Números 25:18 - Li Santil hu

¹⁸ xban nak aꞌan eb xeꞌqꞌuehoc reheb laj Israel chixlokꞌoninquil li yi̱banbil dios Baal-peor. Ut yo̱queb chi cꞌamoc be chiruheb chixba̱nunquil li ma̱usilal li quixba̱nu lix Cozbi lix rabin li cui̱nk aj Madián li cuan xcuanquil. Li ixk aꞌan quicamsi̱c saꞌ li cutan nak queꞌcam nabaleb xban nak queꞌxlokꞌoni laj Baal-peor, chan li Dios.

Q'eqchi Bible

¹⁸ xb'aan naq eb' a'an xe'b'alaq'ink eere naq xexk'e chi xloq'oninkil laj Bahal-Pehor. Jo'kan ajwi' xe'xb'aanu xmaak lix Kosbí, xrab'in jun xjolomil xteepaleb' laj Madián, a' li xkamsiik sa' xkutankil li rahilal xchalk xb'aan laj Bahal-Pehor”, chan li Qaawa'.

Números 25:18 ပူးပေါင်းရင်းမြစ်များ

Apocalipsis 2:14

Abanan cuan cꞌaꞌak re ru yo̱quex chixba̱nunquil incꞌaꞌ us xban nak cuanqueb saꞌ e̱ya̱nk li toj yo̱queb chixqꞌuebal xcuanquil lix tijleb laj Balaam li quicꞌutuc chiru laj Balac chanru nak tixqꞌueheb chi ma̱cobc laj Israel. Quixye reheb nak ta̱ru̱k teꞌxtzaca li tzacae̱mk li mayejanbil chiru li jalanil dios. Ut quixtacchiꞌiheb re nak teꞌyumbe̱tak ut teꞌcoꞌbe̱tak.

2 Pedro 2:18

Nequeꞌoc chi yehoc xni̱nkal ru a̱tin saꞌ lix majelal xnaꞌlebeb. Ut riqꞌuin li ma̱c naxrahi li tzꞌejcualej yo̱queb chixkꞌunbesinquileb li cristian li toj queꞌel chak saꞌ xya̱nkeb.

2 Corintios 11:3

Abanan yo̱quin chi cꞌoxlac che̱rix xban nak ninnau chanru nak quibalakꞌi̱c lix Eva xban li cꞌantiꞌ. Ma̱re anchal texbalakꞌi̱k la̱ex ut ma̱re incꞌaꞌ chic te̱pa̱b li Cristo chi anchal e̱chꞌo̱l ut ma̱re incꞌaꞌ chic te̱lokꞌoni.

Éxodo 32:35

Ut li Ka̱cuaꞌ Dios quixtakla jun raylal saꞌ xbe̱neb li tenamit xban nak queꞌxqꞌue chi yi̱ba̱c li cuacax oro xban laj Aarón.

Éxodo 32:21

Ut laj Moisés quixye re laj Aarón: —¿Cꞌaꞌru xeꞌxba̱nu a̱cue nak xaqꞌueheb chi ma̱cobc li tenamit aꞌin?—

Génesis 26:10

Laj Abimelec quixye re laj Isaac: —¿Cꞌaꞌut nak xaba̱nu ke chi joꞌcaꞌin? —¿Cꞌaꞌut nak xoa̱balakꞌi? Cui ta incꞌaꞌ xkanau nak a̱cuixakil lix Rebeca, ma̱re xchapeꞌ raj xban junak li cui̱nk li cuan saꞌ katenamit. Cui xba̱nu raj aꞌin, la̱at raj cuan a̱cue nak xkaba̱nu li ma̱c aꞌin, chan.

Génesis 3:13

Tojoꞌnak li Ka̱cuaꞌ Dios quixye re li ixk: —¿Cꞌaꞌru xaba̱nu?— Ut quichakꞌoc li ixk ut quixye: —Li cꞌantiꞌ xbalakꞌin cue. Xban aꞌan nak xinlou ru li cheꞌ, chan.

Números 25:15

Ut li ixk li quicamsi̱c, aꞌan lix Cozbi lix rabin laj Zur, li nataklan saꞌ xbe̱neb jun chꞌu̱tal laj Madián.

Números 25:17

—Ayukex chi pletic riqꞌuineb laj Madián ut ta̱sach ruheb,

Números 26:1

Nak ac xeꞌcam nabaleb laj Israel xban li caki yajel, li Ka̱cuaꞌ Dios quixye reheb laj Moisés ut laj Eleazar li ralal laj Aarón laj tij:

1 Reyes 11:18

Queꞌel saꞌ li naꞌajej Madián ut queꞌco̱eb Parán. Aran queꞌxjunaji ribeb riqꞌuineb li cuanqueb Parán ut queꞌco̱eb Egipto. Laj faraón quixqꞌue lix chꞌochꞌ laj Hadad. Ut quixqꞌue ajcuiꞌ li rochoch ut lix tzacae̱mkeb.