Números 23:11 - Li Santil hu

¹¹ Quixye laj Balac re laj Balaam: —¿Cꞌaꞌru yo̱cat? La̱in xatincꞌam chak arin re nak ta̱tzꞌa̱ma ma̱usilal saꞌ xbe̱neb li xicꞌ nequeꞌiloc cue. Abanan incꞌaꞌ xaba̱nu. Xatzꞌa̱ma ban usilal saꞌ xbe̱neb, chan.

Q'eqchi Bible

¹¹ Toja' naq laj Balak kixye re laj Balaham: “K'aru xab'aanu we? Xatink'am chaq arin re xmajewankil eb' li xik' neke'ilok we; ab'an rosob'tesinkileb' chik xab'aanu!”, chan.

Números 23:11 ပူးပေါင်းရင်းမြစ်များ

Nehemías 13:2

Incꞌaꞌ naru teꞌcua̱nk saꞌ xya̱nkeb xban nak junxil eb laj amonita ut eb aj moabitas incꞌaꞌ queꞌxcꞌul saꞌ usilal li kaxeꞌto̱nil yucuaꞌ nak queꞌnumeꞌ saꞌ lix tenamiteb ut incꞌaꞌ queꞌxqꞌue xcua rucꞌaheb. Queꞌxtumina ban ru laj Balaam re nak tixbok ma̱usilal saꞌ xbe̱neb. Abanan li Ka̱cuaꞌ Dios quixsukꞌisi li ma̱usilal chokꞌ usilal chokꞌ reheb.

Números 24:10

Cꞌajoꞌ nak quijoskꞌoꞌ laj Balac nak quirabi li quixye laj Balaam. Quixpokle li rukꞌ ut quixye re laj Balaam: —Xatinbok re nak ta̱tzꞌa̱ma ma̱usilal saꞌ xbe̱neb li xicꞌ nequeꞌiloc cue. Abanan la̱at xatzꞌa̱ma rosobtesinquileb oxib sut.

Números 22:17

Cui tatxic tixqꞌue nabal la̱ ma̱tan ut tixba̱nu li cꞌaꞌru ta̱ye. Joꞌcan ut tatxic anakcuan ut ta̱tzꞌa̱ma ma̱usilal saꞌ xbe̱neb li tenamit aꞌan, chanqueb.

Números 22:11

Xtaklaheb chak chixyebal cue nak eb li cristian li queꞌel Egipto yo̱queb chi oc saꞌ lix naꞌajeb re teꞌre̱chani. Numtajenak xqꞌuialeb. Laj Balac ta̱raj nak tinxic ut tintzꞌa̱ma ma̱usilal saꞌ xbe̱neb re nak ta̱numta̱k saꞌ xbe̱neb ut ta̱risiheb saꞌ lix naꞌaj, chan laj Balaam.

Números 23:12

Ut laj Balaam quixye re: —¿Ma incꞌaꞌ ta biꞌ xinye a̱cue nak la̱in tinye li cꞌaꞌru xye cue li Ka̱cuaꞌ?—