Números 25:13 - Li Santil hu

¹³ Xakabanbileb chi cꞌanjelac chokꞌ aj tij laj Finees joꞌ eb ajcuiꞌ li ralal xcꞌajol chalen anakcuan ut chi junelic xban nak laj Finees incꞌaꞌ quiraj nak teꞌxqꞌue xlokꞌal li yi̱banbil dios. Quiraj ban nak caꞌaj cuiꞌ la̱in tineꞌxlokꞌoni. Riqꞌuin li cꞌaꞌru quixba̱nu quixtoj rix lix ma̱queb li tenamit, chan li Dios.

Q'eqchi Bible

¹³ tinxaqab' laj Pinjás ut eb' li ralal xk'ajol cho'q aj tij chi junajwa, xb'aan naq tz'aqal xinxra ut kixtoj rix xmaakeb' laj Israel”, chan li Qaawa'.

Números 25:13 ပူးပေါင်းရင်းမြစ်များ

Hebreos 2:17

Xban nak li Jesucristo quicꞌulun chixtenkꞌanquileb li cuanqueb saꞌ ruchichꞌochꞌ tento nak quitzꞌejcualoꞌ joꞌ eb lix herma̱n. Chi ya̱l nak quitzꞌejcualoꞌ re nak ta̱ruxta̱na ku ut tixtoj rix li kama̱c. Li Jesucristo aꞌan lix yucuaꞌil aj tij chi cꞌanjelac chiru li Dios.

1 Pedro 2:5

Ut la̱ex chanchanex li cocꞌ pec li na-oc saꞌ li tzꞌac. Xban li rusilal li Jesucristo, naru texcꞌanjelak chiru li Dios joꞌ eb laj tij li nequeꞌmayejac chiru li Dios. Li mayej li kꞌaxal lokꞌ, aꞌan nak te̱kꞌaxtesi e̱rib saꞌ rukꞌ li Dios. Ut le̱ mayej nacꞌuleꞌ xban li Dios saꞌ xcꞌabaꞌ li Jesucristo.

Jeremías 33:22

La̱in tinqꞌue chi qꞌuia̱nc li ralal xcꞌajol laj David ut tinqꞌueheb chi qꞌuia̱nc li ralal xcꞌajol laj Leví. Chanchanakeb xqꞌuial li chahim ut chanchanakeb xqꞌuial li samaib li cuan chire li palau. Incꞌaꞌ ta̱ru̱k rajlanquileb, chan li Dios.

Jeremías 33:18

Ut teꞌcua̱nk ajcuiꞌ eb li ralal xcꞌajol laj Leví li teꞌcꞌanjelak chicuu chokꞌ aj tij. Rajlal teꞌmayejak chicuu ut teꞌxqꞌue lix cꞌatbil mayej joꞌ ajcuiꞌ li mayej cꞌaj.

Salmos 106:31

Ut li Dios quixqꞌue retal li us li quixba̱nu laj Finees ut tixqꞌue saꞌ xchꞌo̱l chi junelic kꞌe cutan.

Éxodo 40:15

Ta̱yul ajcuiꞌ li aceite saꞌ xjolomeb joꞌ xaba̱nu re laj Aarón lix yucuaꞌeb. Aꞌan retalil nak eb aꞌan teꞌcꞌanjelak ajcuiꞌ chicuu chokꞌ aj tij. Ut aꞌan ajcuiꞌ li retalil nak mokon chic eb li ralal xcꞌajol joꞌ eb ajcuiꞌ li ri xmam teꞌcꞌanjelak chicuu chokꞌ aj tij chalen kꞌe cutan, chan li Dios re laj Moisés.

Apocalipsis 1:6

Aꞌan naqꞌuehoc kacuanquil re tocꞌanjelak chokꞌ aj tij chiru li Acuabej Dios. Lokꞌoninbil taxak li Jesucristo. Nimanbilak taxak ru ut aꞌan taxak chicua̱nk xcuanquil saꞌ xbe̱n chixjunil chi junelic kꞌe cutan. Joꞌcan taxak.

1 Juan 2:2

Li Jesucristo quicam re xtojbal rix li kama̱c. Moco caꞌaj ta cuiꞌ xban li kama̱c la̱o. Quicam aj ban cuiꞌ re xtojbal rix xma̱queb chixjunileb li cuanqueb saꞌ ruchichꞌochꞌ.

