Números 27:21 - Li Santil hu

²¹ Laj Josué ta̱xic riqꞌuin laj Eleazar laj tij ut tixpatzꞌ re cꞌaꞌru tixba̱nu. Ut laj Eleazar tixsicꞌ li cꞌaꞌru nacuaj riqꞌuin li Urim. Laj Josué, aꞌan li ta̱takla̱nk saꞌ xbe̱neb laj Israel riqꞌuin chixjunil li cꞌaꞌru teꞌxba̱nu, chan li Ka̱cuaꞌ.

Q'eqchi Bible

²¹ Ab'an laj Josué tento toxk'ut rib' chiru laj Elehasar laj tij, ut a'in taapatz'oq wik'in, jo' chanru na'uxk rik'in li b'uulink, chiru li Qaawa'. Laj Josué a'an li taataqlanq sa' xb'een chixjunileb' laj Israel, sa' xb'een chixjunil li komonil, rik'in li k'aru te'xb'aanu”.

Números 27:21 ပူးပေါင်းရင်းမြစ်များ

1 Samuel 28:6

Laj Saúl quixpatzꞌ re li Dios cꞌaꞌru tixba̱nu. Abanan li Dios incꞌaꞌ chic quixsume chi moco saꞌ xmatcꞌ, chi moco riqꞌuin li Urim, chi moco xbaneb li profetas.

Josué 9:14

Eb laj Israel queꞌxchap lix cuaheb ut queꞌril. Abanan incꞌaꞌ queꞌxtzꞌa̱ma chiru li Dios cꞌaꞌru us teꞌxba̱nu.

Éxodo 28:30

Ut te̱qꞌue li Urim ut li Tumim saꞌ li pectoral re nak cua̱nk chire xchꞌo̱l laj Aarón nak ta̱oc saꞌ li tabernáculo chiru li Ka̱cuaꞌ. Joꞌcan nak laj Aarón junelic tixcꞌam chire xchꞌo̱l li Urim ut li Tumim nak ta̱oc chiru li Ka̱cuaꞌ re nak ta̱ru̱k ta̱tzꞌilok a̱tin chirixeb laj Israel.

Nehemías 7:65

Ut li gobernador quixye nak incꞌaꞌ naru teꞌxtzaca li kꞌaxtesinbil tzacae̱mk toj cua̱nk junak aj tij ta̱tzꞌilok a̱tin chirix riqꞌuin li Urim ut Tumim.

Esdras 2:63

Ut li gobernador quixye nak incꞌaꞌ naru teꞌxtzaca li kꞌaxtesinbil tzacae̱mk toj cua̱nk junak aj tij ta̱tzꞌilok a̱tin chirixeb riqꞌuin li Urim ut li Tumim.

1 Samuel 30:7

Laj David quixye re laj Abiatar, laj tij, li ralal laj Ahimelec: —Ba̱nu usilal, cꞌam chak li efod, chan. Ut laj Abiatar quixcꞌam li efod riqꞌuin.

1 Samuel 23:9

Nak laj David quirabi nak laj Saúl ta̱cha̱lk chi pletic riqꞌuin, quixye re laj Abiatar laj tij: —Cꞌam chak li efod, chan.

Jueces 20:23

Eb laj Israel queꞌco̱eb saꞌ li rochoch li Dios. Chalen ekꞌela toj retal qui-ecuu queꞌya̱bac. Queꞌtijoc ut queꞌxye re li Ka̱cuaꞌ Dios: —¿Ma toxic cuiꞌchic chi pletic riqꞌuineb li ralal xcꞌajol laj Benjamín, li kech aj Israelil? chanqueb. Ut li Ka̱cuaꞌ quixye reheb: —Texxic, chan.

Jueces 20:18

Eb laj Israel queꞌco̱eb Bet-el saꞌ li rochoch li Dios chi tijoc. Queꞌxye re li Dios: —At Ka̱cuaꞌ, ba̱nu usilal, cꞌut chiku aniheb li teꞌxic xbe̱n cua chi pletic riqꞌuineb li ralal xcꞌajol laj Benjamín, chanqueb. Ut li Dios quixye reheb: —Eb li ralal xcꞌajol laj Judá, aꞌaneb li teꞌxic xbe̱n cua, chan.

