Números 25:2 - Li Santil hu

² Eb li ixk aꞌan nequeꞌxbok li cui̱nk aj Israel saꞌ lix ninkꞌeheb nak nequeꞌmayejac chiru lix dioseb. Ut eb laj Israel queꞌxlokꞌoni li jalanil dios Baal-peor ut queꞌxcuaꞌ li tzacae̱mk li mayejanbil chiruheb li yi̱banbil dios.

Q'eqchi Bible

² Eb' li ixq a'in ke'xb'oqeb' li winq chi xloq'oninkil li xyoseb', ut eb' laj Israel ke'tzekank ut ke'xwiq'ib' rib' chi xloq'oninkil li xyoseb' laj Mohab.

Números 25:2 ပူးပေါင်းရင်းမြစ်များ

1 Corintios 10:20

La̱in incꞌaꞌ ninye nak cuan xcuanquil li yi̱banbil dios, chi moco ninye nak li mayejanbil tib cuan xcuanquil. Li yo̱quin chixyebal, aꞌan aꞌin: eb li incꞌaꞌ nequeꞌxpa̱b li tzꞌakal Dios nequeꞌmayejac, aban ma̱cuaꞌ chiru li Dios nequeꞌmayejac. Chiru ban li ma̱us aj musikꞌej. Ut la̱in incꞌaꞌ nacuaj nak yo̱kex chi oque̱nc saꞌ lix naꞌlebeb li ma̱us aj musikꞌej.

Éxodo 20:5

Me̱cuikꞌib e̱rib chiruheb li yi̱banbil dios, chi moco chelokꞌoniheb. La̱in li Ka̱cuaꞌ le̱ Dios. Cau cuib. La̱in incꞌaꞌ nacuulac chicuu nak jalan te̱qꞌue xlokꞌal. Ut ninrahobtesiheb li alal cꞌajolbej riqꞌuin lix ma̱queb lix naꞌ xyucuaꞌeb toj saꞌ rox saꞌ xca̱ xtasalil li ralal xcꞌajoleb li xicꞌ nequeꞌiloc cue.

Oseas 9:10

Joꞌcaꞌin quixye li Ka̱cuaꞌ: —Junxil kꞌaxal xsahoꞌ inchꞌo̱l riqꞌuineb laj Israel. Quisahoꞌ inchꞌo̱l riqꞌuineb joꞌ nak nasahoꞌ xchꞌo̱l junak chirilbal li cha̱bil uvas saꞌ tikcual chꞌochꞌ. Chanchan rilbal li xbe̱n ru li cha̱bil higos saꞌ xkꞌehil nak nau̱chin lix cheꞌel. Abanan nak queꞌco̱eb Baal-peor, queꞌxjal xnaꞌlebeb ut queꞌrisi ribeb cuiqꞌuin ut queꞌxtiquib xba̱nunquil li xuta̱nalil naꞌleb. Ut lix yibal ru lix naꞌlebeb, chanchan lix yibal ru li jalanil dios li queꞌxlokꞌoni.

Salmos 106:28

Saꞌ li naꞌajej Peor queꞌxlokꞌoni li yi̱banbil dios Baal ut queꞌxcuaꞌ li tzacae̱mk li queꞌxmayeja chiruheb li yi̱banbil dios li incꞌaꞌ yoꞌyo̱queb.

Josué 22:17

¿Ma incꞌaꞌ ta biꞌ nabal li ma̱c xkaba̱nu nak xkalokꞌoni li yi̱banbil dios saꞌ li naꞌajej Peor? Li ma̱c aꞌan toj cuan ajcuiꞌ saꞌ kabe̱n chalen anakcuan. Xban li ma̱c aꞌan, nabaleb lix tenamit li Dios queꞌcam.

