Números 23:23 - Li Santil hu

²³ Ma̱ ani naru ta̱tu̱la̱nk reheb chi moco laj kꞌe ta̱ru̱k tixba̱nu ma̱usilal reheb. Anakcuan eb li tenamit teꞌxye “Qꞌuehomak retal chanru nak li Dios quirosobtesiheb laj Israel, li ralal xcꞌajol laj Jacob.”

Q'eqchi Bible

²³ Maak'a' na'ok wi' laj q'e rik'ineb' laj Jakob, chi moko laj tuul rik'ineb' laj Israel. Sa' xq'ehil taayeemanq reheb' laj Jakob ut laj Israel li k'aru naxb'aanu li Qaawa'.

Números 23:23 ပူးပေါင်းရင်းမြစ်များ

Josué 13:22

Nabaleb li cristian li queꞌcamsi̱c xbaneb laj Israel. Saꞌ xya̱nkeb aꞌan, cuan laj Balaam laj kꞌe, li ralal laj Beor.

San Mateo 12:27

Cui ut saꞌ xcꞌabaꞌ laj tza nacuisiheb li ma̱us aj musikꞌej, ¿ani saꞌ aj cꞌabaꞌ nequeꞌisin ma̱us aj musikꞌej li nequeꞌta̱ken e̱re? Joꞌcan nak aꞌaneb ajcuiꞌ teꞌyehok re nak incꞌaꞌ ya̱l li yo̱quex chixyebal.

Salmos 64:9

Ut chixjunileb teꞌxucuak ut teꞌxqꞌue retal lix cuanquilal li Dios ut teꞌxye resil li cꞌaꞌru quixba̱nu.

Romanos 16:20

Ut li Ka̱cuaꞌ Dios, li naqꞌuehoc li tuktu̱quil usilal, aꞌan tixsach xcuanquil laj tza ut textenkꞌa re nak la̱ex chic texnumta̱k saꞌ xbe̱n. Li rusilal li Ka̱cuaꞌ Jesucristo chicua̱nk e̱riqꞌuin.

Números 24:1

Ut laj Balaam naxnau nak li Ka̱cuaꞌ ta̱raj ta̱rosobtesiheb laj Israel. Joꞌcan nak incꞌaꞌ chic co̱ chi kꞌehi̱nc joꞌ quixba̱nu xcaꞌ sut. Quixsukꞌisi ban rib ut qui-iloc saꞌ li chaki chꞌochꞌ.

Apocalipsis 12:9

Quicuteꞌ saꞌ ruchichꞌochꞌ xban li Dios li joskꞌ aj dragón. Li dragón, aꞌan li cꞌantiꞌ li ac cuan ajcuiꞌ chak najter. Aꞌan laj tza li nabalakꞌin reheb li cuanqueb saꞌ ruchichꞌochꞌ. Satanás nayeman re. Quicuteꞌ saꞌ ruchichꞌochꞌ laj tza ut queꞌcuteꞌ ajcuiꞌ li ángel li queꞌta̱ken re.

Hechos 10:38

Ac e̱rabiom resil li Jesucristo aj Nazaret. Li Dios quixqꞌue li Santil Musikꞌej re, ut quixqꞌue xcuanquil. Aꞌan quibe̱c yalak bar chixba̱nunquil li usilal ut chixqꞌuirtesinquileb li tacuasinbileb xban laj tza xban nak li Dios cuan riqꞌuin.

San Mateo 16:18

Ut la̱in ninye a̱cue nak la̱at laj Pedro. Ut saꞌ xbe̱n li sako̱nac aꞌin la̱in tincabla lin iglesia ut laj tza ma̱cꞌaꞌak xcuanquil saꞌ xbe̱n.

Miqueas 7:15

Ut chacꞌut ta ajcuiꞌ chiku li sachba chꞌo̱lej joꞌ caba̱nu chak junxil nak coa̱cuisi chak saꞌ li naꞌajej Egipto.

Hechos 4:16

Ut queꞌxye: —¿Cꞌaꞌru takaba̱nu riqꞌuineb li cui̱nk aꞌin? Chixjunileb li tenamit arin Jerusalén nequeꞌxnau nak tzꞌakal milagro queꞌxba̱nu re li cui̱nk. La̱o incꞌaꞌ naru takaye nak incꞌaꞌ ya̱l aꞌan.

San Mateo 12:25

Li Jesús quixnau li cꞌaꞌru yo̱queb chixcꞌoxlanquil ut quixye reheb: —Cui cuan jun te̱pak chi tenamit xicꞌ teꞌril rib chi ribileb rib, li jun te̱p chi tenamit aꞌan tixsach xcuanquil xjunes rib. Ut cui cuan ta jun cabalak xicꞌ teꞌril rib chi ribileb rib, li jun cabal aꞌan teꞌxsach xcuanquil lix jun cablal.

