números 15:10

Ut te̱cꞌam ajcuiꞌ cuib litro li vino. Aꞌanak jun li sununquil cꞌatbil mayej ta̱cuulak chicuu.

Números 15:7

Ut chokꞌ re li mayej vino te̱qꞌue numenak jun litro li vino. Aꞌanak jun sununquil mayej ta̱cuulak chicuu.

Números 15:5

Ut tixqꞌue ajcuiꞌ chokꞌ xmayej jun litro li vino rochben li junju̱nk chi carner li tixqꞌue chokꞌ xcꞌatbil mayej.

Levítico 23:13

Ut te̱qꞌue numenak cuakxakib libra li cꞌaj junajinbil riqꞌuin aceite chokꞌ re le̱ cꞌatbil mayej. Aꞌanak jun sununquil mayej ta̱cuulak chiru li Ka̱cuaꞌ. Ut ta̱mayeja̱k ajcuiꞌ rochben jun litro li vino.

Éxodo 30:9

Incꞌaꞌ ta̱cꞌatma̱nk jalan chic incienso saꞌ xbe̱n li artal aꞌin, chi moco ta̱cꞌatma̱nk jalan mayej, chi moco li ru li trigo, chi moco li vino ta̱mayeja̱k aran.

Éxodo 29:40

Te̱mayeja rochben li xbe̱n carner numenak ca̱hib libra li cha̱bil cꞌaj junajinbil riqꞌuin jun litro li aceite oliva. Ut te̱mayeja ajcuiꞌ jun litro li vino.

Números 28:6

Aꞌan aꞌin li mayej li ta̱cꞌatma̱nk junelic joꞌ quinye chak saꞌ li tzu̱l Sinaí. Aꞌan li sununquil cꞌatbil mayej nacuulac chicuu la̱in li Ka̱cuaꞌ.

Números 28:8

Ut li carner li teꞌxmayeja ecuu, teꞌxmayeja rochben li cꞌaj ut li vino joꞌ teꞌxba̱nu re li mayej ekꞌela. Aꞌanak jun sununquil cꞌatbil mayej ta̱cuulak chicuu la̱in li Ka̱cuaꞌ.

Levítico 1:9

Tixchꞌaj li cꞌamcꞌot ut li raꞌ li xul. Ut laj tij tixqꞌue chixjunil saꞌ xbe̱n li artal ut tixcꞌat. Ut aꞌanak jun li sununquil mayej ta̱cuulak chiru li Ka̱cuaꞌ.