Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Números 28:11 - Li Santil hu

11 Saꞌ li xbe̱n cutan re li po teꞌxqꞌue li cꞌatbil mayej. Teꞌxqꞌue cuib li toro toj sa̱jeb, jun li te̱lom carner, ut cuukub li te̱lom carner jun chihab cua̱nk reheb ut ma̱cꞌaꞌak re̱qꞌueb chixjunileb.

အခန်းကိုကြည့်ပါ။ ကော်ပီ

Q'eqchi Bible

11 “Sa' xtiklajik li junq po teeyeechi'i jun k'atb'il mayej chiru li Qaawa': wiib' saaj wakax, jun chib'aat ut wuqub' karneer aj junq chihab', chi maak'a'aq reek'eb'.

အခန်းကိုကြည့်ပါ။ ကော်ပီ




Números 28:11
32 ပူးပေါင်းရင်းမြစ်များ  

Teꞌya̱basi̱k li trompetas saꞌ eb li cutan nak sahak saꞌ e̱chꞌo̱l ut nak nequexninkꞌei̱c saꞌ xkꞌehil ut re li xyoꞌlajic li po. Teꞌya̱basi̱k li trompeta nak nequeqꞌue le̱ cꞌatbil mayej ut eb li mayej re xcꞌambal e̱rib saꞌ usilal cuiqꞌuin. Ut la̱in li Ka̱cuaꞌ texjulticokꞌ cue. La̱in li Ka̱cuaꞌ le̱ Dios, chan.


Nak teꞌxninkꞌei lix yoꞌlajic li po tixqꞌue jun li toro toj sa̱j, cuakib li carner toj sa̱jeb ut jun li carner te̱lom. Tzꞌakalakeb re ru li xul aꞌan.


Michꞌinan e̱chꞌo̱l cui ani nacuechꞌin e̱re riqꞌuin li cꞌaꞌru nequetzaca ut li cꞌaꞌru nequerucꞌ. Chi moco ta̱chꞌina̱nk e̱chꞌo̱l cui ani nacuechꞌin e̱re xban nak incꞌaꞌ nequeninkꞌei lix ninkꞌeheb. Cuan li nequeꞌxninkꞌei lix yoꞌlajic li po ut li hiloba̱l cutan.


La̱in tincuisi li ninkꞌei̱c chiru, li naqꞌuehoc xsahil xchꞌo̱l. Incꞌaꞌ chic ta̱ninkꞌei̱k rajlal chihab, rajlal po chi moco saꞌ li hiloba̱l cutan joꞌ cꞌaynak xba̱nunquil. Incꞌaꞌ chic tixninkꞌei ruheb lix dios.


Ut queꞌmayejac joꞌ nequeꞌxba̱nu junelic ut queꞌmayejac saꞌ xyoꞌlajic li po ut saꞌ eb li cutan joꞌ yebil chak reheb xban li Ka̱cuaꞌ ut cuanqueb ajcuiꞌ li qui-ala saꞌ xchꞌo̱leb xqꞌuebal xmayejeb.


La̱in oc cue chixyi̱banquil jun li templo re takalokꞌoni cuiꞌ li Ka̱cuaꞌ lin Dios. Aꞌanak jun santil naꞌajej bar tolokꞌoni̱nk cuiꞌ cuochbeneb lin tenamit. Aran tocꞌatok sununquil ban ut aran tomayejak caxlan cua junelic. Rajlal ekꞌela ut rajlal ecuu takacꞌat li xul li takamayeja chiru li Dios. Joꞌcan ajcuiꞌ takaba̱nu rajlal saꞌ eb li hiloba̱l cutan ut saꞌ xyoꞌlajic li po ut saꞌ eb li ninkꞌe re lokꞌoni̱nc joꞌ cꞌaynako chixba̱nunquil chalen chak junxil.


Aꞌaneb li teꞌcꞌatok re li mayejanbil xul chiru li Ka̱cuaꞌ saꞌ eb li hiloba̱l cutan joꞌ ajcuiꞌ nak nequeꞌxninkꞌei lix yoꞌlajic li po, joꞌ ajcuiꞌ saꞌ eb li ninkꞌe li jun chꞌol chic. Ac chꞌolchꞌo jarubeb li teꞌxba̱nu li cꞌanjel ut jokꞌe teꞌcꞌanjelak li junju̱nk. Rajlal teꞌxba̱nu li cꞌanjel aꞌan chiru li Ka̱cuaꞌ, chan.