1 Pedro 2:9

La̱ex sicꞌbil e̱ru xban li Dios. Sicꞌbil e̱ru chi cꞌanjelac chiru li Dios joꞌ nak nequeꞌcꞌanjelac laj tij. La̱ex lix tenamit li Dios ut santobresinbilex. La̱ex chic ralal xcꞌajol li Dios. Sicꞌbil e̱ru chixyebal resil lix nimal xcuanquilal li Dios. Li Dios quexrisi saꞌ xkꞌojyi̱nal ru li ma̱c ut anakcuan cuanquex chic saꞌ xcutan xsaken.

Hebreos 7:11

Li ralal xcꞌajol laj Leví ut laj Aarón, aꞌaneb li nequeꞌchꞌoloban chiruheb laj Israel lix ya̱lal lix chakꞌrab li Dios li quixye laj Moisés. Abanan chi moco li chakꞌrab chi moco eb laj tij li ta̱ru̱k ta̱colok ke. Cui ta eb laj tij ut li chakꞌrab, incꞌaꞌ raj chic quitakla̱c chak junak aj tij kꞌaxal nim xcuanquil joꞌ nak quicuan laj Melquisedec. Laj tij li quitakla̱c chak ma̱cuaꞌ xcomoneb laj Aarón.

San Juan 2:17

Tojoꞌnak quinak saꞌ xchꞌo̱leb lix tzolom nak tzꞌi̱banbil retalil saꞌ li Santil Hu li naxye chi joꞌcaꞌin: La̱in ninra la̱ cuochoch ut narahoꞌ saꞌ inchꞌo̱l nak nequeꞌxba̱nu li incꞌaꞌ us saꞌ la̱ cuochoch. (Sal. 69:9)

Isaías 61:6

Eb li tenamit teꞌxye nak la̱ex aj tij ut aj cꞌanjel chiru li Ka̱cuaꞌ. La̱ex textzꞌako̱nk riqꞌuin lix biomaleb li jalan tenamit ut e̱re chic lix lokꞌaleb.

Salmos 69:9

Cꞌajoꞌ nak ninra la̱ cuochoch ut nayotꞌeꞌ inchꞌo̱l nak nequeꞌxba̱nu li incꞌaꞌ us saꞌ la̱ cuochoch. Saꞌ inbe̱n quinak la̱ majecuanquil li queꞌxba̱nu eb li queꞌhoboc a̱cue.

1 Reyes 19:14

Laj Elías quichakꞌoc ut quixye: —La̱in narahoꞌ saꞌ inchꞌo̱l xban nak xinqꞌue inchꞌo̱l chi cꞌanjelac cha̱cuu, at nimajcual Dios. Eb li ralal xcꞌajol laj Israel xeꞌxcanab xba̱nunquil li naxye saꞌ li contrato li xaba̱nu riqꞌuineb. Ut xelajeꞌxpoꞌ la̱ artal ut xelajeꞌxcamsi chi chꞌi̱chꞌ eb la̱ profetas. Caꞌaj chic la̱in xincana injunes ut yo̱queb ajcuiꞌ chinsicꞌbal la̱in re tineꞌxcamsi, chan laj Elías.

1 Reyes 19:10

Laj Elías quichakꞌoc ut quixye: —La̱in narahoꞌ saꞌ inchꞌo̱l xban nak xinqꞌue inchꞌo̱l chi cꞌanjelac cha̱cuu, at nimajcual Dios. Eb li ralal xcꞌajol laj Israel xeꞌxcanab xba̱nunquil li naxye saꞌ li contrato li xaba̱nu riqꞌuineb. Ut xelajeꞌxpoꞌ la̱ artal ut xelajeꞌxcamsi chi chꞌi̱chꞌ eb la̱ profetas. Caꞌaj chic la̱in xincana injunes ut yo̱queb ajcuiꞌ chinsicꞌbal la̱in re tineꞌxcamsi, chan laj Elías.

2 Samuel 21:3

Laj David quixye reheb: —¿Chanru naru tinba̱nu usilal e̱re re xtojbal rix li incꞌaꞌ us quixba̱nu laj Saúl? La̱in nacuaj nak te̱tzꞌa̱ma chiru li Dios nak torosobtesi cuiꞌchic, la̱o lix tenamit li Dios, chan.

1 Samuel 2:30

Joꞌcan nak li Ka̱cuaꞌ li nequeꞌxlokꞌoni laj Israel quixye chi joꞌcaꞌin, “Quinye nak eb li ralal xcꞌajol la̱ yucuaꞌ teꞌcꞌanjelak chicuu chokꞌ aj tij chi junelic kꞌe cutan. Abanan anakcuan incꞌaꞌ chic ta̱ru̱k texcꞌanjelak chicuu xban nak la̱in ninqꞌue xlokꞌal li nalokꞌonin cue ut nintzꞌekta̱na li ani natzꞌekta̱nan cue.

