Números 23:1 - Li Santil hu

¹ Quixye laj Balaam: —Takla xyi̱banquil cuukub li artal saꞌ li naꞌajej aꞌin. Ut cauresihomakeb cuukub li toro ut cuukub li te̱lom carner, chan.

Q'eqchi Bible

¹ Toja' naq laj Balaham kixye re laj Balak: “Yiib' wuqub' chi artal arin ut kawresi chaq wuqub' saaj wakax ut wuqub'eb' li karneer”, chan.

Números 23:1 ပူးပေါင်းရင်းမြစ်များ

Números 23:29

Ut laj Balaam quixye re laj Balac: —Ta̱yi̱b cuukub li artal ut cauresi cuukub li toro ut cuukub li carner.—

San Judas 1:11

Ra teꞌxcꞌul. Lix naꞌlebeb aꞌan joꞌ lix naꞌleb laj Caín. Chanchaneb laj Balaam, xban nak nequeꞌxrahi ru li tumin ut junes aꞌan chic nequeꞌxcꞌoxla. Nequeꞌxtzꞌekta̱na lix chakꞌrab li Dios ut nequeꞌxnimobresi rib joꞌ quixba̱nu laj Coré. Xban aꞌan nak teꞌosokꞌ.

San Mateo 23:13

Ra cha̱lel saꞌ e̱be̱n, la̱ex aj tzꞌi̱b ut la̱ex aj fariseo, ex aj caꞌ pacꞌal u. Incꞌaꞌ nequecꞌut lix ya̱lal chiruheb li tenamit ut nequeram chiruheb lix cuanquil li Dios. La̱ex incꞌaꞌ nequeraj xkꞌaxtesinquil e̱rib rubel xcuanquil li nimajcual Dios ut incꞌaꞌ ajcuiꞌ nequecanabeb chixkꞌaxtesinquileb rib li ani nequeꞌraj.

Ezequiel 45:23

Rajlal cutan chiru li cuukub cutan nak yo̱k li ninkꞌe, li rey tixqꞌue chokꞌ cꞌatbil mayej chiru li Ka̱cuaꞌ cuukub li toro, ut cuukub li carner te̱lom li ma̱cꞌaꞌ re̱qꞌueb. Ut rajlal cutan tixmayeja junju̱nk li chiba̱t te̱lom re xpatzꞌbal xcuybaleb xma̱c. Tzꞌakalakeb re ru li xul li tixmayeja.

Ezequiel 33:31

Lin tenamit teꞌcuulak a̱cuiqꞌuin chirabinquil li cꞌaꞌru ta̱ye joꞌ cꞌaynakeb xba̱nunquil. Teꞌrabi li cꞌaꞌru ta̱ye, abanan incꞌaꞌ teꞌxba̱nu. Yal chi xtzꞌu̱mal reheb teꞌxye nak us la̱ cua̱tin, abanan saꞌ xchꞌo̱leb caꞌaj cuiꞌ li reheb aꞌan teꞌxcꞌoxla.

Proverbios 15:8

Li Ka̱cuaꞌ xicꞌ naril lix mayejeb li incꞌaꞌ useb xnaꞌleb. Abanan lix tijeb li ti̱queb xchꞌo̱l li Ka̱cuaꞌ naxcꞌul chi sa saꞌ xchꞌo̱l.

Li xHu LAJ JOB 42:8

Anakcuan te̱cꞌam cuukub li toro ut cuukub li carner te̱lom ut texxic riqꞌuin laj Job, laj cꞌanjel chicuu re nak aꞌan ta̱mayejak saꞌ e̱cꞌabaꞌ la̱ex. Laj Job ta̱tijok che̱rix ut la̱in tincuabi lix tij. Ma̱cꞌaꞌ tinba̱nu e̱re usta e̱cꞌulub xtojbal rix le̱ ma̱c xban nak incꞌaꞌ xeye li ya̱l chicuix joꞌ xba̱nu laj Job, chan li Dios.