Laj David quixye re: —Cuulaj nequeꞌxninkꞌei li xyoꞌlajic li po ut la̱in cꞌaynakin chi cꞌojla̱c saꞌ li me̱x cuochben la̱ yucuaꞌ. Abanan ta̱qꞌue inlese̱ns re nak la̱in tinmuk cuib saꞌ li cꞌaleba̱l toj saꞌ li ecuu saꞌ rox li cutan.


La̱ex xepa̱b li Cristo ut aꞌan chic yal re saꞌ e̱be̱n. Joꞌcan nak junajakex taxak riqꞌuin li Cristo, ut texcua̱nk joꞌ naraj aꞌan.


La̱ex yo̱quex cuiꞌchic chixba̱nunquil le̱ najteril naꞌleb nak nequeninkꞌei eb li cutan, li po ut li chihab ut li cꞌaꞌak chic re ru chi ninkꞌehil.


¿Ma naru ta biꞌ ta̱chapekꞌ li xul li narupupic, cui incꞌaꞌ teꞌxqꞌue li raꞌal re teꞌxchap? Ut, ¿ma ta̱ecꞌa̱nk ta biꞌ li raꞌal cui ma̱cꞌaꞌ tixchap?


Li Ka̱cuaꞌ li nimajcual Dios naxye chi joꞌcaꞌin: —Li oqueba̱l re li neba̱l li cuan chi saꞌ, saꞌ li este tzꞌaptzꞌo̱k chiru li cuakib cutan nak eb li tenamit yo̱keb chi cꞌanjelac. Abanan ta̱tema̱nk nak ta̱cuulak li hiloba̱l cutan ut saꞌ xkꞌehil nak nequeꞌxninkꞌei li xyoꞌlajic li po.


Rajlal po teꞌcha̱lk chixjunileb li tenamit ut teꞌxcuikꞌib ribeb chicuu. Rajlal xama̱n saꞌ li hiloba̱l cutan tineꞌxlokꞌoni.


Cheya̱basihak li trompeta saꞌ xkꞌehil xyoꞌlajic li po joꞌ ajcuiꞌ nak naxoroc li po saꞌ xkꞌehil li kaninkꞌe li kꞌaxal lokꞌ,


At inDios, nacuulac chicuu xba̱nunquil li cꞌaꞌru nacacuaj. Junelic cuan saꞌ inchꞌo̱l la̱ chakꞌrab.


La̱at incꞌaꞌ nacacuaj nak tomayejak ut incꞌaꞌ nacacuaj nak ta̱cꞌatma̱nk li xul saꞌ xbe̱n li artal. Xacutanobresi ban li kanaꞌleb ut xkaqꞌue retal nak moco riqꞌuin ta li nakamayeja nak ta̱isi̱k li kama̱c.


Li tumin aꞌan ta̱cꞌanjelak re li caxlan cua li naqꞌueman rajlal saꞌ lix templo li Dios ut ta̱cꞌanjelak ajcuiꞌ re xlokꞌbal li ru li trigo li namayeja rajlal cutan, ut re ajcuiꞌ li mayej li nequeꞌxcꞌat. Ut ta̱cꞌanjelak ajcuiꞌ re li mayej li naqꞌueman saꞌ li hiloba̱l cutan, ut nak nequeꞌxninkꞌei lix yoꞌlajic li po ut re ajcuiꞌ chixjunileb li ninkꞌe li nequeꞌxba̱nu. Ut ta̱cꞌanjelak re li cꞌaꞌak re ru li kꞌaxal lokꞌ ut re li mayej li nequeꞌxqꞌue re xpatzꞌbal xcuybal xma̱queb laj Israel ut re chixjunil li cꞌanjel li na-uxman saꞌ lix templo li Dios.


Lix be̱lom quixpatzꞌ re: —¿Cꞌaꞌut nak tatxic riqꞌuin li profeta anakcuan? Anakcuan moco toj xyoꞌla li po chi moco hiloba̱l cutan, chan. Li rixakil quixye re: —Matcꞌoxlac chirix aꞌan, chan.


