Números 24:9 - Li Santil hu

⁹ Eb laj Israel chanchaneb li cakcoj. Nak nequeꞌoc chi hila̱nc, ma̱ ani naru na-ajsin reheb. Osobtesinbilakeb li teꞌxtzꞌa̱ma rosobtesinquileb laj Israel. Ut tzꞌekta̱nanbilakeb li teꞌxtzꞌa̱ma ma̱usilal saꞌ xbe̱neb, chan laj Balaam.

Q'eqchi Bible

⁹ Nahilank ut nawark, jo' li kaqkoj. Ani taawaklesinq re? Osob'tesinb'ilaq li taa'osob'tesinq aawe! Majewanb'ilaq li taamajewanq aawe!”.

Números 24:9 ပူးပေါင်းရင်းမြစ်များ

Génesis 12:3

Yalak ani ta̱ba̱nu̱nk usilal a̱cue, tinba̱nu ajcuiꞌ usilal re la̱in. Li ani ta̱tzꞌekta̱na̱nk a̱cue, la̱in tintzꞌekta̱naheb ajcuiꞌ aꞌan. Saꞌ a̱cꞌabaꞌ la̱at, tincuosobtesiheb chixjunileb li cristian li teꞌcua̱nk saꞌ ruchichꞌochꞌ, chan li Dios re laj Abram.

Génesis 27:29

Nimak taxak la̱ cuanquil saꞌ xbe̱neb lix ni̱nkal tenamit. Joꞌ ajcuiꞌ saꞌ xbe̱neb la̱ cuechꞌalal. Eb li ralal xcꞌajol la̱ naꞌ oxlokꞌ taxak tateꞌril. Li ani ta̱tzꞌekta̱na̱nk a̱cue, tzꞌekta̱nanbilak ajcuiꞌ aꞌan. Ut ani ta̱ba̱nu̱nk usilal a̱cue, usilal ajcuiꞌ ta̱uxk re aꞌan, chan laj Isaac.

Génesis 49:9

La̱at, Judá, la̱at joꞌ ral jun li cakcoj li cau rib chiru chixjunileb li xul. Joꞌcan nak nacatinjuntakꞌe̱ta riqꞌuin li cakcoj xban nak cau a̱cuib. Li cakcoj naxchap li xul ut naxtiu ut natakeꞌ saꞌ li tzu̱l, ut aran nabuchla chak ut ma̱ ani naru nachꞌeꞌoc re.

Números 23:24

Eb laj Israel kꞌaxal cauhak ribeb. Incꞌaꞌ teꞌhila̱nk toj teꞌnumta̱k saꞌ xbe̱neb li xicꞌ nequeꞌiloc reheb joꞌ li cakcoj li incꞌaꞌ nahilan toj nak ac xchap lix tib ut xtiu ut xrucꞌ lix quiqꞌuel, chan laj Balaam.

San Mateo 25:45

Ut la̱in li Rey tinchakꞌok ut tinye reheb: “Relic chi ya̱l tinye e̱re, xban nak incꞌaꞌ quetenkꞌaheb li nequeꞌpa̱ban cue li ma̱cꞌaꞌeb xcuanquil, incꞌaꞌ ajcuiꞌ quine̱tenkꞌa la̱in,” chaꞌkin reheb.

San Mateo 25:40

Ut la̱in tinchakꞌok ut tinye reheb: “Relic chi ya̱l tinye e̱re, cui queba̱nu aꞌin re junak li nequeꞌpa̱ban cue, usta cubenak xcuanquil, cue ajcuiꞌ la̱in queba̱nu chak.”

Hechos 9:5

Laj Saulo quixye: —¿Anihat la̱at, at Ka̱cuaꞌ?— Ut li yo̱ chi a̱tinac quixye: —La̱in li Jesús li xicꞌ yo̱cat chirilbal. Yo̱cat chixtacuasinquil a̱cuib nak xicꞌ yo̱cat chicuilbal, chan.

Salmos 122:6

Chextzꞌa̱ma̱nk chiru li Dios re nak ta̱cua̱nk li tuktu̱quil usilal saꞌ le̱ tenamit Jerusalén. Ut us taxak cheꞌe̱lk eb li nequeꞌrahoc re le̱ tenamit.

Salmos 2:12

Cheqꞌuehak xlokꞌal li Cꞌajolbej re nak incꞌaꞌ ta̱joskꞌokꞌ li Dios saꞌ e̱be̱n. Cheqꞌuehak xlokꞌal re nak incꞌaꞌ ta̱cha̱lk li ca̱mc saꞌ e̱be̱n saꞌ xkꞌehil li rakba a̱tin xban nak aꞌan saꞌ junpa̱t nachal xjoskꞌil. Us xak reheb chixjunileb li nequeꞌxcꞌojob xchꞌo̱l riqꞌuin li Dios.

