Números 28:3 - Li Santil hu

³ Aꞌan aꞌin li cꞌatbil mayej li teꞌxqꞌue cue la̱in li Ka̱cuaꞌ. Rajlal cutan teꞌxmayeja saꞌ li artal cuib li carner te̱lom jun chihab cua̱nk reheb ut ma̱cꞌaꞌak re̱qꞌueb.

Q'eqchi Bible

³ “Ye ajwi' reheb': A'anaq a'in li k'atb'il mayej teeyeechi'i re li Qaawa': rajlal kutan teemayeja ka'kab' karneer aj junq chihab', maak'a'aq reek'eb', cho'q junelik mayej.

Números 28:3 ပူးပေါင်းရင်းမြစ်များ

Levítico 6:9

—Ta̱ye re laj Aarón ut eb li ralal nak joꞌcaꞌin nak teꞌxqꞌue li cꞌatbil mayej. Li xul li teꞌxcꞌat teꞌxcanab saꞌ li xam saꞌ xbe̱n li artal. Aran yo̱k chi cꞌatc ta̱numekꞌ li kꞌojyi̱n toj ta̱sake̱uk.

Apocalipsis 13:8

Ut chixjunileb li cuanqueb saꞌ ruchichꞌochꞌ teꞌxlokꞌoni ru li joskꞌ aj xul aꞌan. Teꞌxlokꞌoni li xul chixjunileb li incꞌaꞌ tzꞌi̱banbileb xcꞌabaꞌ saꞌ li hu li tzꞌi̱banbil cuiꞌ xcꞌabaꞌeb li cuanqueb xyuꞌam chi junelic, li cuan riqꞌuin li Jun li chanchan carner, li ac xakabanbil chak re camsi̱c saꞌ xticlajic li ruchichꞌochꞌ.

San Juan 1:29

Joꞌ cuulajak chic laj Juan quiril li Jesús yo̱ chak chi cha̱lc riqꞌuin ut quixye: —Ilomak. Cueꞌ chak li Cristo, li taklanbil chak xban li Dios. Chanchan jun li carner. Ta̱camsi̱k re xtojbal rix lix ma̱queb li cuanqueb saꞌ ruchichꞌochꞌ.

Daniel 12:11

Nak acak xnumeꞌ oxib chihab riqꞌuin cuakib po (1,290 cutan) xcanabanquil li mayejac saꞌ li Templo, tojoꞌnak teꞌrocsi li kꞌaxal xiu xiu rilbal saꞌ lix Templo li Ka̱cuaꞌ.

Daniel 11:31

Ut eb li soldado teꞌxmux ru lix Templo li Dios joꞌ ajcuiꞌ li tzꞌac li sutsu cuiꞌ. Ut ta̱qꞌuehekꞌ aran saꞌ li templo li kꞌaxal xiu xiu rilbal. Ut incꞌaꞌ chic teꞌru̱k teꞌmayejak saꞌ li templo rajlal cutan lix tenamit li Dios.

Daniel 8:13

Ut quicuabi jun li santil ángel yo̱ chi a̱tinac. Ut li jun chic quixpatzꞌ re: —¿Joꞌ najtil ta̱cꞌulma̱nk aꞌin li quicꞌutbesi̱c saꞌ li visión? ¿Jarub cutan chic teꞌxba̱nu li ma̱usilal chokꞌ re̱kaj lix mayejeb saꞌ li templo? ¿Joꞌ najtil chic teꞌxyekꞌi lix templo li Ka̱cuaꞌ joꞌqueb ajcuiꞌ li ralal xcꞌajol?—

Hebreos 9:6

Joꞌcaꞌin nak queꞌcꞌanjelac saꞌ li naꞌajej li queꞌxlokꞌoni cuiꞌ li Dios. Rajlal cutan queꞌoc laj tij saꞌ li xbe̱n tasal chixba̱nunquil lix cꞌanjel.

Levítico 3:5

Ut eb li ralal xcꞌajol laj Aarón teꞌxcꞌat li mayej aꞌan saꞌ li artal saꞌ xbe̱n li siꞌ. Ut aꞌanak jun li sununquil cꞌatbil mayej ta̱cuulak chiru li Ka̱cuaꞌ.

Números 28:4

Jun li carner teꞌxmayeja ekꞌela ut li jun chic teꞌxmayeja ecuu.

Números 28:10

Aꞌanak jun li cꞌatbil mayej ta̱qꞌuema̱nk saꞌ li hiloba̱l cutan. Ut teꞌxqꞌue ajcuiꞌ li mayej li teꞌxqꞌue rajlal cutan rochben li mayej vino.

