Números 26:28 - Li Santil hu

²⁸ Eb li ralal xcꞌajol laj José, aꞌaneb laj Manasés ut laj Efraín.

Q'eqchi Bible

²⁸ Eb' li xch'uutal laj José a'aneb' a'in: eb' laj Manasés ut laj Efraín.

Números 26:28 ပူးပေါင်းရင်းမြစ်များ

Génesis 46:20

Laj Manasés ut laj Efraín xcꞌabaꞌeb li cuib chi ralal laj José, li queꞌcuan riqꞌuin lix Asenat aran Egipto. Lix Asenat, aꞌan xrabin laj Potifera, li quicꞌamoc be chi tijoc chiruheb laj On.

Génesis 48:5

Ut li cuib la̱ cualal li queꞌyoꞌla arin Egipto nak ma̱jiꞌ nincꞌulun arin a̱cuiqꞌuin, tzꞌakal cualaleb ajcuiꞌ nak nequeꞌcuil. Joꞌcan nak laj Efraín ut laj Manasés teꞌcua̱nk chokꞌ cue joꞌ nak cuanqueb laj Simeón ut laj Rubén.

Números 1:34

Queꞌtzꞌi̱ba̱c xcꞌabaꞌeb li ralal xcꞌajol laj Manasés li ac xeꞌxba̱nu junmay chihab re teꞌoc chokꞌ soldado. Queꞌajla̱c aꞌ yal chanru xqꞌuialeb saꞌ li junju̱nk cabal.

Deuteronomio 33:16

Nujenak taxak lix naꞌajeb riqꞌuin li cha̱bil echej. Osobtesinbilak taxak lix chꞌochꞌeb xban li Ka̱cuaꞌ, li quia̱tinac chak saꞌ li qꞌuix li yo̱ xxamlel. Cheꞌxcꞌul taxak chixjunil li usilal aꞌin eb li ralal xcꞌajol laj José xban nak laj José, aꞌan li nim xcuanquil saꞌ xbe̱neb li ras.

Josué 14:4

Cuib te̱p li ralal xcꞌajol laj José. Aꞌaneb li ralal xcꞌajol laj Manasés ut eb li ralal xcꞌajol laj Efraín. Ut incꞌaꞌ queꞌqꞌueheꞌ xchꞌochꞌeb li ralal xcꞌajol laj Leví. Caꞌaj cuiꞌ quiqꞌueheꞌ xnaꞌajeb bar naru teꞌcua̱nk saꞌ eb li tenamit ut quiqꞌueheꞌ ajcuiꞌ xnaꞌajeb re teꞌxqꞌuiresi xqueto̱mkeb.

1 Crónicas 5:23

Ut li yi jach li ralal xcꞌajol laj Manasés cꞌajoꞌ nak queꞌtam. Queꞌcuan saꞌ eb li naꞌajej Basán, Baal-hermón ut Senir ut nacuulac toj saꞌ li tzu̱l Hermón.

1 Crónicas 7:14

Laj Manasés quicuan cuib li ralal riqꞌuin lix concubina aj Siria. Aꞌaneb laj Asriel ut laj Maquir. Laj Maquir, aꞌan lix yucuaꞌ laj Galaad.