Números 26:59 - Li Santil hu

⁵⁹ Laj Amram quisumla riqꞌuin lix Jocabed, jun ixk xcomoneb li ralal xcꞌajol laj Leví. Quiyoꞌla nak cuanqueb aran Egipto. Lix cocꞌal laj Amram li queꞌcuan riqꞌuin lix Jocabed, aꞌaneb laj Aarón, laj Moisés ut lix María.

Q'eqchi Bible

⁵⁹ Laj Amrán kisumlaak rik'in lix Yokébed. A'in xrab'in laj Leví ut kiyo'laak aran Ejiipt. Lix Yokébed ut laj Amrán a'aneb' xna' xyuwa' laj Aharón, laj Moisés ut lix María.

Números 26:59 ပူးပေါင်းရင်းမြစ်များ

Éxodo 6:20

Laj Amram quixcꞌam chokꞌ rixakil li ri̱tzꞌin lix yucuaꞌ lix Jocabed xcꞌabaꞌ. Quicuan cuib li ralal riqꞌuin. Laj Aarón ut aj Moisés xcꞌabaꞌeb. Jun ciento riqꞌuin cuuklaju xcaꞌcꞌa̱l (137) chihab cuan re nak quicam.

Levítico 18:12

Junak cui̱nk incꞌaꞌ naru naxchꞌic rib riqꞌuin li ranab lix yucuaꞌ xban nak aꞌan xcomon lix yucuaꞌ.

Éxodo 2:4

Li ranab li cꞌulaꞌal najt caꞌchꞌin quixqꞌue rib riqꞌuin li cꞌulaꞌal ut yo̱ chixcꞌacꞌalenquil re nak ma̱cꞌaꞌ tixcꞌul.

Éxodo 15:20

Lix María li ranab laj Aarón aꞌan jun xprofeta li Dios. Lix María quixchap jun lix chꞌina cuajb pandero xcꞌabaꞌ. Ut quicꞌamoc be chiruheb li rech ixkilal chirecꞌasinquileb lix pandero ut chi xajoc re xlokꞌoninquil li Dios.

Números 12:1

Lix María ut laj Aarón queꞌoc xcuechꞌinquil rix laj Moisés xban nak quisumla riqꞌuin jun ixk Etiopía xtenamit.

Números 20:1

Saꞌ li xbe̱n po re li chihab, eb laj Israel queꞌcuulac saꞌ li chaki chꞌochꞌ Zin ut queꞌcana saꞌ li tenamit Cades. Aran quicam lix María ut aran ajcuiꞌ quimukeꞌ.