Números 24:7 - Li Santil hu

⁷ Cua̱nk tzꞌakal lix haꞌeb. Tzꞌakalak lix haꞌeb re teꞌrucꞌ ut re teꞌxtꞌakresi li racui̱mkeb. Ut nima̱k xcuanquil lix reyeb chiru lix cuanquil li rey Agag. Qꞌuebilak xlokꞌal lix cuanquil.

Q'eqchi Bible

⁷ Wanq tz'aqal li xha'eb'; tz'aqalaq re te'ruk' ut te'xt'aqresi li rawimqeb'. Li awab'ej re Israel taa'awab'ejinq sa' xb'een laj Agag, ut nimaq xwankil li x'awab'ejihom.

Números 24:7 ပူးပေါင်းရင်းမြစ်များ

1 Crónicas 14:2

Ut laj David quixtau ru nak li Dios, aꞌan li quixakaban re saꞌ xnaꞌaj lix cuanquilal saꞌ xya̱nkeb laj Israel. Ut quixtau ajcuiꞌ ru nak li Dios quixnimobresi xcuanquil xban nak naxraheb lix tenamit Israel.

2 Samuel 5:12

Ut laj David quixtau ru nak li Dios, aꞌan li quisicꞌoc ru chokꞌ rey ut chi takla̱nc saꞌ xya̱nkeb laj Israel. Ut quixtau ajcuiꞌ xya̱lal nak li Dios quixnimobresi xcuanquil xban nak naxraheb lix tenamit Israel.

Apocalipsis 17:1

Ut jun reheb li cuukub chi ángel, li cuanqueb li cuukub chi secꞌ riqꞌuineb, quixye cue: —Quim arin. Tincꞌut cha̱cuu jun li ixk li naxcꞌayi rib chunchu saꞌ xbe̱n li haꞌ retalil li nimal tenamit Babilonia li cuan xcuanquil saꞌ xbe̱neb nabal chi tenamit. Tincꞌut cha̱cuu li tojba ma̱c li xchal saꞌ xbe̱n li tenamit aꞌan xban li ma̱usilal nequeꞌxba̱nu.

Jeremías 51:13

La̱ex aj Babilonia, li sutsu le̱ tenamit xbaneb li nimaꞌ, ta̱sachekꞌ e̱ru. Nabal le̱ biomal, abanan xcuulac xkꞌehil nak tex-osokꞌ.

Apocalipsis 19:16

Tzꞌi̱banbil xcꞌabaꞌ chiru li rakꞌ ut chiru li raꞌ. Aꞌan aꞌin lix cꞌabaꞌ: Li Rey li kꞌaxal nim xcuanquil saꞌ xbe̱neb chixjunileb li rey. Li Ka̱cuaꞌ, li kꞌaxal nim xcuanquil saꞌ xbe̱neb chixjunileb li nequeꞌtaklan.

Apocalipsis 17:15

Quixye cue li ángel: —Li haꞌ li xacuil li chunchu cuiꞌ li ixk, aꞌan retalileb li xni̱nkal ru tenamit, aꞌ yal ani xte̱paleb xxeꞌto̱nil yucuaꞌeb, ut aꞌ yal chanru li ra̱tinoba̱leb.

Apocalipsis 11:15

Ut li xcuuk ángel quixya̱basi lix trompeta. Ut qui-abi̱c nabal li xya̱b cux saꞌ choxa. Yo̱queb chixyebal chi cau: Anakcuan teꞌcana̱k rubel xcuanquil li Ka̱cuaꞌ chixjunileb li cuanqueb saꞌ ruchichꞌochꞌ. Aꞌ chic li Ka̱cuaꞌ Dios ut li Cristo teꞌtakla̱nk saꞌ xbe̱neb chixjunileb chi junelic kꞌe cutan, chanqueb.

San Juan 1:49

Quichakꞌoc laj Natanael ut quixye re: —At tzolonel, la̱at li Ralal li Dios. La̱at lix Reyeb laj Israel, chan re li Jesús.

Daniel 2:44

Ut saꞌ eb li cutan aꞌan li Dios cuan saꞌ choxa tixxakab jun chic li kꞌaxal nim xcuanquil ut ma̱ ani ta̱ru̱k ta̱numta̱k saꞌ xbe̱n. Aꞌan ta̱sachok re chixjunileb li cuanqueb xcuanquil ut ma̱cꞌaꞌak rosoꞌjic aꞌan.

Isaías 48:1

Cherabihak la̱ex li ralal xcꞌajol laj Jacob, li nequecꞌabaꞌin Israel. La̱ex xcomonex li ralal xcꞌajol laj Judá. La̱ex li nequeba̱nu li juramento saꞌ xcꞌabaꞌ li Ka̱cuaꞌ ut nequextijoc saꞌ xcꞌabaꞌ li Dios. Nequeya̱ba xcꞌabaꞌ li Ka̱cuaꞌ lix Dioseb laj Israel. Abanan incꞌaꞌ nequeba̱nu saꞌ xya̱lal, chi moco saꞌ ti̱quilal.

