Números 23:26 - Li Santil hu

²⁶ Ut laj Balaam quixye re: —¿Ma incꞌaꞌ ta biꞌ xinye a̱cue nak li cꞌaꞌru tixye cue li Ka̱cuaꞌ Dios, aꞌan tinba̱nu? chan.

Q'eqchi Bible

²⁶ Kichaq'ok laj Balaham ut kixye: “Ma ink'a' tab'i' xinye aawe naq tinb'aanu chixjunil li tixye we li Qaawa'?”, chan.

Números 23:26 ပူးပေါင်းရင်းမြစ်များ

Hechos 5:29

Laj Pedro, joꞌqueb ajcuiꞌ li rech apostolil, queꞌchakꞌoc ut queꞌxye: —¿Ma takakꞌet li cꞌaꞌru naxye li Dios ut takapa̱b li cꞌaꞌru nequeꞌxye li cui̱nk? Incꞌaꞌ. Tento takapa̱b li cꞌaꞌru naxye li Dios.

Números 22:18

Abanan laj Balaam quixye reheb: —Usta laj Balac tixqꞌue cue li rochoch nujenak riqꞌuin plata ut oro, abanan la̱in incꞌaꞌ tinkꞌet ra̱tin li Ka̱cuaꞌ lin Dios. Incꞌaꞌ tinkꞌet li ra̱tin riqꞌuin xba̱nunquil li us, chi moco riqꞌuin xba̱nunquil li incꞌaꞌ us.

2 Crónicas 18:13

Abanan laj Micaías quixye: —Saꞌ xcꞌabaꞌ li yoꞌyo̱quil Dios, la̱in tinye reheb li cꞌaꞌru tixye cue li Ka̱cuaꞌ lin Dios, chan. Ut co̱ riqꞌuin li rey.

Números 22:38

Quichakꞌoc laj Balaam ut quixye: —Arin cuanquin anakcuan. Abanan incꞌaꞌ naru tina̱tinak yal injunes. Tento nak tinye li cꞌaꞌru naxcꞌut chicuu li Ka̱cuaꞌ, chan.

1 Reyes 22:14

Abanan laj Micaías quixye: —Saꞌ xcꞌabaꞌ li yoꞌyo̱quil Dios, la̱in tinye reheb li cꞌaꞌru tixye cue li Ka̱cuaꞌ, chan.

Números 23:25

Laj Balac quixye re laj Balaam: —Cui incꞌaꞌ naru ta̱tzꞌa̱ma ma̱usilal saꞌ xbe̱neb, chi moco rosobtesinquileb ta̱tzꞌa̱ma, chan.

Números 23:27

Laj Balac quixye re laj Balaam: —La̱in nintzꞌa̱ma cha̱cuu nak tatxic chicuix saꞌ jalan chic naꞌajej. Ma̱re saꞌ li naꞌajej aꞌan li Ka̱cuaꞌ Dios tatxcanab chixtzꞌa̱manquil ma̱usilal saꞌ xbe̱neb, chan.

Números 23:3

Laj Balaam quixye re laj Balac: —Cana̱kat arin chixcꞌatk la̱ mayej. La̱in xic cue. Ma̱re li Ka̱cuaꞌ ta̱a̱tinak cuiqꞌuin. Li cꞌaꞌru tixye cue, la̱in tinye a̱cue, chan. Ut laj Balaam co̱ toj saꞌ xbe̱n jun li tzu̱l ma̱cꞌaꞌ cuan chiru.

Números 23:17

Ut laj Balaam quisukꞌi saꞌ li naꞌajej li xakxo cuiꞌ laj Balac chixcꞌatk lix cꞌatbil mayej. Cuanqueb rochben li nequeꞌtenkꞌan re chi takla̱nc. Laj Balac quixye re: —¿Cꞌaꞌru xye a̱cue li Ka̱cuaꞌ? chan.