Números 23:13 - Li Santil hu

¹³ Ut laj Balac quixye re: —La̱in nintzꞌa̱ma cha̱cuu nak tatxic chicuix saꞌ jalan chic naꞌajej. Ut aran ta̱cuileb. Aran incꞌaꞌ ta̱cuileb chixjunileb ut naru ta̱tzꞌa̱ma ma̱usilal saꞌ xbe̱neb, chan.

Q'eqchi Bible

¹³ Ab'an laj Balak kixye: “Kim sa' jalan chik na'ajej wochb'een, re taawileb' chaq laj Israel toj aran. Yal kach'in ajwi' taawileb', ink'a' chixjunileb'. Majewaheb' chaq toj aran”, chan.

Números 23:13 ပူးပေါင်းရင်းမြစ်များ

Salmos 109:17

Quicuulac chiru xmajecuanquil li ras ri̱tzꞌin. Joꞌcan nak chimajecua̱k ta aꞌan. Incꞌaꞌ quiraj nak teꞌosobtesi̱k li ras ri̱tzꞌin. Joꞌcan nak incꞌaꞌ ta chi-osobtesi̱k aꞌan.

Miqueas 6:5

Ex intenamit, chijulticokꞌ e̱re li cꞌaꞌru quiraj xba̱nunquil e̱re laj Balac lix reyeb laj Moab ut julticokꞌ ajcuiꞌ e̱re chanru nak quixsume laj Balaam, ralal laj Beor. Ut chijulticokꞌ ajcuiꞌ e̱re li cꞌaꞌru quicꞌulman aran Sitim toj Gilgal re nak te̱qꞌue retal nak junes usilal xinba̱nu e̱re, chan li Ka̱cuaꞌ.

1 Reyes 20:28

Jun xprofeta li Ka̱cuaꞌ Dios quicuulac riqꞌuin li rey Acab ut quixye re: —Joꞌcaꞌin xye li Ka̱cuaꞌ. “Xban nak eb laj Siria xeꞌxye nak caꞌaj cuiꞌ saꞌ eb li tzu̱l cuan incuanquil ut xeꞌxye nak ma̱cꞌaꞌ incuanquil saꞌ li ru takꞌa, joꞌcan nak la̱in tinkꞌaxtesiheb laj Siria saꞌ a̱cuukꞌ, usta kꞌaxal nabaleb. La̱at ta̱nau nak la̱in li Ka̱cuaꞌ,” chan.

1 Reyes 20:23

Eb li nequeꞌtenkꞌan re li rey Ben-adad queꞌxye re: —Eb lix dioseb laj Israel cuanqueb xcuanquileb saꞌ eb li tzu̱l. Joꞌcan nak eb laj Israel xeꞌnumta saꞌ kabe̱n. Abanan cui topletik saꞌ li ru takꞌa, la̱o chic tonumta̱k saꞌ xbe̱neb.

Josué 24:9

Ut lix reyeb laj Moab, laj Balac li ralal laj Zipor, quipletic e̱riqꞌuin. Ut quixtakla xbokbal laj Balaam li ralal laj Beor re nak tixtzꞌa̱ma ma̱usilal saꞌ e̱be̱n.

Números 22:41

Cuulajak chic laj Balac quixcꞌam laj Balaam ut queꞌco̱eb toj Bamot-baal. Ut laj Balaam quiru rilbaleb laj Israel li cuanqueb chi nachꞌ.

Números 23:12

Ut laj Balaam quixye re: —¿Ma incꞌaꞌ ta biꞌ xinye a̱cue nak la̱in tinye li cꞌaꞌru xye cue li Ka̱cuaꞌ?—

Números 23:14

Quixcꞌam laj Balaam saꞌ li cꞌaleba̱l Zofim ut queꞌtakeꞌ saꞌ xbe̱n li tzu̱l Pisga. Quixyi̱b cuukub chic li artal ut quixmayeja jun li toro ut jun li carner saꞌ li junju̱nk chi artal.

Números 22:6

La̱in nacuaj nak tatcha̱lk arin re ta̱tzꞌa̱ma ma̱usilal saꞌ xbe̱neb li cristian aꞌan xban nak kꞌaxal nabaleb ut cauheb rib chiku la̱o. Cui ta̱ba̱nu chi joꞌcan, ma̱re ta̱ru̱k takisiheb saꞌ li kanaꞌaj. La̱in ninnau nak li ani nacatzꞌa̱ma rosobtesinquil, osobtesinbil chic nacana. Ut li ani nacatzꞌa̱ma ma̱usilal saꞌ xbe̱n, ma̱usilanbil chic nacana, chan lix reyeb laj Moab.