Apocalipsis 2:14

Abanan cuan cꞌaꞌak re ru yo̱quex chixba̱nunquil incꞌaꞌ us xban nak cuanqueb saꞌ e̱ya̱nk li toj yo̱queb chixqꞌuebal xcuanquil lix tijleb laj Balaam li quicꞌutuc chiru laj Balac chanru nak tixqꞌueheb chi ma̱cobc laj Israel. Quixye reheb nak ta̱ru̱k teꞌxtzaca li tzacae̱mk li mayejanbil chiru li jalanil dios. Ut quixtacchiꞌiheb re nak teꞌyumbe̱tak ut teꞌcoꞌbe̱tak.

1 Reyes 19:18

Tincanabeb chi yoꞌyo li cuukub mil laj Israel li incꞌaꞌ queꞌxcuikꞌib rib chixlokꞌoninquil laj Baal, chi moco queꞌrutzꞌ ru, chan li Ka̱cuaꞌ.

Josué 23:16

Cui incꞌaꞌ te̱ba̱nu li naxye saꞌ li contrato li quixba̱nu li Dios e̱riqꞌuin, malaj ut cui te̱lokꞌoni li jalanil dios ut texcꞌanjelak chiruheb, ta̱cha̱lk xjoskꞌil li Dios saꞌ e̱be̱n, ut saꞌ junpa̱t tex-isi̱k saꞌ li cha̱bil naꞌajej aꞌin li quixqꞌue e̱re li Dios, chan laj Josué.

Josué 23:7

Me̱junaji e̱rib riqꞌuineb li tenamit li toj cuanqueb saꞌ e̱ya̱nk, chi moco te̱ba̱nu li juramento saꞌ xcꞌabaꞌ lix dioseb, chi moco te̱lokꞌoniheb, chi moco te̱cuikꞌib e̱rib chiruheb.

Deuteronomio 32:38

Quemayeja le̱ cha̱bil mayej chiruheb ut quemayeja le̱ vino chiruheb. Cha̱lk anakcuan. Xtenkꞌakex ut xcolakex.

Éxodo 23:24

Ut me̱cuikꞌib e̱rib chiru lix yi̱banbil dios eb aꞌan, chi moco chexcꞌanjelak chiruheb. Me̱ba̱nu joꞌ nequeꞌxba̱nu eb aꞌan. Te̱jucꞌ ban lix yi̱banbil dios ut te̱sach ruheb chi junaj cua.

Éxodo 22:20

Li ani ta̱mayejak chiruheb li jalanil dios, ut cui incꞌaꞌ tixqꞌue lix mayej re li tzꞌakal Dios, aꞌan tento ta̱camsi̱k.

Éxodo 32:6

Joꞌ cuulajak chic queꞌcuulac ekꞌela ut queꞌmayejac ut queꞌxqꞌue ajcuiꞌ lix cꞌatbil mayej. Ut eb li tenamit queꞌcuaꞌac ut queꞌucꞌac ut quilajeꞌxba̱nu li moco uxc ta naraj.

Jeremías 40:11

Ut chixjunileb laj judío li cuanqueb Moab, Amón, Edom ut saꞌ eb li jalaneb tenamit, queꞌrabi nak lix reyeb laj Babilonia quixqꞌue xlese̱nseb nak eb laj judío teꞌcana̱k saꞌ lix tenamiteb ut queꞌrabi nak laj Gedalías quixakaba̱c chi takla̱nc saꞌ xbe̱neb.

Miqueas 6:5

Ex intenamit, chijulticokꞌ e̱re li cꞌaꞌru quiraj xba̱nunquil e̱re laj Balac lix reyeb laj Moab ut julticokꞌ ajcuiꞌ e̱re chanru nak quixsume laj Balaam, ralal laj Beor. Ut chijulticokꞌ ajcuiꞌ e̱re li cꞌaꞌru quicꞌulman aran Sitim toj Gilgal re nak te̱qꞌue retal nak junes usilal xinba̱nu e̱re, chan li Ka̱cuaꞌ.