2 Crónicas 29:21

Queꞌxcꞌam cuukub li bo̱yx toj sa̱jeb, cuukub li te̱lom carner, ut cuukub chic li te̱lom carner li toj sa̱jeb joꞌ ajcuiꞌ cuukub li te̱lom chiba̱t. Queꞌxcꞌameb li xul aꞌin re teꞌxmayeja re xtzꞌa̱manquil xcuybal xma̱c li rey ut li ralal xcꞌajol joꞌ eb ajcuiꞌ li cuanqueb Judá. Ut re ajcuiꞌ xsantobresinquil lix templo li Ka̱cuaꞌ. Li rey quixye reheb laj tij nak aꞌaneb li teꞌcꞌatok re li xul saꞌ xbe̱n lix artal li Ka̱cuaꞌ. Eb laj tij, aꞌaneb li ralal xcꞌajol laj Aarón.

1 Crónicas 15:26

Li Dios quitenkꞌan reheb laj levita li yo̱queb chixcꞌambal li Lokꞌlaj Ca̱x Jerusalén. Queꞌxmayeja cuukub li toro ut cuukub li carner te̱lom re xlokꞌoninquil li Ka̱cuaꞌ.

2 Reyes 18:22

Ma̱re la̱ex te̱ye cue nak cꞌojcꞌo e̱chꞌo̱l riqꞌuin li Ka̱cuaꞌ le̱ Dios. ¿Ma incꞌaꞌ ta biꞌ isinbil saꞌ e̱ya̱nk chixjunileb li artal xban li rey Ezequías? ¿Ma ma̱cuaꞌ ta biꞌ aꞌan quiyehoc reheb laj Judá ut laj Jerusalén nak chiru jun ajcuiꞌ li artal teꞌlokꞌoni̱nk aran Jerusalén?

1 Samuel 15:22

Laj Samuel quixye re: —¿Cꞌaꞌru li kꞌaxal lokꞌ chiru li Ka̱cuaꞌ? ¿Ma li mayejac malaj ut li abi̱nc? Chiru li Ka̱cuaꞌ li abi̱nc, aꞌan li kꞌaxal lokꞌ chiru li mayejac. Li xba̱nunquil li cꞌaꞌru naxye li Dios, aꞌan kꞌaxal lokꞌ chiru xcꞌatbal xxe̱bul li carner.

Números 29:32

Saꞌ li xcuuk li cutan teꞌxqꞌue chokꞌ cꞌatbil mayej cuukub li toro, cuib li te̱lom carner, ut ca̱laju li te̱lom carner ju̱nk chihab cua̱nk reheb. Ma̱cꞌaꞌak re̱qꞌueb li xul li teꞌxqꞌue.

Éxodo 20:24

Te̱yi̱b jun li artal chokꞌ cue yi̱banbil riqꞌuin chꞌochꞌ. Ut saꞌ xbe̱n li artal aꞌan te̱qꞌue le̱ cꞌatbil mayej. Aran ajcuiꞌ te̱mayeja chicuu le̱ carner ut le̱ bo̱yx re xtzꞌa̱manquil xcuybal e̱ma̱c. Li bar tinye e̱re, aran te̱yi̱b le̱ artal ut la̱in cua̱nkin e̱riqꞌuin ut aran texcuosobtesi.

Números 22:41

Cuulajak chic laj Balac quixcꞌam laj Balaam ut queꞌco̱eb toj Bamot-baal. Ut laj Balaam quiru rilbaleb laj Israel li cuanqueb chi nachꞌ.

Números 23:2

Laj Balac quixba̱nu joꞌ quixye laj Balaam. Ut saꞌ cuibal queꞌxmayeja junju̱nk li toro ut junju̱nk li te̱lom carner saꞌ li junju̱nk chi artal.

Números 23:30

Laj Balac quixba̱nu joꞌ quixye laj Balaam. Ut quixmayeja jun li toro ut jun li carner saꞌ xbe̱n li junju̱nk chi artal.