Números 23:19 - Li Santil hu

¹⁹ Li Dios moco cui̱nk ta. Li Dios incꞌaꞌ naticꞌtiꞌic chi moco naxjal xcꞌaꞌux. Junelic naxba̱nu li cꞌaꞌru naxye. Ut junelic naxba̱nu li cꞌaꞌru naxyechiꞌi.

Q'eqchi Bible

¹⁹ Li Yos maawa' winq: ink'a' natik'ti'ik chi moko naxjal xk'a'uxl. Li k'aru naxye li Yos, naxb'aanu; na'aatinak, ut li raatin taatz'aqloq ru.

Números 23:19 ပူးပေါင်းရင်းမြစ်များ

1 Samuel 15:29

Li Ka̱cuaꞌ Dios, aꞌan lix lokꞌaleb laj Israel. Aꞌan incꞌaꞌ naticꞌtiꞌic, chi moco naxjal xcꞌaꞌux. Li Dios, aꞌan ma̱cuaꞌ yal cui̱nk re nak tixjal xcꞌaꞌux, chan.

Santiago 1:17

Xban nak chixjunil li cꞌaꞌak re ru tzꞌakal cha̱bil aꞌ li Dios saꞌ choxa naqꞌuehoc chak ke. Li Dios quiyi̱ban re li nacutanobresin ru li choxa. Li Dios ma̱cuaꞌ joꞌ li sakꞌe namoy ru. Li Dios incꞌaꞌ naxjal lix naꞌleb. Aꞌan ban chi junelic.

Malaquías 3:6

—La̱in li Ka̱cuaꞌ. Incꞌaꞌ ninjala. Joꞌcan nak toj ma̱jiꞌ ninsach e̱ru, la̱ex li ralal xcꞌajol laj Jacob.

Hebreos 6:18

Joꞌcan utan nak li cuib chi naꞌleb aꞌin incꞌaꞌ naru xjalbal ru. Aꞌaneb aꞌin: xbe̱n, nak li Dios quixyechiꞌi li ma̱tan; ut xcab, nak quixba̱nu li juramento. Riqꞌuin aꞌan nakanau nak li Dios incꞌaꞌ naticꞌtiꞌic. Joꞌcan nak cauhak taxak li kachꞌo̱l. La̱o xkasicꞌ li kacolbal riqꞌuin li Dios ut nakanau nak take̱chani li quixyechiꞌi ke. Aꞌan li nakayoꞌoni.

Tito 1:2

Ninchꞌolob lix ya̱lal aꞌin chiruheb re nak teꞌpa̱ba̱nk ut teꞌxyoꞌoni li junelic yuꞌam. Najter kꞌe cutan li Dios quixyechiꞌi chak li junelic yuꞌam. Li Dios incꞌaꞌ naticꞌtiꞌic.

Romanos 11:29

Li Dios incꞌaꞌ naxjal xcꞌaꞌux riqꞌuin li cꞌaꞌru naxyechiꞌi ke, chi moco naxjal xcꞌaꞌux nak quixsicꞌ ku.

San Lucas 21:33

Li choxa ut li ruchichꞌochꞌ talajeꞌosokꞌ. Abanan li cua̱tin incꞌaꞌ ta̱cana̱k yal chi joꞌcan chi incꞌaꞌ ta ta̱cꞌulma̱nk li cꞌaꞌru naxye.

Habacuc 2:3

Li cꞌaꞌru tinye a̱cue saꞌ li visión, ta̱cꞌulma̱nk. Abanan, toj ma̱jiꞌ nacuulac xkꞌehil nak ta̱osokꞌ la̱ tenamit. Usta ta̱ba̱yk caꞌchꞌinak, abanan ta̱cuoybeni xban nak relic chi ya̱l nak ta̱cꞌulma̱nk li cꞌaꞌru tincꞌutbesi cha̱cuu.

Salmos 89:35

Saꞌ xcꞌabaꞌ xti̱quilal inchꞌo̱l quinyechiꞌi re laj David ut la̱in incꞌaꞌ ninticꞌtiꞌic. Tinba̱nu ban li cꞌaꞌru quinye re.

Oseas 11:9

La̱in incꞌaꞌ tinba̱nu li cꞌaꞌru quincꞌoxla xba̱nunquil e̱riqꞌuin nak quechikꞌ xxamlel injoskꞌil. La̱in incꞌaꞌ chic texinsach chi junaj cua, la̱ex aj Efraín, xban nak la̱in Diosin. Ma̱cuaꞌin yal cui̱nk. La̱in li Dios Santo li cuanquin saꞌ e̱ya̱nk. Incꞌaꞌ tin-oc saꞌ le̱ tenamit che̱sachbal.

Miqueas 7:20

La̱at toa̱cuosobtesi joꞌ cayechiꞌi re laj Jacob, li kaxeꞌto̱nil yucuaꞌ. La̱at ta̱cuuxta̱na cuiꞌchic ku joꞌ cayechiꞌi re laj Abraham li kaxeꞌto̱nil yucuaꞌ najter kꞌe cutan.

