Números 23:24 - Li Santil hu

²⁴ Eb laj Israel kꞌaxal cauhak ribeb. Incꞌaꞌ teꞌhila̱nk toj teꞌnumta̱k saꞌ xbe̱neb li xicꞌ nequeꞌiloc reheb joꞌ li cakcoj li incꞌaꞌ nahilan toj nak ac xchap lix tib ut xtiu ut xrucꞌ lix quiqꞌuel, chan laj Balaam.

Q'eqchi Bible

²⁴ Il li tenamit a'in: yo chi wakliik jo' jun li ixqi kaqkoj, naxxaqab' rib' jo' li teelom kaqkoj li ink'a' nahilank toj toxtaw li xtzak ut taaruk' xkik'el li xkames”.

Números 23:24 ပူးပေါင်းရင်းမြစ်များ

Génesis 49:9

La̱at, Judá, la̱at joꞌ ral jun li cakcoj li cau rib chiru chixjunileb li xul. Joꞌcan nak nacatinjuntakꞌe̱ta riqꞌuin li cakcoj xban nak cau a̱cuib. Li cakcoj naxchap li xul ut naxtiu ut natakeꞌ saꞌ li tzu̱l, ut aran nabuchla chak ut ma̱ ani naru nachꞌeꞌoc re.

Génesis 49:27

Ut la̱at, Benjamín, tatinjuntakꞌe̱ta riqꞌuin li joskꞌ aj xoj xban nak la̱at joꞌ eb la̱ cualal a̱cꞌajol nabal li pletic te̱ba̱nu riqꞌuineb li xicꞌ teꞌilok e̱re. Ekꞌela texxic chi pletic ut ecuu te̱jeqꞌui li cꞌaꞌru te̱makꞌ chak chiruheb nak texpletik, chan laj Israel.

Apocalipsis 5:5

Ut jun reheb li chunchu̱queb saꞌ li ca̱hib xcaꞌcꞌa̱l chi cꞌojariba̱l quixye cue: —Matya̱bac xban nak cuan jun ta̱ru̱k tixte li hu aꞌin. Cuan jun aj Judá chanchan li cakcoj. Aꞌan xcomoneb li ralal xcꞌajol li rey David. Aꞌan xcꞌulub risinquil li cuukub chi sello ut xcꞌulub xtebal li hu xban nak aꞌan quixcuy xnumsinquil li ra xi̱cꞌ, chan.

Zacarías 12:6

Saꞌ eb li cutan aꞌan la̱in tinqꞌueheb xcuanquil laj cꞌamol be saꞌ xya̱nkeb li ralal xcꞌajol laj Judá re nak teꞌnumta̱k saꞌ xbe̱neb chixjunileb li cuanqueb chi xjun sutam. Eb laj Judá chanchanakeb li ru xam li nacꞌatoc re li siꞌ. Chanchanakeb li xam li nanak saꞌ xya̱nk li qꞌuim li nacꞌat saꞌ junpa̱t. Eb laj Judá teꞌxsach ruheb li cuanqueb chi xjun sutam ut teꞌcua̱nk cuiꞌchic saꞌ lix naꞌajeb aran Jerusalén.

Números 24:17

La̱in quicuil saꞌ visión li cꞌaꞌru ta̱cꞌulma̱nk saꞌ xya̱nkeb laj Israel saꞌ eb li cutan teꞌcha̱lk. Ta̱cua̱nk jun li rey saꞌ xya̱nkeb li ralal xcꞌajol laj Jacob. Chanchanak jun li chahim. Ta̱numta̱k saꞌ xbe̱neb li ralal xcꞌajol laj Moab ut tixsach ruheb li ralal xcꞌajol laj Set.

Nahum 2:11

¿Cꞌaꞌru xcꞌul li tenamit Nínive? Junxil chanchan xnaꞌajeb li cakcoj. X-osoꞌ lix naꞌajeb. ¿Ma incꞌaꞌ ta biꞌ chanchaneb li cakcoj nak queꞌcuan? Eb aꞌan ma̱ ani queꞌxxucua ru ut ma̱ ani naru naseꞌbesin reheb.