Números 28:15

Ut teꞌxqꞌue ajcuiꞌ jun li chiba̱t rochben li cꞌatbil mayej li nequeꞌxqꞌue rajlal cutan. Li chiba̱t aꞌan ta̱cꞌatma̱nk re xtzꞌa̱manquil xcuybal li ma̱c.

Números 28:23

Teꞌxqꞌue eb li cꞌatbil mayej aꞌin ut teꞌxqꞌue ajcuiꞌ li cꞌatbil mayej li teꞌxqꞌue rajlal cutan.

Números 28:24

Chiru cuukub cutan teꞌxqꞌue li mayej aꞌin ut aꞌanak jun li sununquil cꞌatbil mayej ta̱cuulak chicuu la̱in li Ka̱cuaꞌ. Ut teꞌxqꞌue ajcuiꞌ li cꞌatbil mayej li teꞌxqꞌue rajlal ut li mayej vino.

Números 28:31

Teꞌxqꞌueheb li mayej aꞌin ut teꞌxqꞌue ajcuiꞌ li mayej vino joꞌ eb ajcuiꞌ li cꞌatbil mayej li teꞌxqꞌue rajlal. Ma̱cꞌaꞌak re̱qꞌueb li xul li teꞌxmayeja.

Números 29:6

Teꞌxqꞌue li mayej aꞌin ut teꞌxqꞌue ajcuiꞌ li mayej li teꞌxcꞌat rajlal po ut rajlal cutan rochbeneb li mayej cꞌaj ut li mayej vino. Aꞌanak li sununquil cꞌatbil mayej ta̱cuulak chicuu la̱in li Ka̱cuaꞌ.

Números 29:11

Teꞌxqꞌue ajcuiꞌ chokꞌ xcꞌatbil mayejeb jun li te̱lom chiba̱t re xtojbal rix lix ma̱queb. Teꞌxqꞌue ajcuiꞌ li mayej re xtzꞌa̱manquil xcuybal li ma̱c ut li cꞌatbil mayej li teꞌxqꞌue rajlal rochben lix mayej cꞌaj ut lix mayej vino.

Números 29:16

Teꞌxqꞌue chokꞌ mayej jun li te̱lom chiba̱t re xtzꞌa̱manquil xcuybal li ma̱c. Ut teꞌxqꞌue ajcuiꞌ li cꞌatbil mayej li nequeꞌxqꞌue rajlal rochben li mayej cꞌaj ut li mayej vino.

1 Crónicas 16:40

Ut aꞌaneb li teꞌqꞌuehok chiru li Ka̱cuaꞌ li cꞌatbil mayej rajlal ekꞌela ut rajlal ecuu. Teꞌlokꞌoni̱nk chi tzꞌakal re ru joꞌ tzꞌi̱banbil retalil saꞌ li chakꞌrab li quixqꞌue li Ka̱cuaꞌ reheb laj Israel.

2 Crónicas 8:13

Quixqꞌue li mayej aꞌin saꞌ eb li cutan nak tento xqꞌuebal joꞌ tzꞌi̱banbil saꞌ li chakꞌrab li quiqꞌueheꞌ re laj Moisés. Quixqꞌue lix mayej saꞌ eb li hiloba̱l cutan ut saꞌ lix yoꞌlajic li po, ut saꞌ li oxib chi ninkꞌe li queꞌxba̱nu rajlal chihab. Li xbe̱n li ninkꞌe, aꞌan nak queꞌxcuaꞌ li caxlan cua li ma̱cꞌaꞌ xchꞌamal; li xcab, aꞌan li ninkꞌe re li xama̱n; ut li rox, aꞌan nak queꞌxyi̱b lix cocꞌ muheba̱leb.

Esdras 3:5

Ut queꞌmayejac joꞌ nequeꞌxba̱nu junelic ut queꞌmayejac saꞌ xyoꞌlajic li po ut saꞌ eb li cutan joꞌ yebil chak reheb xban li Ka̱cuaꞌ ut cuanqueb ajcuiꞌ li qui-ala saꞌ xchꞌo̱leb xqꞌuebal xmayejeb.

Amós 4:4

Ayukex aran Bet-el ut ba̱nuhomak li cꞌaꞌru te̱raj xba̱nunquil. Ayukex Gilgal chixba̱nunquil le̱ ma̱usilal. Rajlal ekꞌela texmayejak chiru le̱ yi̱banbil dios, ut rajlal oxib cutan te̱qꞌue le̱ mayej li junju̱nk saꞌ xlaje̱tkil.

Daniel 8:11

Ut quixnimobresi rib chiru li jun li kꞌaxal nim xcuanquil saꞌ xbe̱neb li ralal xcꞌajol li Dios ut quixye reheb nak incꞌaꞌ chic teꞌmayejak. Ut quixpoꞌ ajcuiꞌ lix templo li Dios.