Li xHu LAJ JOB 41:10

Nak nequeꞌxchikꞌ xjoskꞌil li xul Leviatán, cꞌajoꞌ nak najoskꞌoꞌ. Ma̱ ani naru naxcol rib chiru. ¿Ma cuan ta biꞌ junak ta̱ru̱k tixcol rib chicuu la̱in?

Éxodo 23:22

Cui la̱ex te̱rabi li cꞌaꞌru naxye e̱re ut te̱ba̱nu chi tzꞌakal li cꞌaꞌru xinye la̱in, la̱in xicꞌ teꞌcuil li xicꞌ nequeꞌiloc e̱re. Ut tinba̱nu raylal reheb li nequeꞌxba̱nu raylal e̱re la̱ex.

Números 22:6

La̱in nacuaj nak tatcha̱lk arin re ta̱tzꞌa̱ma ma̱usilal saꞌ xbe̱neb li cristian aꞌan xban nak kꞌaxal nabaleb ut cauheb rib chiku la̱o. Cui ta̱ba̱nu chi joꞌcan, ma̱re ta̱ru̱k takisiheb saꞌ li kanaꞌaj. La̱in ninnau nak li ani nacatzꞌa̱ma rosobtesinquil, osobtesinbil chic nacana. Ut li ani nacatzꞌa̱ma ma̱usilal saꞌ xbe̱n, ma̱usilanbil chic nacana, chan lix reyeb laj Moab.

Números 22:12

Ut li Dios quixye re: —Matxic chirixeb chi moco ta̱tzꞌa̱ma ma̱usilal saꞌ xbe̱neb li tenamit aꞌan xban nak osobtesinbileb inban, chan li Ka̱cuaꞌ.

Números 24:10

Cꞌajoꞌ nak quijoskꞌoꞌ laj Balac nak quirabi li quixye laj Balaam. Quixpokle li rukꞌ ut quixye re laj Balaam: —Xatinbok re nak ta̱tzꞌa̱ma ma̱usilal saꞌ xbe̱neb li xicꞌ nequeꞌiloc cue. Abanan la̱at xatzꞌa̱ma rosobtesinquileb oxib sut.

Isaías 31:4

Li Ka̱cuaꞌ quixye cue chi joꞌcaꞌin: —La̱in tinpletik re xcolbal rix lin tenamit saꞌ li tzu̱l Sión. Ma̱ ani ta̱ru̱k ta̱ramok chicuu joꞌ jun li cakcoj naxcol rix lix tib li ac xchap. Usta japjo̱queb re laj ilol re li xul chixcolbal lix carner, li cakcoj incꞌaꞌ ta̱xucuak.

Miqueas 5:8

Ut eb laj Israel, li joꞌ qꞌuial chic li incꞌaꞌ teꞌosokꞌ, aꞌanakeb li kꞌaxal cauhakeb rib saꞌ xya̱nkeb chixjunileb li tenamit. Chanchanakeb li cakcoj li kꞌaxal cau rib saꞌ xya̱nkeb chixjunileb li xul saꞌ qꞌuicheꞌ. Ma̱ ani ta̱ru̱k tixcol rib chiruheb laj Israel. Chanchanakeb li ral cakcoj nak na-oc saꞌ xya̱nkeb li carner ut naxchap jun ut naxpedasi ut ma̱ ani naru nacoloc re chiru.

Deuteronomio 30:7

Ut li Ka̱cuaꞌ le̱ Dios tixtakla chixjunil li raylal aꞌin saꞌ xbe̱neb li xicꞌ nequeꞌiloc e̱re, li nequeꞌrahobtesin e̱re.

1 Reyes 10:20

Ut saꞌ xbe̱neb li takleba̱l yi̱banbileb retalil cablaju li cakcoj. Junju̱nk saꞌ xcaꞌ pacꞌalil. Ma̱ jun reheb li tenamit queꞌxyi̱b jun li cꞌojariba̱l joꞌ li cꞌojariba̱l aꞌan.

2 Crónicas 9:18

Li cꞌojariba̱l aꞌan cuan cuakib tasal lix takleba̱l. Ut lix naꞌaj li rok, aꞌan yi̱banbil riqꞌuin oro. Xcaꞌ pacꞌalil cuan xnaꞌaj li rukꞌ. Ut xcaꞌ pacꞌalil xnaꞌaj li rukꞌ cuan retalil li cakcoj.

Ester 6:13

Nak quicuulac saꞌ rochoch, quixserakꞌi chixjunil li quixcꞌul re lix Zeres li rixakil ut reheb ajcuiꞌ li rami̱g li nequeꞌqꞌuehoc xnaꞌleb. Ut eb aꞌan queꞌxye re: —Xatiquib xsachbal la̱ cuanquil chiru laj Mardoqueo. Xban nak aꞌan aj judío la̱at incꞌaꞌ naru tatnumta̱k saꞌ xbe̱n. Aꞌan ban ta̱numta̱k saꞌ a̱be̱n la̱at, chanqueb.