Isaías 9:7

Ta̱nima̱k lix nimajcual cuanquilal ut li tuktu̱quil usilal ma̱cꞌaꞌak rosoꞌjic. Ta̱cꞌojla̱k saꞌ xcꞌojariba̱l laj David ut tixxakab lix cuanquil saꞌ xya̱lal ut saꞌ ti̱quilal chalen anakcuan ut chi junelic. Li nimajcual Dios tixba̱nu chi joꞌcaꞌin xban nak joꞌcan quiraj.

Isaías 2:2

Saꞌ rosoꞌjiqueb li cutan ta̱cuulak xkꞌehil nak ta̱cꞌulma̱nk chi joꞌcaꞌin: Li tzꞌakal rochoch li Ka̱cuaꞌ li cuan saꞌ li tzu̱l aꞌanak li kꞌaxal nim xcuanquil saꞌ xbe̱n chixjunileb ut aꞌan li ta̱jolomi̱nk reheb. Ut nabaleb li cua̱nkeb saꞌ ruchichꞌochꞌ teꞌcuulak aran.

Salmos 68:26

Chelokꞌoni li Ka̱cuaꞌ che̱junilex la̱ex aj Israel. Cheqꞌuehak xlokꞌal li Ka̱cuaꞌ nak chꞌutchꞌu̱quex.

Salmos 18:43

La̱at xatcoloc cue chiruheb li yo̱queb chi pletic cuiqꞌuin. La̱at xina̱xakab chi takla̱nc saꞌ xbe̱neb chixjunileb li tenamit ut nequeꞌcꞌanjelac chicuu li toj ma̱jiꞌ ninnau ruheb.

Esdras 4:20

Eb li rey li queꞌcuan aran Jerusalén kꞌaxal ni̱nkeb xcuanquil. Queꞌtaklan saꞌ eb li naꞌajej li cuanqueb jun pacꞌal li nimaꞌ. Ut queꞌxqꞌue xtojeb ut queꞌxtoj rix li cꞌaꞌak re ru tento xtojbal.

1 Reyes 4:21

Laj Salomón cuan xcuanquil saꞌ chixjunil li naꞌajej li naticla cuan cuiꞌ li nimaꞌ Éufrates ut nacuulac toj cuanqueb cuiꞌ laj filisteo ut nacuulac toj saꞌ li nuba̱l re li tenamit Egipto. Eb aꞌan cuanqueb rubel xcuanquil li rey Salomón ut nequeꞌxtoj chiru li rey li joꞌ qꞌuial tento xtojbal joꞌ najtil yoꞌyo.

Números 24:20

Ut laj Balaam qui-iloc saꞌ xjayal lix tenamit laj Amalec ut quixye li cꞌaꞌru teꞌxcꞌul. Quixye: —Laj Amalec, aꞌan li kꞌaxal nim xcuanquil saꞌ xya̱nkeb li xni̱nkal ru tenamit. Abanan ta̱sachekꞌ ru chi junaj cua.—

Salmos 89:27

La̱in tinqꞌue xlokꞌal aꞌan joꞌ nak naqꞌueheꞌ xlokꞌal junak xbe̱n alalbej ut aꞌan nimak xcuanquil chiruheb chixjunileb li rey li cuanqueb saꞌ ruchichꞌochꞌ.

1 Reyes 5:1

Laj Hiram lix reyeb laj Tiro quirabi resil nak laj Salomón quixakaba̱c chokꞌ rey chokꞌ re̱kaj laj David lix yucuaꞌ. Joꞌcan nak quixtakla lix takl riqꞌuin. Laj Hiram junelic naxra laj David.

Ester 3:1

Mokon chic li rey Asuero quixqꞌue xcuanquil laj Amán chi takla̱nc saꞌ xbe̱neb chixjunileb li nequeꞌtaklan saꞌ eb li tenamit. Laj Amán aꞌan li ralal laj Hamedata, xcomoneb aj agagueo.

Salmos 72:11

Chixjunileb li rey teꞌxcuikꞌib ribeb chiru ut teꞌcꞌanjelak chiru chixjunileb li tenamit.

Isaías 30:25

Nak ta̱cuulak xkꞌehil nak teꞌcamsi̱k eb li xicꞌ nequeꞌiloc e̱re, ta̱cua̱nk cuiꞌchic li haꞌ saꞌ eb li nimaꞌ li cuanqueb saꞌ eb li xbe̱n bol ut saꞌ eb li xbe̱n tzu̱l.