Números 23:10 - Li Santil hu

¹⁰ Incꞌaꞌ naru rajlanquileb li ralal xcꞌajol laj Jacob. Chanchaneb li poks xban xqꞌuialeb. Usan cui tinca̱mk joꞌ nak nequeꞌcam li ti̱queb xchꞌo̱l. Usan cui tin-osokꞌ joꞌ nak nequeꞌosoꞌ eb aꞌan, chan laj Balaam.

Q'eqchi Bible

¹⁰ Ani taaruhanq xb'isb'al xpojtz'il laj Jakob, ut ani taaruhanq rajlankil li xk'ihaleb' laj Israel? Kamqin laa'in jo' naq neke'kamk li tiikeb' xch'ool, ut oso'qin jo' taxaq naq neke'oso'k eb' a'an”, chan.

Números 23:10 ပူးပေါင်းရင်းမြစ်များ

Salmos 37:37

Cheqꞌuehak retal li ti̱queb xchꞌo̱l ut li cha̱bileb xnaꞌleb. Li nacuan saꞌ tuktu̱quil usilal ta̱cua̱nk ralal xcꞌajol.

Génesis 13:16

—Tinqꞌueheb chi qꞌuia̱nc la̱ cualal a̱cꞌajol. Incꞌaꞌ ta̱ru̱k rajlanquileb xban xqꞌuialeb, joꞌ li poks saꞌ chꞌochꞌ incꞌaꞌ naru rajlanquil, chan.

Salmos 116:15

Chiru li Ka̱cuaꞌ lokꞌ lix yuꞌameb li ralal xcꞌajol, ut ra narecꞌa nak nacam junak.

Apocalipsis 14:13

Ut quicuabi jun yo̱ chi a̱tinac saꞌ choxa ut quixye cue: —Tzꞌi̱ba li a̱tin aꞌin: Chalen anakcuan us xak reheb li nequeꞌcam, li ac xeꞌxpa̱b li Ka̱cuaꞌ. Ya̱l. Us xak reheb, chan li Santil Musikꞌej, xban nak teꞌhila̱nk chixba̱nunquil li cha̱bil cꞌanjel li ac xeꞌxba̱nu ut teꞌxcꞌul xkꞌajca̱munquil.—

2 Corintios 5:1

Li katzꞌejcual arin saꞌ ruchichꞌochꞌ chanchan jun li ochoch li na-osoꞌ. La̱o nakanau nak li katzꞌejcual arin saꞌ ruchichꞌochꞌ na-osoꞌ. Abanan ta̱cua̱nk chic jun katzꞌejcual saꞌ choxa li tixqꞌue ke li Dios. Moco joꞌ ta li ochoch arin saꞌ ruchichꞌochꞌ li na-osoꞌ xban nak yi̱banbil xban cui̱nk. Li katzꞌejcual aran saꞌ choxa incꞌaꞌ ta̱osokꞌ. Cua̱nk ban chi junelic.

Proverbios 14:32

Li ani incꞌaꞌ useb xnaꞌleb, aꞌ ajcuiꞌ lix ma̱usilaleb nasachoc reheb. Ut eb li ti̱c xchꞌo̱leb incꞌaꞌ nequeꞌxxucua ru li ca̱mc xban nak cuan li cꞌaꞌru nequeꞌroybeni.

Números 2:31

Jun ciento mil riqꞌuin cuuklaju roxcꞌa̱l mil riqꞌuin cuakib ciento (157,600) chixjunileb li teꞌoque̱nk saꞌ xya̱nkeb laj Dan. Aꞌaneb li teꞌxic chi ixbej nak teꞌxjal lix naꞌajeb. Ac reheb lix bandereb li teꞌxcꞌam chokꞌ retalileb.

Números 2:24

Jun ciento mil riqꞌuin cuakxakib mil riqꞌuin jun ciento (108,100) chixjunileb li teꞌoque̱nk saꞌ xya̱nkeb laj Efraín. Aꞌaneb li teꞌxic saꞌ li rox tasal nak teꞌxjal lix naꞌajeb.

Números 2:9

Jun ciento mil riqꞌuin cuakib roꞌcꞌa̱l mil ut ca̱hib ciento (186,400) chixjunileb li soldado li teꞌoque̱nk saꞌ xya̱nkeb laj Judá. Aꞌaneb li teꞌxic chi ubej nak teꞌxic saꞌ jalan naꞌajej.

Génesis 28:14

La̱ cualal a̱cꞌajol teꞌqꞌuia̱nk joꞌ xqꞌuial li poks li cuan saꞌ li chꞌochꞌ ut telajeꞌxjeqꞌui rib saꞌ ruchichꞌochꞌ. Saꞌ a̱cꞌabaꞌ la̱at joꞌ ajcuiꞌ saꞌ xcꞌabaꞌeb la̱ cualal a̱cꞌajol, chixjunileb li tenamit li teꞌcua̱nk saꞌ ruchichꞌochꞌ teꞌxcꞌul jun li nimla usilal.

Génesis 22:17

Kꞌaxal numtajenak li usilal tinba̱nu a̱cue. Joꞌ xqꞌuialeb li chahim li cuanqueb saꞌ choxa, joꞌcan ajcuiꞌ xqꞌuialeb la̱ cualal a̱cꞌajol li teꞌcua̱nk. Ut joꞌ xqꞌuial li cocꞌ ru li samaib li cuanqueb chire li palau nak teꞌta̱mk la̱ cualal a̱cꞌajol. Ut kꞌaxal cuiꞌchic nimak xcuanquileb la̱ cualal a̱cꞌajol chiruheb li xicꞌ teꞌilok reheb aꞌan.

Números 2:16

Jun ciento riqꞌuin junlaju roxcꞌa̱l mil riqꞌuin ca̱hib ciento riqꞌuin laje̱b roxcꞌa̱l (151,450) chixjunileb li teꞌoque̱nk saꞌ xya̱nkeb laj Rubén. Aꞌaneb li teꞌxic saꞌ li xcab tasal nak teꞌxjal lix naꞌajeb.

Números 31:8

Queꞌxcamsiheb li o̱b chi rey aj Madián. Aꞌaneb laj Evi, laj Requem, laj Zur, laj Hur, ut laj Reba. Ut queꞌxcamsi ajcuiꞌ chi chꞌi̱chꞌ laj Balaam li ralal laj Beor.