Números 23:22 - Li Santil hu

²² Li Dios qui-isin chak reheb saꞌ li naꞌajej Egipto. Kꞌaxal nabaleb ut cauheb rib joꞌ li bo̱yx li cuan saꞌ qꞌuicheꞌ.

Q'eqchi Bible

²² Naq li Qaawa' kirisiheb' chaq laj Israel aran Ejiipt, kixk'ut li xnimal xkawilal chiruheb', jo' xkawilal li b'ooyx li wank sa' k'iche'.

Números 23:22 ပူးပေါင်းရင်းမြစ်များ

Deuteronomio 33:17

Lix metzꞌe̱u li ralal xcꞌajol laj José chanchan xmetzꞌe̱u li xbe̱n ral jun li toro. Chanchan xcacuilal lix xucub li bo̱yx li cuan saꞌ qꞌuicheꞌ. Riqꞌuin lix cacuilaleb teꞌnumta̱k saꞌ xbe̱neb li xni̱nkal ru tenamit ut teꞌra̱linaheb toj saꞌ xmaril li ruchichꞌochꞌ. Aꞌan li usilal li tintzꞌa̱ma reheb li qꞌuila ralal xcꞌajol laj Efraín ut reheb li qꞌuila ralal xcꞌajol laj Manasés.

Números 24:8

Li Ka̱cuaꞌ qui-isin reheb saꞌ li naꞌajej Egipto. Kꞌaxal cau xmetzꞌe̱uheb. Chanchan xmetzꞌe̱u li bo̱yx li cuan saꞌ qꞌuicheꞌ. Teꞌnumta̱k saꞌ xbe̱neb li xicꞌ nequeꞌiloc reheb. Teꞌxtoki lix bakeleb ut teꞌxcuteb riqꞌuin lix tzimajeb.

Salmos 22:21

China̱col chiruheb li xicꞌ nequeꞌiloc cue. Eb aꞌan chanchaneb li cakcoj. China̱col chiruheb aꞌan xban nak chanchaneb li joskꞌ aj toro teꞌraj inxekꞌbal.

Éxodo 20:2

La̱in li Ka̱cuaꞌ le̱ Dios. La̱in xin-isin chak e̱re saꞌ li tenamit Egipto, saꞌ li naꞌajej li xexrahobtesi̱c cuiꞌ chak.

Salmos 92:10

La̱at ta̱qꞌue inmetzꞌe̱u joꞌ xmetzꞌe̱u li toro ut ta̱qꞌue li sununquil ban saꞌ injolom retalil xsahil inchꞌo̱l.

Salmos 68:35

Cꞌajoꞌ xlokꞌal li Ka̱cuaꞌ. Sachba chꞌo̱lej li naxba̱nu. Lix Dioseb laj Israel naxtenkꞌaheb lix tenamit ut naxqꞌue xcacuilaleb. Lokꞌoninbil taxak li Ka̱cuaꞌ.

Números 22:5

Ut li rey Balac, li ralal laj Zipor, quixtaklaheb lix takl riqꞌuin laj Balaam li ralal laj Beor. Queꞌco̱eb saꞌ li naꞌajej Petor li cuan nachꞌ riqꞌuin li nimaꞌ Éufrates saꞌ lix naꞌajeb laj Amav. Quixye reheb nak teꞌcuulak riqꞌuin laj Balaam teꞌxye re: —Nabaleb li cristian queꞌchal chak Egipto. Nachꞌ cuanqueb riqꞌuin li kanaꞌaj ut teꞌraj re̱chaninquil.

Éxodo 14:18

Ut chixjunileb laj Egipto teꞌxqꞌue retal nak la̱in li tzꞌakal Dios. Teꞌxqꞌue incuanquil nak teꞌril nak kꞌaxal nim incuanquilal saꞌ xbe̱n laj faraón ut chixjunileb lix soldado joꞌ ajcuiꞌ eb lix carruaje, chan li Dios.

Éxodo 9:16

Abanan la̱in incꞌaꞌ xinqꞌue li yajel aꞌan saꞌ e̱be̱n xban nak xcuaj xcꞌutbal lin cuanquil che̱ru. Ut re ajcuiꞌ nak te̱ye cuesilal saꞌ ruchichꞌochꞌ.

Josué 2:10

La̱o nakanau nak quex-el chak Egipto li Dios quixchakihobresi li haꞌ saꞌ li Caki Palau re nak texnumekꞌ jun pacꞌal. Ut nakanau ajcuiꞌ nak la̱ex quesach ruheb chi junaj cua li cuib chi rey laj Sehón ut laj Og, lix reyeb laj amorreo li cuanqueb jun pacꞌal li nimaꞌ Jordán.

Isaías 34:7

Eb li tenamit aꞌan teꞌcamsi̱k joꞌ nak nequeꞌcamsi̱c li cuacax ut li toro. Lix quiqꞌueleb tixtꞌakresi li chꞌochꞌ ut lix xe̱buleb ta̱osokꞌ saꞌ li poks,

Éxodo 12:41

Tzꞌakal ca̱hib ciento riqꞌuin laje̱b xcaꞌcꞌa̱l (430) chihab nak queꞌel chixjunileb li ralal xcꞌajol li Dios saꞌ li tenamit Egipto.

Éxodo 12:51

Ut saꞌ li cutan aꞌan li Ka̱cuaꞌ Dios quilajrisiheb chak laj Israel saꞌ li tenamit Egipto. Nequeꞌtzololnac nak queꞌel laj Israel chi junju̱nk chꞌu̱tal aran Egipto.