Números 26:55 - Li Santil hu

⁵⁵ Nak te̱jeqꞌui li chꞌochꞌ aꞌin saꞌ xya̱nk li junju̱nk chꞌu̱tal, te̱jeqꞌui riqꞌuin bu̱lic ut aꞌ yal chanru tzꞌi̱banbil xcꞌabaꞌeb li junju̱nk te̱p.

Q'eqchi Bible

⁵⁵ Ab'an li jachink ch'och' taa'uxmanq chi b'uulinb'il. A' yaal jo'k'ihal rajlankileb' li junq teep, jo'ka'an taa'uxmanq xjachinkileb' li ch'och'.

Números 26:55 ပူးပေါင်းရင်းမြစ်များ

Números 34:13

Ut laj Moisés quixye reheb laj Israel: —Te̱bu̱li rix li chꞌochꞌ li ta̱qꞌuehekꞌ e̱re. Li Ka̱cuaꞌ quixye nak li chꞌochꞌ aꞌin ta̱jeqꞌui̱k reheb li bele̱b chꞌu̱tal riqꞌuin media chꞌu̱tal eb laj Israel.

Números 33:54

Ta̱bu̱li rix li chꞌochꞌ nak ta̱jeqꞌui reheb laj Israel, aꞌ yal jarubeb cuanqueb saꞌ li junju̱nk xte̱pal. Cui nabaleb, nabal ajcuiꞌ li chꞌochꞌ ta̱qꞌue reheb. Ut cui incꞌaꞌ qꞌuiheb, incꞌaꞌ ajcuiꞌ qꞌui li chꞌochꞌ ta̱qꞌue. Aꞌ yal joꞌ qꞌuial ta̱tzꞌak li junju̱nk, aꞌan li ta̱qꞌue reheb. Ta̱jeqꞌui li chꞌochꞌ aꞌ yal ani lix xeꞌto̱nil yucuaꞌeb.

Josué 14:2

Riqꞌuin bu̱lic quijeqꞌui̱c reheb li naꞌajej aꞌan, joꞌ quiyeheꞌ re laj Moisés xban li Ka̱cuaꞌ Dios. Queꞌxjeqꞌui reheb li bele̱b te̱p li ralal xcꞌajol laj Israel ut li yijach chic li ralal xcꞌajol laj Manasés.

Josué 11:23

Joꞌcaꞌin nak laj Josué quire̱chani chixjunil lix naꞌajeb, joꞌ quiyeheꞌ re laj Moisés xban li Dios. Ut quixjeqꞌui li naꞌajej reheb li cablaju xte̱paleb laj Israel. Ut incꞌaꞌ chic quicuan li ple̱t saꞌ eb li naꞌajej aꞌan.

Colosenses 1:12

Chebantioxi chiru li Acuabej Dios li quiqꞌuehoc ke chitzꞌako̱nk riqꞌuin li sahil chꞌo̱lejil kochbeneb laj pa̱banel li ac xeꞌxtau xya̱lal.

Hechos 1:26

Joꞌcan nak queꞌxbu̱li rix li ani ta̱cana̱k chi cꞌanjelac. Ut nak ac xeꞌbu̱lic, li cꞌanjel aꞌan quicana saꞌ xbe̱n laj Matías. Ut saꞌ ajcuiꞌ li ho̱nal aꞌan laj Matías qui-oc chokꞌ apóstol saꞌ xya̱nkeb li junlaju chic.

Proverbios 18:18

Riqꞌuin bu̱lic naru teꞌxyi̱b ru lix chꞌaꞌajquilal li yo̱queb chi pletic. Aꞌan naru tixrak li ple̱t usta cuanqueb xcuanquil li yo̱queb chi pletic.

Proverbios 16:33

Eb li cui̱nk nequeꞌxsicꞌ cꞌaꞌru teꞌxba̱nu riqꞌuin bu̱lic. Abanan li Dios, aꞌan yal re saꞌ xbe̱n chixjunil.

