Números 28:4 - Li Santil hu

⁴ Jun li carner teꞌxmayeja ekꞌela ut li jun chic teꞌxmayeja ecuu.

Q'eqchi Bible

⁴ Jun karneer teemayeja cho'q k'atb'il mayej eq'la, ut li jun chik teemayeja ewu.

Números 28:4 ပူးပေါင်းရင်းမြစ်များ

Daniel 9:21

Toj yo̱quin ajcuiꞌ chi tijoc nak quicuil li ángel Gabriel li quixcꞌutbesi rib chicuu junxil saꞌ li visión. Yo̱ chak chi rupupic ut saꞌ a̱nil quicuulac cuiqꞌuin saꞌ x-o̱ril li mayejac li naba̱numan ecuu.

1 Reyes 18:36

Nak quicuulac x-o̱ril xcꞌatbal li mayej, li profeta Elías quixye: —At nimajcual Dios, la̱at lix Dios laj Abraham, laj Isaac ut laj Israel. Chicꞌutu̱nk taxak chiruheb anakcuan nak la̱at li tzꞌakal Dios arin Israel ut nak la̱in laj cꞌanjel cha̱cuu. Ut li cꞌaꞌru yo̱quin chixba̱nunquil anakcuan, la̱at xattaklan cue chixba̱nunquil.

1 Reyes 18:29

Quinumeꞌ li cuaꞌleb ut toj yo̱queb ajcuiꞌ chixjapbal reheb chixya̱banquil lix dioseb toj quicuulac x-o̱ril li mayejac ut ma̱ ani queꞌabin reheb ut ma̱ ani queꞌsumen reheb.

Números 9:3

Teꞌxba̱nu li ninkꞌe saꞌ li ca̱laju xbe li po aꞌin nak ac oc re li kꞌojyi̱n. Teꞌxba̱nu chixjunil chi tzꞌakal re ru joꞌ xinye reheb ut joꞌ tzꞌi̱banbil retalil saꞌ li chakꞌrab, chan.

Éxodo 12:6

Nak ac xesicꞌ aꞌan, te̱xoc. Saꞌ li ca̱laju xbe li po nak ac namoynac, che̱junilex la̱ex aj Israel te̱camsi li chꞌina carner li sicꞌbil ru e̱ban.

Salmos 141:2

Chicuulak taxak a̱cuiqꞌuin lin tij joꞌ nak nacuulac a̱cuiqꞌuin xbo̱c li incienso. La̱in nintaksi li cuukꞌ chi tijoc cha̱cuu. Ta̱cꞌul taxak joꞌ jun li mayej li naqꞌueman chiru li ecuu.

Levítico 3:7

Cui tixqꞌue junak li sa̱j carner chokꞌ xmayej, tixqꞌue chiru li Ka̱cuaꞌ.

Números 28:3

Aꞌan aꞌin li cꞌatbil mayej li teꞌxqꞌue cue la̱in li Ka̱cuaꞌ. Rajlal cutan teꞌxmayeja saꞌ li artal cuib li carner te̱lom jun chihab cua̱nk reheb ut ma̱cꞌaꞌak re̱qꞌueb.

Números 28:5

Teꞌxmayeja rochben li carner numenak cuakxakib libra li cha̱bil cꞌaj yokꞌinbil riqꞌuin jun litro li aceite olivo.

1 Crónicas 16:40

Ut aꞌaneb li teꞌqꞌuehok chiru li Ka̱cuaꞌ li cꞌatbil mayej rajlal ekꞌela ut rajlal ecuu. Teꞌlokꞌoni̱nk chi tzꞌakal re ru joꞌ tzꞌi̱banbil retalil saꞌ li chakꞌrab li quixqꞌue li Ka̱cuaꞌ reheb laj Israel.

Joel 1:13

La̱ex aj tij, li nequexcꞌanjelac chiru lix artal li Ka̱cuaꞌ, chexya̱bak ut cheqꞌuehak e̱rakꞌ kꞌes ru che̱rix re rahil chꞌo̱lej. Ut chenumsihak li kꞌojyi̱n chi ra saꞌ le̱ chꞌo̱l xban nak ma̱cꞌaꞌ chic li cꞌaꞌru te̱mayeja chiru li artal saꞌ lix templo li Ka̱cuaꞌ.