Números 28:14 - Li Santil hu

¹⁴ Rochben li junju̱nk chi toro teꞌxqꞌue cuib litro li vino re li mayej vino. Teꞌxqꞌue jun litro riqꞌuin mero litro li vino rochben li junju̱nk chi carner ut teꞌxqꞌue jun litro rochben li junju̱nk chi carner toj sa̱j. Aꞌaneb aꞌin li cꞌatbil mayej li teꞌxqꞌue rajlal po chiru li jun chihab.

Q'eqchi Bible

¹⁴ Li b'iin li taamayejamanq, a'an kab'taqlaju sek' cho'q re li junjunq chi saaj wakax, kab'taqlaju sek' cho'q re li junjunq chi chib'aat ut kab'taqlaju sek' cho'q re li junjunq chi karneer. A'anaq a'in li k'atb'il mayej taak'eemanq rajlal po chiru li junq chihab'.

Números 28:14 ပူးပေါင်းရင်းမြစ်များ

Números 28:13

Ut rochbeneb li junju̱nk chi carner toj sa̱j teꞌxqꞌue numenak ca̱hib libra li cha̱bil cꞌaj yokꞌinbil riqꞌuin aceite. Aꞌanak jun li sununquil cꞌatbil mayej li teꞌxcꞌat chicuu.

Números 28:15

Ut teꞌxqꞌue ajcuiꞌ jun li chiba̱t rochben li cꞌatbil mayej li nequeꞌxqꞌue rajlal cutan. Li chiba̱t aꞌan ta̱cꞌatma̱nk re xtzꞌa̱manquil xcuybal li ma̱c.

Números 15:5

Ut tixqꞌue ajcuiꞌ chokꞌ xmayej jun litro li vino rochben li junju̱nk chi carner li tixqꞌue chokꞌ xcꞌatbil mayej.

Números 15:9

te̱cꞌam rochben li toro jun li mayej cꞌaj. Te̱cꞌam numenak oxlaju libra li cha̱bil cꞌaj junajinbil riqꞌuin cuib litro li aceite.

Números 28:7

Teꞌxmayeja jun litro li vino rochben li junju̱nk chi carner. Teꞌxhoy li vino saꞌ li artal li cuan saꞌ li tabernáculo re xqꞌuebal lin lokꞌal.

Números 29:18

Rochbeneb li toro, li te̱lom carner ut li te̱lom carner li ju̱nk chihab cua̱nk reheb, teꞌxqꞌue ajcuiꞌ li mayej cꞌaj ut li mayej vino aꞌ yal jarubeb li xul li teꞌxmayeja joꞌ naxye saꞌ li chakꞌrab.

Esdras 3:5

Ut queꞌmayejac joꞌ nequeꞌxba̱nu junelic ut queꞌmayejac saꞌ xyoꞌlajic li po ut saꞌ eb li cutan joꞌ yebil chak reheb xban li Ka̱cuaꞌ ut cuanqueb ajcuiꞌ li qui-ala saꞌ xchꞌo̱leb xqꞌuebal xmayejeb.

Isaías 1:13

Me̱cꞌam chak chic le̱ mayej li ma̱cꞌaꞌ na-oc cuiꞌ. Incꞌaꞌ chic nacuaj rutzꞌbal li pom. Xintitzꞌ xban. La̱ex nequeninkꞌei li xyoꞌlajic li po ut li hiloba̱l cutan. Abanan incꞌaꞌ chic nacuaj rilbal le̱ ninkꞌe xban nak junes ma̱usilal nequeba̱nu.

Jeremías 48:35

La̱in tinsach ruheb li nequeꞌmayejac saꞌ eb li naꞌajej li najt xteram li cuanqueb Moab ut nequeꞌxcꞌat li pom chiruheb lix dioseb, chan li Ka̱cuaꞌ.

Ezequiel 46:4

Saꞌ li hiloba̱l cutan li rey tixcꞌam li xul li teꞌcꞌatekꞌ chokꞌ xmayej chiru li Ka̱cuaꞌ. Tixqꞌue cuakib li carner te̱lom li toj sa̱jeb ut jun li carner te̱lom. Tzꞌakalakeb re ru li xul.

Joel 1:13

La̱ex aj tij, li nequexcꞌanjelac chiru lix artal li Ka̱cuaꞌ, chexya̱bak ut cheqꞌuehak e̱rakꞌ kꞌes ru che̱rix re rahil chꞌo̱lej. Ut chenumsihak li kꞌojyi̱n chi ra saꞌ le̱ chꞌo̱l xban nak ma̱cꞌaꞌ chic li cꞌaꞌru te̱mayeja chiru li artal saꞌ lix templo li Ka̱cuaꞌ.