Números 28:2 - Li Santil hu

² —Ta̱ye reheb laj Israel nak junelic teꞌxqꞌue li cꞌatbil mayej ut li mayej caxlan cua saꞌ xkꞌehil. Aꞌan li sununquil cꞌatbil mayej li nacuulac chicuu la̱in li Ka̱cuaꞌ.

Q'eqchi Bible

² “Ye reheb' laj Israel naq wanq sa' xch'ooleb' xk'eeb'al we, tz'aqal sa' xq'ehil, linmayej ut lintzekemq jo' ajwi' link'atb'il mayej li jwal sununk xb'ook.

Números 28:2 ပူးပေါင်းရင်းမြစ်များ

Levítico 3:11

Laj tij tixcꞌat chixjunil aꞌin saꞌ li artal. Li tzacae̱mk aꞌin, aꞌanak jun li mayej ta̱qꞌuehekꞌ chiru li Ka̱cuaꞌ.

Génesis 8:21

Lix bo̱c li cꞌatbil mayej quicuulac riqꞌuin li Dios ut quicuulac chiru lix sununquil. Li Dios quixye saꞌ xchꞌo̱l: —Ma̱ jun cua chic tintzꞌekta̱na li ruchichꞌochꞌ xbaneb li cristian. Ac reheb li cristian nak aj ma̱queb. Ma̱ jun sut chic tinsach ruheb chixjunileb li cuanqueb saꞌ ruchichꞌochꞌ riqꞌuin butꞌi haꞌ.

Filipenses 4:18

Anakcuan cuan chixjunil li cꞌaꞌru nacuaj. Tzꞌakal ajcuiꞌ li cꞌaꞌru cuan cue xban nak xincꞌul lin ra̱bal li xetakla chak cue chirix laj Epafrodito. Li ma̱tan aꞌan li xetakla cue, aꞌan jun cha̱bil mayej li nacuulac chiru li Dios.

Efesios 5:2

Cherahak e̱rib chi ribil e̱rib joꞌ nak coxra la̱o li Cristo ut quixmayeja rib chiru li cruz re kacolbal. Ut li Dios quisahoꞌ xchꞌo̱l riqꞌuin xban nak chanchan li sununquil ban chiru.

2 Corintios 2:15

Chanchano li sununquil ban li quixmayeja li Cristo chiru li Dios. Lix bo̱c nacuulac riqꞌuineb li nequeꞌcoleꞌ ut nacuulac ajcuiꞌ riqꞌuineb li nequeꞌsach.

Malaquías 1:12

Abanan la̱ex nequemux cuu nak nequeye nak ma̱cꞌaꞌ na-oc cuiꞌ lin artal ut nequeye nak ma̱cꞌaꞌ na-oc cuiꞌ li mayej li naqꞌueheꞌ aran.

Malaquías 1:7

La̱ex nequemayeja saꞌ xbe̱n lin artal li yibru tzacae̱mk. Ut nequeye, “¿Cꞌaꞌru xkamux cuiꞌ a̱cuu?” chanquex. Nequemux cuu nak nequetzꞌekta̱na lin artal riqꞌuin xqꞌuebal li mayej incꞌaꞌ us.

Ezequiel 20:41

Texincꞌul joꞌ li sununquil ban nak texcuisi saꞌ eb li jalan tenamit li quexinjeqꞌui cuiꞌ. Ut la̱in tincꞌutbesi lin santilal saꞌ e̱ya̱nk chiruheb li xni̱nkal ru tenamit.

Ezequiel 16:19

Ut li cha̱bil tzacae̱mk li quinqꞌue a̱cue joꞌ li cha̱bil cꞌaj, li aceite olivo ut li xyaꞌal cab camayeja chiruheb joꞌ jun sununquil ban. Chixjunil li ma̱usilal aꞌin caba̱nu, chan li Ka̱cuaꞌ.

Salmos 81:3

Cheya̱basihak li trompeta saꞌ xkꞌehil xyoꞌlajic li po joꞌ ajcuiꞌ nak naxoroc li po saꞌ xkꞌehil li kaninkꞌe li kꞌaxal lokꞌ,

Números 15:24

Cui xexpaltoꞌ chi incꞌaꞌ yal naraj e̱chꞌo̱l, tento nak che̱junilex te̱qꞌue chokꞌ e̱cꞌatbil mayej jun li toro toj sa̱j chokꞌ sununquil mayej li ta̱cuulak chicuu. Ut te̱qꞌue rochben li mayej cꞌaj ut li mayej vino. Ut te̱qꞌue ajcuiꞌ jun li te̱lom chiba̱t re xtzꞌa̱manquil xcuybal li ma̱c.

Números 15:7

Ut chokꞌ re li mayej vino te̱qꞌue numenak jun litro li vino. Aꞌanak jun sununquil mayej ta̱cuulak chicuu.

