Números 25:7 - Li Santil hu

⁷ Ut laj Finees li ralal laj Eleazar quiril li quixba̱nu. Laj Finees, aꞌan li ri laj Aarón laj tij. Qui-el saꞌ xya̱nkeb laj Israel. Quixcꞌam jun li la̱ns saꞌ rukꞌ nak co̱.

Q'eqchi Bible

⁷ Naq kiril a'an, laj Pinjás, ralal laj Elehasar ut ri laj Aharón laj tij, ki'elk sa' xyanqeb' li ch'utch'uukeb' aran, chi wank jun xjutz' che' sa' ruq',

Números 25:7 ပူးပေါင်းရင်းမြစ်များ

Éxodo 6:25

Laj Eleazar li ralal laj Aarón, quixcꞌam chokꞌ rixakil jun lix rabin laj Futiel. Ut quicuan li ralal riqꞌuin aj Finees xcꞌabaꞌ. Aꞌaneb li queꞌtaklan reheb li yucuaꞌbej saꞌ xya̱nkeb laj levitas. Aꞌaneb aꞌin li ralal xcꞌajol laj Eleazar.

Salmos 106:30

Quicuacli chak laj Finees ut co̱ chixcamsinquil li cui̱nk li quicꞌamoc xbeheb chixba̱nunquil li ma̱c. Ut riqꞌuin xcamic li cui̱nk aꞌin, quinumeꞌ li yajel li quiqꞌueheꞌ saꞌ xbe̱neb xban li Dios.

1 Samuel 19:9

Saꞌ jun li cutan li Dios quixtakla cuiꞌchic li ma̱us aj musikꞌej riqꞌuin laj Saúl nak chunchu saꞌ rochoch ut cuan lix la̱ns saꞌ rukꞌ. Laj David yo̱ chixchꞌeꞌbal lix arpa.

Jueces 20:28

Ut laj Finees, aꞌan laj tij saꞌ eb li cutan aꞌan. Laj Finees, aꞌan li ralal laj Eleazar. Ut laj Eleazar, aꞌan li ralal laj Aarón. Eb laj Israel queꞌxye re li Dios: —¿Ma us nak toxic cuiꞌchic cuulaj chi pletic riqꞌuineb li ralal xcꞌajol laj Benjamín, li kech aj Israelil, malaj ut incꞌaꞌ chic toxic? chanqueb. Ut li Ka̱cuaꞌ quixye reheb: —Texxic cuiꞌchic chi pletic riqꞌuineb xban nak cuulaj la̱in tinkꞌaxtesiheb saꞌ e̱rukꞌ, chan.

Éxodo 32:28

Eb laj Leví queꞌxba̱nu li cꞌaꞌru quixye laj Moisés. Ut oxib mil chi cristian queꞌxcamsi saꞌ li cutan aꞌan.

Josué 22:13

Eb laj Israel queꞌxtaklaheb saꞌ li naꞌajej Galaad laj Finees li ralal laj Eleazar laj tij riqꞌuineb li ralal xcꞌajol laj Rubén, li ralal xcꞌajol laj Gad ut li yijach li ralal xcꞌajol laj Manasés.

1 Crónicas 9:20

Junxil, laj Finees li ralal laj Eleazar, aꞌan li quitaklan saꞌ xbe̱neb. Ut li Ka̱cuaꞌ quicuan riqꞌuin.

Malaquías 2:5

Saꞌ li contrato li quinba̱nu riqꞌuin laj Leví quinyechiꞌi reheb nak ta̱cua̱nk xyuꞌameb ut teꞌcua̱nk saꞌ tuktu̱quil usilal. Quinba̱nu li contrato riqꞌuineb re nak teꞌxxucua cuu. Ut eb aꞌan queꞌxxucua cuu ut queꞌxcubsi ribeb chicuu.

Números 31:6

Laj Moisés quixtaklaheb chi pletic jun mil reheb li junju̱nk xte̱paleb laj Israel. Ut quixtakla ajcuiꞌ laj Finees li ralal laj Eleazar laj tij. Laj Finees quixcꞌam li cꞌaꞌak re ru li queꞌrisi saꞌ li Lokꞌlaj Naꞌajej ut quixcꞌameb ajcuiꞌ li trompeta li teꞌxya̱basi nak teꞌoc chi pletic.

Esdras 7:5

Laj Buqui, aꞌan ralal laj Abisúa. Laj Abisúa, aꞌan ralal laj Finees. Ut laj Finees, aꞌan ralal laj Eleazar. Laj Eleazar, aꞌan ralal laj Aarón, li xbe̱n aj tij.