Teꞌxqꞌue chokꞌ xmayejeb chicuu la̱in li Ka̱cuaꞌ cuib li toro toj sa̱jeb, jun li te̱lom carner, ut cuukub li te̱lom carner jun chihab cua̱nk reheb. Ut ma̱cꞌaꞌak re̱qꞌueb.


Cui cuacax teꞌxqꞌue chokꞌ xcꞌatbil mayej, tento nak teꞌxqꞌue li toro tzꞌakalak re ru. Ut teꞌxqꞌue joꞌ na-ala saꞌ xchꞌo̱leb. Teꞌxcꞌam lix mayej chiru li Ka̱cuaꞌ saꞌ li oqueba̱l re li tabernáculo li nequeꞌxchꞌutub cuiꞌ ribeb li tenamit chixlokꞌoninquil li Dios.


Tixchꞌaj li cꞌamcꞌot ut li raꞌ li xul. Ut laj tij tixqꞌue chixjunil saꞌ xbe̱n li artal ut tixcꞌat. Ut aꞌanak jun li sununquil mayej ta̱cuulak chiru li Ka̱cuaꞌ.


Li tixqꞌue xcꞌatbil mayej tixchꞌaj lix cꞌamcꞌot ut li raꞌ li xul. Ut laj tij tixmayeja chiru li Ka̱cuaꞌ ut tixqꞌue chixjunil saꞌ xbe̱n li artal ut tixcꞌat. Ut aꞌanak jun li sununquil mayej ta̱cuulak chiru li Ka̱cuaꞌ.


Eb li tukꞌ ixk queꞌxye re: —Arin cuan. Caꞌchꞌin chic ma̱ nequexcuulac. Se̱bahomak e̱rib chi xic re nak te̱tau. Xcꞌulun anakcuan xban nak tento nak ta̱mayejak chiru li Ka̱cuaꞌ saꞌ xbe̱n li artal li cuan saꞌ li tzu̱l.


Quixqꞌue li mayej aꞌin saꞌ eb li cutan nak tento xqꞌuebal joꞌ tzꞌi̱banbil saꞌ li chakꞌrab li quiqꞌueheꞌ re laj Moisés. Quixqꞌue lix mayej saꞌ eb li hiloba̱l cutan ut saꞌ lix yoꞌlajic li po, ut saꞌ li oxib chi ninkꞌe li queꞌxba̱nu rajlal chihab. Li xbe̱n li ninkꞌe, aꞌan nak queꞌxcuaꞌ li caxlan cua li ma̱cꞌaꞌ xchꞌamal; li xcab, aꞌan li ninkꞌe re li xama̱n; ut li rox, aꞌan nak queꞌxyi̱b lix cocꞌ muheba̱leb.


Nak tixqꞌue li toro tixqꞌue ajcuiꞌ junmay litro li cꞌaj. Ut tixqꞌue junmay litro rochben li carner te̱lom. Ut tixqꞌue li joꞌ qꞌuial na-ala saꞌ xchꞌo̱l rochbeneb li cocꞌ carner. Ut tixqꞌue ajcuiꞌ oxib litro riqꞌuin media litro li aceite rochben li ju̱nkmay litro li cꞌaj.


Nequeye chiribil e̱rib: —¿Jokꞌe ta̱numekꞌ lix ninkꞌeinquil li acꞌ po re nak ta̱ru̱k tocꞌayi̱nk trigo? Ut, ¿jokꞌe ta̱numekꞌ li hiloba̱l cutan re nak takate li rochochil li trigo li xocxo cuiꞌ ut takatiquib cuiꞌchic cꞌayi̱nc? Takaterkꞌusi xtzꞌak li trigo ut takajeb lix bisbal ut incꞌaꞌ tzꞌakal li bisleb takaqꞌue, chanquex.


Li rey Salomón quitzꞌi̱bac riqꞌuin laj Hiram lix reyeb laj Tiro ut quixye re: —¿Ma incꞌaꞌ ta̱ru̱k ta̱takla caꞌchꞌinak incheꞌ chacalteꞌ joꞌ caba̱nu riqꞌuin laj David lin yucuaꞌ nak quixyi̱b li rochoch aꞌan?


xban nak aꞌin jun li chakꞌrab li quiqꞌueheꞌ reheb laj Israel xban li Dios li quixlokꞌoni laj Jacob.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