Josué 19:40

Li xcuuk li queꞌxbu̱li rix, aꞌan li naꞌajej li queꞌtzꞌak li ralal xcꞌajol laj Dan, aꞌ yal chanru xqꞌuial li junju̱nk chꞌu̱tal.

Josué 19:32

Li xcuak li queꞌxbu̱li rix, aꞌan li naꞌajej li queꞌtzꞌak li ralal xcꞌajol laj Neftalí, aꞌ yal chanru xqꞌuial li junju̱nk chꞌu̱tal.

Josué 19:24

Li roꞌ li queꞌxbu̱li rix, aꞌan li naꞌajej li queꞌtzꞌak li ralal xcꞌajol laj Aser, aꞌ yal chanru xqꞌuial li junju̱nk chꞌu̱tal.

Josué 19:17

Li xca̱ li queꞌxbu̱li rix, aꞌan li naꞌajej li queꞌtzꞌak li ralal xcꞌajol laj Isacar aꞌ yal chanru xqꞌuial li junju̱nk chꞌu̱tal.

Josué 19:10

Li rox li queꞌxbu̱li rix, aꞌan li naꞌajej li queꞌtzꞌak li ralal xcꞌajol laj Zabulón. Li naꞌajej li quiqꞌueheꞌ reheb li ralal xcꞌajol laj Zabulón quicuulac toj saꞌ li tenamit Sarid.

Josué 19:1

Li xcab li queꞌxbu̱li rix, aꞌan li naꞌajej li queꞌtzꞌak li ralal xcꞌajol laj Simeón. Li naꞌajej li quiqꞌueheꞌ reheb li ralal xcꞌajol laj Simeón, aꞌan cuan saꞌ xya̱nk lix naꞌajeb li ralal xcꞌajol laj Judá.

Josué 18:6

Nak acak xeꞌxbis ut ac xeꞌxjachi chi cuukub jachal, teꞌxtzꞌi̱ba retalil ut teꞌxcꞌam chak cuiqꞌuin re nak takabu̱li rix li naꞌajej chiru li Ka̱cuaꞌ Dios.

Josué 17:14

Eb li ralal xcꞌajol laj José queꞌa̱tinac riqꞌuin laj Josué ut queꞌxye re: —¿Cꞌaꞌut nak incꞌaꞌ qꞌui li kanaꞌaj li xaqꞌue ke? La̱o nabalo xban nak li Ka̱cuaꞌ yo̱ chikosobtesinquil toj chalen anakcuan, chan.

Números 26:56

Te̱jeqꞌui li chꞌochꞌ aꞌin riqꞌuin bu̱lic. Li nabaleb, nabal te̱qꞌue reheb. Ut li incꞌaꞌ qꞌuiheb, incꞌaꞌ ajcuiꞌ qꞌui te̱qꞌue reheb.

Ezequiel 47:22

Nak te̱bu̱li rix li chꞌochꞌ re te̱jeqꞌui saꞌ e̱ya̱nk, te̱qꞌue ajcuiꞌ reheb li jalaneb xtenamit li cuanqueb saꞌ e̱ya̱nk. Teꞌxcꞌul lix chꞌochꞌeb li cuanqueb ralal xcꞌajol li queꞌyoꞌla saꞌ le̱ tenamit. Teꞌbu̱lik e̱rochben re nak teꞌtzꞌak chꞌochꞌ saꞌ e̱ya̱nk la̱ex aj Israel.

Números 36:2

Eb li nequeꞌcꞌamoc be saꞌ xya̱nkeb laj Galaad queꞌxye re laj Moisés: —Li Ka̱cuaꞌ quixye a̱cue nak riqꞌuin bu̱lic ta̱jeqꞌui li chꞌochꞌ reheb laj Israel. Ut quixye ajcuiꞌ nak ta̱qꞌue reheb lix rabin laj Zelofehad li kechꞌalal li joꞌ qꞌuial li chꞌochꞌ li quitzꞌak raj aꞌan.