Jueces 1:1

Nak ac xcam laj Josué, eb laj Israel queꞌtijoc chiru li Ka̱cuaꞌ ut queꞌxye re: —¿Ani ke xbe̱n cua teꞌxic chi pletic riqꞌuineb laj Canaán? chanqueb.

Deuteronomio 33:8

Quixye chirixeb li ralal xcꞌajol laj Leví: At Ka̱cuaꞌ, chaqꞌue la̱ Tumin ut la̱ Urim reheb li ralal xcꞌajol laj Leví, li nequeꞌcꞌanjelac cha̱cuu. Cayal rixeb aran Masah ut cayal rixeb aran Meriba.

Números 27:17

Li cui̱nk aꞌan ta̱xic chi ubej chi cꞌamoc be chiruheb nak teꞌxic yalak bar. Incꞌaꞌ taxak teꞌcana̱k la̱ tenamit joꞌ eb li carner li ma̱cꞌaꞌ aj ilol reheb, chan laj Moisés.

Levítico 8:8

Chirix aꞌan quixqꞌue li pectoral chire xchꞌo̱l. Ut chi saꞌ li pectoral quixqꞌue li Urim ut li Tumim.

Números 27:5

Ut laj Moisés quixpatzꞌ re li Dios cꞌaꞌru tixba̱nu.

Números 27:20

La̱at ta̱qꞌue xcuanquil chiruheb li tenamit re nak eb aꞌan teꞌxba̱nu li cꞌaꞌru tixye.

Números 27:22

Laj Moisés quixba̱nu li cꞌaꞌru quixye li Ka̱cuaꞌ. Quixcꞌam laj Josué ut quixxakab chiru laj Eleazar ut chiruheb chixjunileb laj Israel.

1 Samuel 14:19

Toj yo̱ ajcuiꞌ chi a̱tinac laj Saúl riqꞌuin laj tij nak quiril nak eb laj filisteo yo̱queb chixpokokinquil ribeb ut incꞌaꞌ chic nequeꞌxtau cꞌaꞌru teꞌxba̱nu. Ut laj Saúl quixye re laj Ahías: —Ma̱cꞌam chak li efod. Canab cuan, chan.

2 Samuel 21:1

Nak laj David cuan chokꞌ rey quicuan jun li cueꞌej. Chiru oxib chihab ma̱cꞌaꞌ xtzacae̱mkeb. Laj David quitijoc ut quixpatzꞌ re li Dios cꞌaꞌut nak yo̱ li cueꞌej. Li Ka̱cuaꞌ Dios quixye re: —Yo̱ li cueꞌej aꞌin xban li ma̱usilal li quixba̱nu laj Saúl ut eb li ralal xcꞌajol nak queꞌxcamsiheb li cuanqueb Gabaón, chan.

Malaquías 2:7

Lix cꞌanjel eb laj tij, aꞌan xcꞌutbal lix ya̱lal chiruheb li tenamit. Riqꞌuineb aꞌan teꞌxic li cristian chirabinquil lix chakꞌrabinquileb inban la̱in xban nak eb laj tij, aꞌan eb lin takl, chan li nimajcual Dios.

Números 27:2

Eb li o̱b chi ixk, li ri̱tzꞌineb rib, queꞌcuulac chiru li oqueba̱l re li tabernáculo ut queꞌxakli chiru laj Moisés, laj Eleazar laj tij, ut chiruheb li nequeꞌcꞌamoc be ut chiruheb ajcuiꞌ li chꞌutchꞌu̱queb aran ut queꞌxye reheb:

Deuteronomio 31:3

Li Ka̱cuaꞌ le̱ Dios, aꞌan ta̱cꞌamok be che̱ru nak texnumekꞌ jun pacꞌal li nimaꞌ. Aꞌan ta̱sachok reheb li tenamit nak yo̱kex chi xic re nak texnumta̱k saꞌ xbe̱neb ut te̱re̱chani li naꞌajej. Laj Josué, aꞌan li ta̱cꞌamok re le̱ be joꞌ quixye li Ka̱cuaꞌ.