Josué 7:12

Joꞌcan nak eb laj Israel incꞌaꞌ teꞌxcuy pletic riqꞌuineb li xicꞌ nequeꞌiloc reheb. Teꞌe̱lelik ban chiruheb xban nak xeꞌxbok raylal saꞌ xbe̱neb xban nak xeꞌxxoc li ac kꞌaxtesinbil re sachecꞌ. La̱in incꞌaꞌ chic tincua̱nk e̱riqꞌuin cui incꞌaꞌ te̱sach ru li cꞌaꞌru xeꞌxxoc.

Números 16:46

Ut laj Moisés quixye re laj Aarón: —Cꞌam la̱ sansar chiru li artal ut ta̱qꞌue li ru xam chi saꞌ ut ta̱qꞌue ajcuiꞌ li pom. Ut ta̱cꞌam chi junpa̱t cuanqueb cuiꞌ li tenamit ut ta̱santobresiheb. Xnumta lix joskꞌil li Dios saꞌ xbe̱neb ut ac xticla li caki yajel, chan.

Éxodo 32:30

Joꞌ cuulajak chic laj Moisés quixye reheb li tenamit: —La̱ex xexma̱cob. Anakcuan tintakekꞌ saꞌ li tzu̱l bar cuan cuiꞌ li Ka̱cuaꞌ Dios. Tintzꞌa̱ma chak e̱cuybal chiru li Dios ut ma̱re ta̱cuyekꞌ e̱ma̱c, chan.

Salmos 119:139

Cꞌajoꞌ nak nachal lin joskꞌil chirilbal nak eb li xicꞌ nequeꞌiloc cue nequeꞌxtzꞌekta̱na la̱ chakꞌrab.

1 Reyes 2:27

Joꞌcan nak li rey Salomón quirisi laj Abiatar chokꞌ aj tij. Arin quitzꞌakloc ru li quixye li Ka̱cuaꞌ aran Silo chirixeb li ralal xcꞌajol laj Elí.

Éxodo 29:9

Ut ta̱qꞌue lix bacꞌbal xsaꞌeb laj Aarón joꞌqueb ajcuiꞌ li ralal ut ta̱qꞌue lix mitra saꞌ xjolomeb. Riqꞌuin aꞌan kꞌaxtesinbilakeb chi cꞌanjelac chicuu chokꞌ aj tij chi junelic.

Números 16:47

Ut laj Aarón quixba̱nu joꞌ quixye laj Moisés. Co̱ saꞌ a̱nil saꞌ xya̱nkeb li tenamit. Ac xticla li caki yajel saꞌ xya̱nkeb. Abanan laj Aarón quixcꞌat li pom re xtojbal rix lix ma̱queb li tenamit.

Números 25:14

Li cui̱nk aj Israel li quicamsi̱c rochben li ixk aj Madián, aꞌan laj Zimri li ralal laj Salu, li quitaklan saꞌ xbe̱neb li ralal xcꞌajol laj Simeón.

Nehemías 13:29

At inDios, chaqꞌue taxak retal eb laj tij li xeꞌxmux ru lix cꞌanjeleb ut queꞌxkꞌet li contrato li caba̱nu riqꞌuineb laj tij ut riqꞌuineb laj levita.

Malaquías 2:8

—Abanan la̱ex xecanab xba̱nunquil li us joꞌ queꞌxba̱nu le̱ xeꞌto̱nil yucuaꞌ. Ut e̱ma̱c la̱ex nak nabaleb xeꞌxcanab xba̱nunquil li naxye saꞌ li chakꞌrab. Riqꞌuin aꞌan la̱ex xetzꞌekta̱na li contrato li quinba̱nu riqꞌuin laj Leví.

Levítico 15:15

Ut laj tij tixmayejaheb. Li jun tixmayeja re xtzꞌa̱manquil xcuybal xma̱c li cui̱nk. Ut li jun chic tixmayeja re lix cꞌatbil mayej. Joꞌcaꞌin tixba̱nu laj tij re nak li cui̱nk ta̱santobresi̱k chiru li Ka̱cuaꞌ riqꞌuin lix yajel.

Números 17:12

Abanan eb laj Israel queꞌxye re laj Moisés: —La̱o toca̱mk. Osocꞌ ke. Ta̱sachekꞌ ku.