Números 15:3

Te̱qꞌue li cꞌatbil mayej chicuu la̱in li Ka̱cuaꞌ. Te̱sicꞌ ru jun li toro malaj ut junak carner ut te̱cꞌat re xqꞌuebal inlokꞌal ut lix bo̱c ta̱cuulak chicuu joꞌ jun sununquil mayej. Te̱ba̱nu chi joꞌcan re nak ta̱tzꞌaklok ru li xeyechiꞌi cue, malaj ut chokꞌ re le̱ mayej li na-ala saꞌ e̱chꞌo̱l xqꞌuebal, malaj ut chokꞌ re le̱ ninkꞌe re inlokꞌoninquil, chan li Ka̱cuaꞌ.

Números 9:13

Ut cui cuan junak li incꞌaꞌ tixninkꞌei li Pascua ut moco muxbil ta ru chi moco yo̱ ta chi viajic, li jun aꞌan ta̱isi̱k saꞌ xya̱nkeb laj Israel xban nak incꞌaꞌ quixqꞌue xmayej chicuu saꞌ xkꞌehil. Tento nak li jun aꞌan tixtoj rix lix ma̱c xban nak incꞌaꞌ quixninkꞌei li Pascua.

Números 9:7

Ut queꞌxye re laj Moisés: —La̱o xkamux kib xban xchꞌeꞌbal li camenak. Abanan, ¿cꞌaꞌut nak incꞌaꞌ ta̱ru̱k takaqꞌue kamayej re li Ka̱cuaꞌ saꞌ xkꞌehil kochbeneb li kacomon? chanqueb.

Levítico 21:8

Eb laj tij teꞌoxlokꞌi̱k xban nak eb aꞌan li nequeꞌmayejac caxlan cua chicuu. La̱in li Ka̱cuaꞌ. La̱in santo ut la̱in ninsantobresin e̱re.

Levítico 21:6

Tento nak santakeb laj tij re nak incꞌaꞌ teꞌxcꞌut xxuta̱n lin cꞌabaꞌ xban nak aꞌaneb li nequeꞌxqꞌue li cꞌatbil mayej ut nequeꞌmayejac li caxlan cua chicuu la̱in lix Dioseb. Joꞌcan nak tento nak santakeb.

Levítico 1:17

Tixchap saꞌ xxicꞌ ut tixjach saꞌ xyi li xul. Abanan incꞌaꞌ tixjach chi jun cuacaj. Ut incꞌaꞌ ta̱risi lix xicꞌ. Chirix aꞌan laj tij tixcꞌat saꞌ li artal saꞌ xbe̱n li xam. Ut aꞌanak jun li sununquil mayej ta̱cuulak chiru li Ka̱cuaꞌ.

Levítico 1:13

Li tixqꞌue xcꞌatbil mayej tixchꞌaj lix cꞌamcꞌot ut li raꞌ li xul. Ut laj tij tixmayeja chiru li Ka̱cuaꞌ ut tixqꞌue chixjunil saꞌ xbe̱n li artal ut tixcꞌat. Ut aꞌanak jun li sununquil mayej ta̱cuulak chiru li Ka̱cuaꞌ.

Levítico 1:9

Tixchꞌaj li cꞌamcꞌot ut li raꞌ li xul. Ut laj tij tixqꞌue chixjunil saꞌ xbe̱n li artal ut tixcꞌat. Ut aꞌanak jun li sununquil mayej ta̱cuulak chiru li Ka̱cuaꞌ.

Éxodo 29:18

Ut te̱cꞌat chixjunil li carner saꞌ xbe̱n li artal. Li cꞌatbil mayej, aꞌan re inlokꞌoninquil la̱in li Ka̱cuaꞌ. Ut lix bo̱c, aꞌan jun sununquil mayej li ta̱cuulak chicuu.

Éxodo 23:15

Cheba̱nu li ninkꞌe nak te̱cuaꞌ li caxlan cua chi ma̱cꞌaꞌ xchꞌamal. Cuukub cutan te̱cuaꞌ li caxlan cua li ma̱cꞌaꞌ xchꞌamal. Te̱ba̱nu joꞌ quinye e̱re. Te̱ba̱nu saꞌ li po Abib xcꞌabaꞌ xban nak aꞌan li po nak quex-el chak saꞌ li tenamit Egipto. Ma̱ jun ta̱oque̱nk saꞌ li ninkꞌe aꞌan chi incꞌaꞌ tixcꞌam xmayej saꞌ lin templo.

