Números 26:10 - Li Santil hu

¹⁰ Li chꞌochꞌ quijacheꞌ ut queꞌtꞌaneꞌ chi saꞌ laj Coré ut eb li queꞌoquen chirix. Cuib ciento riqꞌuin laje̱b roxcꞌa̱l queꞌsacheꞌ ru saꞌ li xam. Li cꞌaꞌru queꞌxcꞌul eb aꞌan, aꞌan quicꞌanjelac re teꞌoc xcꞌaꞌuxeb laj Israel.

Q'eqchi Bible

¹⁰ Aran kitehonk li ch'och' ut kixnuq'eb' li wiib' a'an, rochb'een laj Koré. Lajeeb' roxlajuk'aal (250) chi winq ke'kamk xb'aan li xam, re xk'ajtesinkil ruheb'.

Números 26:10 ပူးပေါင်းရင်းမြစ်များ

Números 16:38

Queꞌsantobresi̱c nak queꞌqꞌueheꞌ chiru lin artal la̱in li Ka̱cuaꞌ. Cꞌameb lix sansareb li cui̱nk li queꞌsacheꞌ ruheb xban nak queꞌma̱cob. Riqꞌuin li sansar aꞌin te̱yi̱b li perpo̱quil chꞌi̱chꞌ ut li perpo̱quil chꞌi̱chꞌ aꞌin te̱letz chiru li artal. Ut aꞌanak jun retalil chiruheb laj Israel, chan li Dios. Ut laj Eleazar laj tij quixxoc lix sansareb li queꞌsacheꞌ ruheb. Ut quixtakla xyi̱banquil li perpo̱quil chꞌi̱chꞌ riqꞌuineb li sansar re nak teꞌxletz chiru li artal.

2 Pedro 2:6

Joꞌcan ajcuiꞌ li Dios quixrak a̱tin saꞌ xbe̱neb laj Sodoma ut laj Gomorra. Quixsacheb nak quixcꞌat lix tenamiteb. Junes cha quicana. Li Dios quixba̱nu chi joꞌcan chokꞌ retalil chiruheb chixjunileb li yo̱keb chi ma̱cobc mokon re nak teꞌxucuak xban li cꞌaꞌru ta̱cha̱lk saꞌ xbe̱neb.

San Judas 1:7

Joꞌcan ajcuiꞌ queꞌxcꞌul li tenamit Sodoma ut Gomorra joꞌqueb ajcuiꞌ li tenamit cuanqueb chixcꞌatk. Juntakꞌe̱teb lix naꞌlebeb riqꞌuineb li ángel li queꞌma̱cob. Queꞌmuxuc caxa̱r ut queꞌma̱cob ajcuiꞌ riqꞌuin rech cui̱nkilal ut riqꞌuin rech ixkilal. Queꞌxkꞌaxtesi rib chixba̱nunquil chixjunil li ma̱usilal. Lix cꞌatic eb li tenamit aꞌan, aꞌan re xcꞌutbesinquil chiku nak cuan xtojbal rix li ma̱c. Aꞌan li ta̱cꞌulma̱nk mokon saꞌ li xam li ta̱cua̱nk chi junelic.

Ezequiel 14:8

La̱in tinrakok a̱tin saꞌ xbe̱n ut tincꞌut xxuta̱n chiruheb chixjunileb re nak teꞌxqꞌue retal nak incꞌaꞌ us xba̱nu li jun aꞌan. Ut la̱in tincuisi saꞌ xya̱nkeb lin tenamit. Ut riqꞌuin aꞌan te̱qꞌue retal nak la̱in li Ka̱cuaꞌ.

Jeremías 29:22

Xma̱queb aꞌan nak chixjunileb laj Judá li cuanqueb Babilonia teꞌxye chi joꞌcaꞌin nak teꞌmajecua̱nk, “Li Ka̱cuaꞌ tixba̱nu a̱cue joꞌ quixba̱nu reheb laj Sedequías ut laj Acab li queꞌcꞌateꞌ xban li rey Nabucodonosor.”

1 Samuel 2:34

Aꞌan aꞌin li retalil li tinqꞌue a̱cue re nak ta̱nau nak tzꞌakal ya̱l li yo̱quin chixyebal a̱cue. Saꞌ ajcuiꞌ li cutan nak ta̱ca̱mk la̱ cualal aj Ofni, ta̱ca̱mk ajcuiꞌ la̱ cualal aj Finees.

Números 16:2

Queꞌxkꞌetkꞌeti ribeb chiru laj Moisés rochbeneb cuib ciento riqꞌuin laje̱b roxcꞌa̱l (250) laj Israel xcomoneb li xakabanbileb chi takla̱nc saꞌ xbe̱neb li tenamit. Naꞌno ruheb li cui̱nk aꞌan.

Números 27:3

—Li kayucuaꞌ quicam saꞌ li chaki chꞌochꞌ. Aꞌan ma̱cuaꞌ jun saꞌ xya̱nkeb li queꞌoquen chirix laj Coré li queꞌxkꞌetkꞌeti ribeb chiru li Ka̱cuaꞌ. Li kayucuaꞌ quicam ban xban li ma̱c li quixba̱nu aꞌan. Ma̱ jun li ralal.

Éxodo 16:35

Caꞌcꞌa̱l (40) chihab queꞌxcuaꞌ li maná toj retal queꞌcuulac saꞌ li nuba̱l re li cha̱bil naꞌajej. Canaán xcꞌabaꞌ li naꞌajej aꞌan.

Deuteronomio 11:6

La̱ex nequenau cꞌaꞌru quixba̱nu li Ka̱cuaꞌ re laj Datán ut laj Abiram, eb li ralal laj Eliab li ralal laj Rubén. Chixjunileb laj Israel yo̱queb chirilbal nak quixjach rib li chꞌochꞌ ut laj Datán ut laj Abiram queꞌtꞌaneꞌ toj chi saꞌ rochbeneb lix jun cablal, lix muheba̱leb, ut chixjunil lix queto̱mk.

Deuteronomio 28:46

Aꞌanak jun retalil chokꞌ e̱re ut reheb le̱ ralal e̱cꞌajol li teꞌcua̱nk mokon nak li Ka̱cuaꞌ quirakoc a̱tin saꞌ e̱be̱n.

Números 17:3

Saꞌ lix xukꞌ laj Leví ta̱tzꞌi̱ba lix cꞌabaꞌ laj Aarón. Tento nak cua̱nk jun xxukꞌeb li nequeꞌjolomin reheb li cablaju xte̱paleb laj Israel.