Números 28:30 - Li Santil hu

³⁰ Ut teꞌxqꞌue ajcuiꞌ jun li te̱lom chiba̱t re lix cꞌatbil mayejeb re xtojbal rix lix ma̱queb.

Q'eqchi Bible

³⁰ ut jun teelom chib'aat cho'q mayej chirix li maak, re xtojb'al rix leemaak.

Números 28:30 ပူးပေါင်းရင်းမြစ်များ

Números 28:22

Ut teꞌxqꞌue ajcuiꞌ chokꞌ xmayejeb jun li te̱lom chiba̱t re xtojbal rix li ma̱c.

Números 28:15

Ut teꞌxqꞌue ajcuiꞌ jun li chiba̱t rochben li cꞌatbil mayej li nequeꞌxqꞌue rajlal cutan. Li chiba̱t aꞌan ta̱cꞌatma̱nk re xtzꞌa̱manquil xcuybal li ma̱c.

1 Pedro 3:18

Li Cristo quixcꞌul ajcuiꞌ li raylal chi ma̱cꞌaꞌ xma̱c. Aꞌan ti̱c xchꞌo̱l abanan quicamsi̱c re xtojbal rix lix ma̱queb li incꞌaꞌ useb xnaꞌleb. Jun sut ajcuiꞌ quicam ut riqꞌuin aꞌan quitzꞌakloc ru. Ut xban xcamic li Jesucristo, naru toxcol li Dios. Ya̱l nak queꞌxcamsi li Cristo. Abanan incꞌaꞌ quicam lix musikꞌ.

1 Pedro 2:24

Relic chi ya̱l nak li Cristo, aꞌan li quixcꞌul li raylal nak quicam chiru li cruz re xtojbal rix li kama̱c la̱o. Aꞌan aj e nak quicam re nak incꞌaꞌ chic texma̱cobk. Texcua̱nk ban saꞌ ti̱quilal. Li Cristo quixcꞌul li yoqꞌuecꞌ saꞌ kacꞌabaꞌ la̱o aj ma̱c. Ut riqꞌuin li raylal li quixcꞌul xexqꞌuirtesi̱c.

Gálatas 3:13

Abanan li Jesucristo coxcol chiru li tojba ma̱c li tenebanbil saꞌ kabe̱n xban li chakꞌrab. Aꞌan quicoloc ke nak quixqꞌue rib chi ca̱mc re xtojbal rix li kama̱c. Joꞌcaꞌin tzꞌi̱banbil saꞌ li Santil Hu: Tzꞌekta̱nanbileb chixjunileb li nequeꞌcamsi̱c chi tꞌuytꞌu chiru li cheꞌ. (Deut. 21:23)

2 Corintios 5:21

Li Jesucristo ma̱ jun sut quima̱cob. Abanan li Dios quixqꞌue li kama̱c saꞌ xbe̱n li Cristo re nak saꞌ xcꞌabaꞌ aꞌan, la̱o takatau lix ti̱quilal kachꞌo̱l li naxqꞌue li Dios.

Números 15:24

Cui xexpaltoꞌ chi incꞌaꞌ yal naraj e̱chꞌo̱l, tento nak che̱junilex te̱qꞌue chokꞌ e̱cꞌatbil mayej jun li toro toj sa̱j chokꞌ sununquil mayej li ta̱cuulak chicuu. Ut te̱qꞌue rochben li mayej cꞌaj ut li mayej vino. Ut te̱qꞌue ajcuiꞌ jun li te̱lom chiba̱t re xtzꞌa̱manquil xcuybal li ma̱c.

Génesis 37:31

Ut eb li asbej queꞌxcamsi jun li chꞌina chiba̱t ut saꞌ lix quiqꞌuel li chiba̱t li queꞌxcamsi queꞌxchꞌulaqui lix cha̱bil akꞌ laj José.

Levítico 23:19

Te̱mayeja ajcuiꞌ jun li chiba̱t te̱lom re xtojbal rix le̱ ma̱c ut cuib li carner te̱lom jun chihab cuan reheb chokꞌ re li mayej re xcꞌambal e̱rib saꞌ usilal riqꞌuin li Ka̱cuaꞌ.

Números 28:29

Ut rochbeneb li junju̱nk chi carner toj sa̱jeb teꞌxqꞌue numenak ca̱hib libra li cha̱bil cꞌaj yokꞌinbil riqꞌuin aceite.

Números 28:31

Teꞌxqꞌueheb li mayej aꞌin ut teꞌxqꞌue ajcuiꞌ li mayej vino joꞌ eb ajcuiꞌ li cꞌatbil mayej li teꞌxqꞌue rajlal. Ma̱cꞌaꞌak re̱qꞌueb li xul li teꞌxmayeja.