Números 28:1

Li Ka̱cuaꞌ quia̱tinac riqꞌuin laj Moisés ut quixye re:

Esdras 3:3

Usta yo̱ xxiuheb xbaneb li jalaneb xtenamit li cuanqueb Jerusalén, queꞌxyi̱b li artal chi cha̱bil saꞌ lix naꞌaj ut queꞌxmayeja li cꞌatbil xul saꞌ xbe̱n li artal rajlal ekꞌela ut rajlal ecuu re xlokꞌoninquil li Ka̱cuaꞌ.

Números 29:39

Aꞌaneb aꞌin li mayej li teꞌxqꞌue re xlokꞌoninquil li Ka̱cuaꞌ nak teꞌninkꞌei̱k. Teꞌxqꞌue li mayej li na-ala saꞌ xchꞌo̱leb xqꞌuebal joꞌ ajcuiꞌ li mayej li nequeꞌxqꞌue nak nequeꞌxyechiꞌi li cꞌaꞌak re ru re li Ka̱cuaꞌ, ut li cꞌatbil mayej ut li mayej cꞌaj ut li mayej vino joꞌ eb ajcuiꞌ li mayej re xcꞌambal ribeb saꞌ usilal riqꞌuin li Ka̱cuaꞌ.

1 Crónicas 23:31

Aꞌaneb li teꞌcꞌatok re li mayejanbil xul chiru li Ka̱cuaꞌ saꞌ eb li hiloba̱l cutan joꞌ ajcuiꞌ nak nequeꞌxninkꞌei lix yoꞌlajic li po, joꞌ ajcuiꞌ saꞌ eb li ninkꞌe li jun chꞌol chic. Ac chꞌolchꞌo jarubeb li teꞌxba̱nu li cꞌanjel ut jokꞌe teꞌcꞌanjelak li junju̱nk. Rajlal teꞌxba̱nu li cꞌanjel aꞌan chiru li Ka̱cuaꞌ, chan.

2 Crónicas 23:18

Ut laj Joiada quixxakabeb laj tij ut eb laj levita chixjolominquil li cꞌanjel saꞌ li templo. Eb aꞌan queꞌxba̱nu li cꞌanjel joꞌ quixye li rey David junxil. Ut queꞌxcꞌat li mayej chiru li Ka̱cuaꞌ joꞌ tzꞌi̱banbil retalil saꞌ lix chakꞌrab laj Moisés. Ut queꞌbichan ajcuiꞌ chi sa saꞌ xchꞌo̱leb joꞌ quiyeheꞌ chak reheb xban laj David.

2 Crónicas 31:3

Li rey quixqꞌue li mayej xul li nequeꞌxcꞌat rajlal ekꞌela ut rajlal ecuu joꞌ ajcuiꞌ li nequeꞌxcꞌat saꞌ li hiloba̱l cutan. Quixqꞌue ajcuiꞌ li nequeꞌxmayeja saꞌ xyoꞌlajic li po, ut reheb li ninkꞌe li queꞌxba̱nu joꞌ tzꞌi̱banbil saꞌ lix chakꞌrab li Dios.

Esdras 3:2

Ut laj Jesúa, li ralal laj Josadac, ut eb laj tij, lix comoneb, ut laj Zorobabel ralal laj Salatiel rochbeneb lix comoneb queꞌoc chixyi̱banquil lix artal li Ka̱cuaꞌ lix Dioseb laj Israel re teꞌxmayeja cuiꞌ li xul joꞌ tzꞌi̱banbil saꞌ li chakꞌrab li quiqꞌueheꞌ re laj Moisés laj cꞌanjel chiru li Dios.

Nehemías 10:34

Ut kacꞌu̱b ajcuiꞌ ru nak rajlal chihab eb laj tij, eb laj levitas ut chixjunileb li tenamit teꞌbu̱lik re rilbal chanru nak te̱tzꞌak qꞌuehoc siꞌ li junju̱nk cabal. Li siꞌ aꞌan li nacꞌatman saꞌ li artal saꞌ xtemplo li Ka̱cuaꞌ li kaDios joꞌ tzꞌi̱banbil retalil saꞌ li chakꞌrab.

Ezequiel 45:17

Ta̱cana̱k saꞌ xbe̱n li rey xkꞌaxtesinquil li xul re li cꞌatbil mayej. Ut aꞌan ajcuiꞌ ta̱kꞌaxtesi̱nk re li ru li acui̱mk ut li vino li nequeꞌxmayeja. Tixqꞌue li cꞌatbil mayej ut li mayej re xtzꞌa̱manquil xcuybal lix ma̱queb ut re xcꞌambaleb rib saꞌ usilal riqꞌuin li Dios. Tixba̱nu aꞌan nak nequeꞌxninkꞌei lix yoꞌlajic li po ut nak nequeꞌxninkꞌei li hiloba̱l cutan ut nak nequeꞌxba̱nu li ninkꞌe jun chꞌol chic. Li rey ta̱mayejak saꞌ xcꞌabaꞌeb chixjunileb laj Israel.