Isaías 41:4

¿Ani li quiba̱nun re chixjunil aꞌin? ¿Ani li ya̱l re saꞌ xbe̱n li ruchichꞌochꞌ chalen saꞌ xticlajic? La̱in li Ka̱cuaꞌ. Ac cuanquin chak saꞌ xticlajic ut cua̱nkin ajcuiꞌ toj saꞌ rosoꞌjic. La̱in li Dios quinba̱nun re chixjunil.

Hechos 5:12

Rajlal nequeꞌxchꞌutub ribeb saꞌ xmu li templo chixjunileb laj pa̱banel cuan cuiꞌ li oqueba̱l Salomón xcꞌabaꞌ. Nabal li milagro queꞌxba̱nu eb li apóstol ut nabal li sachba chꞌo̱lej.

Salmos 31:19

At Ka̱cuaꞌ, kꞌaxal nim la̱ cuusilal saꞌ xbe̱neb li nequeꞌlokꞌonin a̱cue. Nacꞌutun chiruheb chixjunileb nak cha̱bilat riqꞌuineb li nequeꞌqꞌuehoc a̱lokꞌal.

Hechos 15:12

Queꞌxcanab a̱tinac chixjunileb li chꞌutchꞌu̱queb aran ut queꞌoc chirabinquil nak laj Pablo ut laj Bernabé yo̱queb chixserakꞌinquil chanru nak li Dios quixtenkꞌaheb chixba̱nunquil li milagro ut li sachba chꞌo̱lej saꞌ xya̱nkeb li ma̱cuaꞌeb aj judío.

Hechos 5:14

Cꞌajoꞌ nak yo̱queb chi ta̱mc li yo̱queb chi pa̱ba̱nc re li Ka̱cuaꞌ, joꞌ cui̱nk joꞌ ixk.

San Juan 11:47

Ut eb laj fariseo rochbeneb li xbe̱nil aj tij queꞌxchꞌutub ribeb riqꞌuineb li nequeꞌtaklan saꞌ xya̱nkeb laj judío ut queꞌxye reheb: —¿Cꞌaꞌru takaba̱nu? Li cui̱nk aꞌin nabal li milagro yo̱ chixba̱nunquil.

Daniel 9:15

At Ka̱cuaꞌ, at kaDios, nakanau nak la̱at cat-isin reheb la̱ tenamit aran Egipto riqꞌuin xnimal la̱ cuanquil. Riqꞌuin aꞌan nanauman nak nim la̱ cuanquil toj chalen anakcuan. La̱o xoma̱cob ut incꞌaꞌ us li kayehom kaba̱nuhom.

Génesis 3:15

Li Dios quixye ajcuiꞌ re li cꞌantiꞌ: —La̱in tinqꞌue raylal saꞌ e̱ya̱nk re nak xicꞌ chic te̱ril e̱rib la̱at ut li ixk. Xicꞌ teꞌril rib la̱ cualal a̱cꞌajol riqꞌuineb li ralal xcꞌajol li ixk. Saꞌ junak cutan la̱at ta̱rahobtesi li rit rok junak reheb li ralal xcꞌajol li ixk, ut aꞌan tixpuqꞌui la̱ jolom.

Ezequiel 21:21

Lix reyeb laj Babilonia tixxakab rib saꞌ xa̱la be ut incꞌaꞌ tixnau bar cuan li be ta̱xic cuiꞌ. Tixkꞌehi riqꞌuin lix tzimaj ut ta̱patzꞌok riqꞌuineb lix dios. Ut ta̱kꞌehi̱nk riqꞌuin lix sa̱seb li xul li quixmayeja re tixnau bar cuan li be ta̱xic cuiꞌ.

Deuteronomio 3:24

At nimajcual Dios, la̱in aj cꞌanjel cha̱cuu. Xatiquib xcꞌutbal la̱ cuanquilal chicuu. Ninnau nak kꞌaxal nim la̱ cuanquil xban nak ma̱cꞌaꞌ chic junak dios tixba̱nu joꞌ nacaba̱nu la̱at. Ma̱ jun cuan, chi moco saꞌ choxa, chi moco saꞌ ruchichꞌochꞌ.

Isaías 44:25

La̱in nincꞌutbesi nak ma̱cꞌaꞌ na-oc cuiꞌ li cꞌaꞌru nequeꞌxye laj kꞌe. La̱in ninba̱nun re nak incꞌaꞌ na-uxman li cꞌaꞌru nequeꞌxye li nequeꞌbalakꞌin. Ut la̱in ajcuiꞌ nincꞌutbesin re nak ma̱cꞌaꞌ xya̱lal li cꞌaꞌru nequeꞌxye li nequeꞌxcꞌoxla nak cuanqueb xnaꞌleb xjuneseb.