1 Crónicas 17:17

At Ka̱cuaꞌ, cha̱cuu la̱at toj ma̱jiꞌ tzꞌakal li xaye xban nak xaye ajcuiꞌ nak junelic xakxo̱k xcuanquileb li cualal incꞌajol li teꞌcua̱nk mokon. At Ka̱cuaꞌ, at inDios, cha̱cuu la̱at la̱in jun cui̱nk kꞌaxal cha̱bil.

Romanos 9:6

Li Dios quixqꞌue li quixyechiꞌi reheb laj Israel. Aban moco chixjunileb ta queꞌxcꞌul li yechiꞌinbil xban li Dios xban nak moco chixjunileb ta tzꞌakaleb aj Israel. Aban incꞌaꞌ ninye nak li Dios incꞌaꞌ quixqꞌue li quixyechiꞌi reheb laj Israel.

2 Timoteo 2:13

Cuan nak la̱o incꞌaꞌ nakaba̱nu li cꞌaꞌru nakaye, abanan li Dios ti̱c xchꞌo̱l ut junelic naxba̱nu li cꞌaꞌru naxye. Aꞌan incꞌaꞌ nacuiban xchꞌo̱l.

Hebreos 7:21

Abanan ma̱cuaꞌ riqꞌuin juramento nak queꞌxakaba̱c chokꞌ aj tij li ralal xcꞌajol laj Leví. Aꞌut li Ka̱cuaꞌ Jesucristo xakabanbil chokꞌ aj tij xban li Dios riqꞌuin juramento. Tzꞌi̱banbil saꞌ li Santil Hu chi joꞌcaꞌin: Li Dios quia̱tinac riqꞌuin li Ralal ut quixye re: Saꞌ incꞌabaꞌ la̱in tinye a̱cue: La̱at laj tij chi junelic joꞌ nak quicuan laj Melquisedec, chan. Li Dios incꞌaꞌ tixjal lix cꞌaꞌux xban nak quixpatzꞌ lix lokꞌlaj cꞌabaꞌ. (Sal. 110:4)

Santiago 4:5

Cuan xya̱lal nak tzꞌi̱banbil chi joꞌcaꞌin saꞌ li Santil Hu: Li Santil Musikꞌej li quixqꞌue li Dios chi cua̱nc kiqꞌuin, aꞌan kꞌaxal nocoxra ut aꞌan naraj nak caꞌaj cuiꞌ li Dios takalokꞌoni.

Génesis 28:15

La̱in junelic cua̱nkin a̱cuiqꞌuin. Yalak bar tatxic, la̱in tin-ilok a̱cue. Nak la̱at cua̱nkat chak saꞌ jalan chic naꞌajej, la̱in tatincꞌam cuiꞌchic chak saꞌ li chꞌochꞌ aꞌin. Incꞌaꞌ tatintzꞌekta̱na. Tinqꞌue a̱cue chixjunil li cꞌaꞌru xinyechiꞌi a̱cue, chan li Ka̱cuaꞌ Dios re laj Jacob.

Números 14:35

Relic chi ya̱l nak tinba̱nu e̱re joꞌ xinye xban nak junaj e̱chꞌo̱l nak xekꞌetkꞌeti e̱rib chicuu. Saꞌ li chaki chꞌochꞌ aꞌin tex-osokꞌ. Arin texca̱mk, chan li Ka̱cuaꞌ.

Números 23:18

Ut laj Balaam quixye li a̱tin aꞌin: —At Balac, ralal laj Zipor, qꞌue retal li cua̱tin. Abi li cꞌaꞌru oc cue chixyebal.

Salmos 89:34

Incꞌaꞌ tinsach xcuanquil li contrato li quinba̱nu riqꞌuin. Chi moco tinjal incꞌaꞌux riqꞌuin li cꞌaꞌru quinye re.

Salmos 110:4

Li Ka̱cuaꞌ quixba̱nu li juramento ut incꞌaꞌ tixjal xcꞌaꞌux. Quixye: —La̱at lix yucuaꞌil eb laj tij chi junelic joꞌ nak quicuan laj Melquisedec.—

Isaías 21:17

Usta kꞌaxal cauheb xchꞌo̱l chi pletic eb li cui̱nk aj Cedar, li nequeꞌcutuc tzimaj, abanan moco qꞌui ta chic li teꞌcolekꞌ. La̱in li Ka̱cuaꞌ, lix Dioseb laj Israel, ninyehoc re aꞌin.—

Isaías 31:2

Li Ka̱cuaꞌ, aꞌan li cuan xnaꞌleb ut aꞌan li nasachoc. Incꞌaꞌ naxjal lix cꞌaꞌux. Tixqꞌue chixtojbal lix ma̱queb li nequeꞌxba̱nu li ma̱usilal joꞌ ajcuiꞌ eb li nequeꞌtenkꞌan reheb.

