Números 28:19 - Li Santil hu

¹⁹ Teꞌxqꞌue chokꞌ xmayejeb chicuu la̱in li Ka̱cuaꞌ cuib li toro toj sa̱jeb, jun li te̱lom carner, ut cuukub li te̱lom carner jun chihab cua̱nk reheb. Ut ma̱cꞌaꞌak re̱qꞌueb.

Q'eqchi Bible

¹⁹ Teeyeechi'i a'in re li Qaawa' cho'q k'atb'il mayej sununk xb'ook: wiib' saaj wakax, jun chib'aat ut wuqub' chi karneer li maak'a'aq reek'eb',

Números 28:19 ပူးပေါင်းရင်းမြစ်များ

Deuteronomio 15:21

Abanan incꞌaꞌ naru te̱qꞌue chokꞌ mayej chiru li Ka̱cuaꞌ junak xul cui cuan re̱cꞌ, malaj ut cui ye̱k rok, malaj ut mutzꞌ li ru. Cui incꞌaꞌ tzꞌakal re ru incꞌaꞌ naru te̱mayeja chiru li Ka̱cuaꞌ le̱ Dios.

Números 29:8

Chokꞌ re lix cꞌatbil mayejeb teꞌxqꞌue jun li toro toj sa̱j, jun li te̱lom carner, ut cuukub li te̱lom carner ju̱nk chihab cua̱nk reheb. Ma̱cꞌaꞌak re̱qꞌueb li xul li teꞌxqꞌue. Ut aꞌanak jun li sununquil cꞌatbil mayej ta̱cuulak chicuu la̱in li Ka̱cuaꞌ.

Números 28:31

Teꞌxqꞌueheb li mayej aꞌin ut teꞌxqꞌue ajcuiꞌ li mayej vino joꞌ eb ajcuiꞌ li cꞌatbil mayej li teꞌxqꞌue rajlal. Ma̱cꞌaꞌak re̱qꞌueb li xul li teꞌxmayeja.

Levítico 22:20

Abanan incꞌaꞌ ta̱cꞌulekꞌ li mayej cui te̱mayeja junak li xul li cuan re̱cꞌ.

1 Pedro 1:19

Colbilex ban riqꞌuin xlokꞌlaj quiqꞌuel li Cristo. Li Cristo, aꞌan li quixmayeja rib chiru li Dios Acuabej joꞌ jun li carner namayeja̱c chi ma̱cꞌaꞌ re̱cꞌ ut chi ma̱cꞌaꞌ xpaltil.

Números 28:20

Rochben li mayej toro teꞌxmayeja numenak oxlaju libra li cꞌaj yokꞌinbil riqꞌuin aceite. Ut rochben li carner teꞌxmayeja caꞌchꞌin ma̱ bele̱b libra li cꞌaj yokꞌinbil riqꞌuin aceite.

Levítico 1:3

Cui cuacax teꞌxqꞌue chokꞌ xcꞌatbil mayej, tento nak teꞌxqꞌue li toro tzꞌakalak re ru. Ut teꞌxqꞌue joꞌ na-ala saꞌ xchꞌo̱leb. Teꞌxcꞌam lix mayej chiru li Ka̱cuaꞌ saꞌ li oqueba̱l re li tabernáculo li nequeꞌxchꞌutub cuiꞌ ribeb li tenamit chixlokꞌoninquil li Dios.

Deuteronomio 16:2

Nak te̱ba̱nu li ninkꞌe Pascua re xlokꞌoninquil li Ka̱cuaꞌ le̱ Dios, texxic saꞌ li naꞌajej li tixsicꞌ ru li Ka̱cuaꞌ re te̱lokꞌoni cuiꞌ. Ut aran te̱camsi jun li xul li te̱sicꞌ ru saꞌ xya̱nkeb le̱ queto̱mk chokꞌ re le̱ mayej chiru li Ka̱cuaꞌ.

2 Crónicas 35:12

Chirix aꞌan queꞌxjeqꞌui li tib reheb li junju̱nk cabal re nak teꞌxcꞌat chokꞌ xmayej joꞌ tzꞌi̱banbil saꞌ li chakꞌrab li quiqꞌueheꞌ re laj Moisés. Ut joꞌcan ajcuiꞌ queꞌxba̱nu riqꞌuineb li bo̱yx.