Amós 3:8

¿Ani ta biꞌ incꞌaꞌ ta̱xucuak nak tixjap re li cakcoj? Cui nequeꞌxucuac xban li cakcoj nak naxjap re, ¿ma tojaꞌ ta chic incꞌaꞌ teꞌxucuak chiru li Dios? Cui junak ta̱a̱tina̱k xban li Ka̱cuaꞌ, ¿ma incꞌaꞌ ta biꞌ tixye resil li cꞌaꞌru quicꞌutbesi̱c chiru?

Daniel 2:44

Ut saꞌ eb li cutan aꞌan li Dios cuan saꞌ choxa tixxakab jun chic li kꞌaxal nim xcuanquil ut ma̱ ani ta̱ru̱k ta̱numta̱k saꞌ xbe̱n. Aꞌan ta̱sachok re chixjunileb li cuanqueb xcuanquil ut ma̱cꞌaꞌak rosoꞌjic aꞌan.

Isaías 31:4

Li Ka̱cuaꞌ quixye cue chi joꞌcaꞌin: —La̱in tinpletik re xcolbal rix lin tenamit saꞌ li tzu̱l Sión. Ma̱ ani ta̱ru̱k ta̱ramok chicuu joꞌ jun li cakcoj naxcol rix lix tib li ac xchap. Usta japjo̱queb re laj ilol re li xul chixcolbal lix carner, li cakcoj incꞌaꞌ ta̱xucuak.

Proverbios 30:30

Lix be̱n, aꞌan li cakcoj li kꞌaxal cau rib saꞌ xya̱nkeb li xul. Ut ma̱ ani naxxucua ru.

Salmos 17:12

Chanchaneb li cakcoj nak teꞌraj inchapbal. Ut chanchaneb li ral li cakcoj li yo̱queb chiroybeninquil lix tibeb saꞌ lix naꞌajeb.

Deuteronomio 33:20

Laj Moisés quixye chirixeb li ralal xcꞌajol laj Gad: Lokꞌoninbilak taxak li Ka̱cuaꞌ li quixnimobresi lix naꞌajeb li ralal xcꞌajol laj Gad. Chanchaneb li cakcoj li yo̱ chiroybeninquil li ani tixchap re ta̱risi lix tel malaj ut lix jolom.

Números 23:25

Laj Balac quixye re laj Balaam: —Cui incꞌaꞌ naru ta̱tzꞌa̱ma ma̱usilal saꞌ xbe̱neb, chi moco rosobtesinquileb ta̱tzꞌa̱ma, chan.

Nahum 2:12

Junxil cauheb rib laj Nínive. Queꞌcamsin ut queꞌxba̱nu li joꞌ qꞌuial queꞌraj. Chanchaneb li cakcoj li naxchap lix tib ut naxjeqꞌui re li ixki cakcoj ut reheb li cocꞌ ral. Queꞌnujac lix naꞌajeb riqꞌuin li cꞌaꞌru queꞌxchap. Joꞌcan ajcuiꞌ queꞌxba̱nu eb laj Nínive.

1 Reyes 10:20

Ut saꞌ xbe̱neb li takleba̱l yi̱banbileb retalil cablaju li cakcoj. Junju̱nk saꞌ xcaꞌ pacꞌalil. Ma̱ jun reheb li tenamit queꞌxyi̱b jun li cꞌojariba̱l joꞌ li cꞌojariba̱l aꞌan.

2 Crónicas 9:18

Li cꞌojariba̱l aꞌan cuan cuakib tasal lix takleba̱l. Ut lix naꞌaj li rok, aꞌan yi̱banbil riqꞌuin oro. Xcaꞌ pacꞌalil cuan xnaꞌaj li rukꞌ. Ut xcaꞌ pacꞌalil xnaꞌaj li rukꞌ cuan retalil li cakcoj.