Isaías 40:8

Li ichaj nequeꞌchakic ut li utzꞌuꞌuj nequeꞌosoꞌ. Abanan li ra̱tin li kaDios incꞌaꞌ na-osoꞌ. Cuan ban chi junelic.—

Isaías 46:11

La̱in xinsicꞌ ru jun li cui̱nk saꞌ li oriente. Saꞌ najtil tenamit ta̱cha̱lk. Chanchan jun li soꞌsol nak tixsach ruheb li xicꞌ nequeꞌiloc e̱re. Li cꞌaꞌru xinye, aꞌan li ta̱cꞌulma̱nk. Li cꞌaꞌru xincꞌu̱b ru, aꞌan li tinba̱nu.

Isaías 55:11

Joꞌcan ajcuiꞌ li cua̱tin. Incꞌaꞌ nacana yal chi joꞌcan. Naxba̱nu ban xcꞌanjel joꞌ nacuaj la̱in. Naxba̱nu chi tzꞌakal li cꞌaꞌru nintakla cuiꞌ, chan li Ka̱cuaꞌ.

Jeremías 4:28

Ta̱rahokꞌ xchꞌo̱l li ruchichꞌochꞌ ut ta̱kꞌojyi̱nokꞌ ru li choxa. Li Ka̱cuaꞌ quixye nak ta̱cꞌulma̱nk chi joꞌcan ut aꞌan incꞌaꞌ tixjal xcꞌaꞌux.

Daniel 4:28

Ut chixjunil aꞌin quixcꞌul li rey Nabucodonosor.

Génesis 26:3

Tatcana̱k saꞌ li naꞌajej aꞌin li cuancat cuiꞌ anakcuan. La̱in tinberesi̱nk a̱cue ut tatcuosobtesi. Chixjunil li chꞌochꞌ aꞌin tinqꞌue a̱cue la̱at ut reheb ajcuiꞌ la̱ cualal a̱cꞌajol re nak ta̱tzꞌaklok ru li contrato li quinba̱nu chak najter riqꞌuin la̱ yucuaꞌ, chan li Dios.

Josué 21:45

Chixjunil li us li quixyechiꞌi reheb laj Israel, li Ka̱cuaꞌ quixqꞌue. Ma̱ jun li cꞌaꞌak re ru li quixyechiꞌi quicana ta yal chi joꞌcan. Quixba̱nu ban chixjunil li quixye.

1 Samuel 3:12

Saꞌ li cutan aꞌan la̱in tinba̱nu riqꞌuineb li ralal xcꞌajol laj Elí chixjunil li xinye re.

1 Reyes 14:11

Eb li ralal xcꞌajol laj Jeroboam li teꞌca̱mk saꞌ tenamit teꞌtiꞌekꞌ xbaneb li tzꞌiꞌ. Ut eb li teꞌca̱mk saꞌ cꞌaleba̱l teꞌtiꞌekꞌ xbaneb li soꞌsol xban nak joꞌcan xye li Ka̱cuaꞌ.”

2 Reyes 7:2

Li cui̱nk li natenkꞌan re li rey quixye re laj Eliseo: —Usta li Ka̱cuaꞌ Dios naxtakla chak saꞌ choxa li cebada chi nabal, ma̱ jaruj ta̱cꞌulma̱nk joꞌ xaye, chan. Ut laj Eliseo quixye re: —La̱at ta̱cuil nak ta̱cꞌulma̱nk joꞌ xinye. Abanan la̱at incꞌaꞌ ta̱tzaca li tzacae̱mk aꞌan, chan.

2 Reyes 15:12

Joꞌcaꞌin nak quitzꞌakloc ru li quixye li Ka̱cuaꞌ re laj Jehú nak quixye: —Jun reheb la̱ cualal a̱cꞌajol teꞌoc chokꞌ xreyeb laj Israel toj saꞌ li xca̱ tasalil.— Ut joꞌcan quicꞌulman.

Salmos 77:9

¿Ma xsach ta cuiꞌ saꞌ xchꞌo̱l li Dios nak ta̱ruxta̱na ku? ¿Ma kꞌaxal cuiꞌchic yo̱ xjoskꞌil saꞌ kabe̱n nak incꞌaꞌ chic naxtokꞌoba ku? chanquin saꞌ inchꞌo̱l.

Salmos 132:11

Li Ka̱cuaꞌ quixba̱nu jun li juramento riqꞌuin laj David ut incꞌaꞌ tixjal lix cꞌaꞌux. Tixba̱nu ban li cꞌaꞌru quixyechiꞌi re nak quixye: Eb la̱ cualal a̱cꞌajol li teꞌcua̱nk mokon teꞌoc chokꞌ rey chokꞌ a̱cue̱kaj.