Números 22:9 - Li Santil hu

⁹ Ut li Dios quixcꞌutbesi rib chiru laj Balaam ut quixye re: —¿Aniheb li cui̱nk li cuanqueb a̱cuiqꞌuin? chan.

Q'eqchi Bible

⁹ Toja' naq kichalk li Yos rik'in laj Balaham ut kixye re: “K'a' chi winqul wankeb' sa' laawochoch?”, chan.

Números 22:9 ပူးပေါင်းရင်းမြစ်များ

Génesis 20:3

Chiru li kꞌojyi̱n aꞌan li Dios quia̱tinac riqꞌuin laj Abimelec saꞌ lix matcꞌ ut quixye re: —Anakcuan la̱at tatca̱mk xban nak li ixk xacꞌam a̱cuiqꞌuin cuan xbe̱lom, chan li Dios re.

Números 22:20

Ut li Dios quixcꞌutbesi rib chiru laj Balaam chiru li kꞌojyi̱n ut quixye re: —Cui eb li cui̱nk aꞌin xeꞌchal cha̱cꞌambal, ayu chirixeb. Abanan ma̱cꞌaꞌ ta̱ba̱nu toj tinye a̱cue la̱in, chan.

San Juan 11:51

Laj Caifás, aꞌan li xyucuaꞌil aj tij saꞌ li chihab aꞌan. Ut li cꞌaꞌru quixye incꞌaꞌ quixye yal xjunes. Quixye ban xban nak li Dios quicꞌutuc chiru li cꞌaꞌru tixye. Joꞌcan nak quixye nak li Jesús ta̱ca̱mk saꞌ xcꞌabaꞌeb laj judío.

San Mateo 24:24

Nabaleb aj balakꞌ teꞌcꞌulu̱nk ut teꞌxye nak aꞌaneb li Cristo. Ut cuan teꞌxye nak aꞌaneb profeta. Nabal li cꞌaꞌak re ru teꞌxcꞌutbesi ut sachba chꞌo̱lej telajeꞌxba̱nu re xyalbal xbalakꞌinquileb li tenamit, joꞌqueb ajcuiꞌ li sicꞌbileb ru xban li Dios.

San Mateo 7:22

Nabaleb li teꞌyehok cue saꞌ xkꞌehil li rakba a̱tin, “Ka̱cuaꞌ, Ka̱cuaꞌ, ¿ma ma̱cuaꞌ ta biꞌ saꞌ a̱cꞌabaꞌ coa̱tinac joꞌ profeta? ¿Ma ma̱cuaꞌ ta biꞌ saꞌ a̱cꞌabaꞌ co-isin ma̱us aj musikꞌej? La̱o nabal li milagro quilajkaba̱nu saꞌ a̱cꞌabaꞌ”, chaꞌkeb.

Daniel 2:45

La̱at xacuil chanru nak li pec qui-el saꞌ li u̱l chi ma̱ ani xcutuc re. Xacuil ajcuiꞌ chanru nak quimuchꞌeꞌ li jalam u̱ch yi̱banbil riqꞌuin hierro, bronce, saklun, plata ut oro. At rey, li nimajcual Dios yo̱ chixyebal a̱cue cꞌaꞌru ta̱cꞌulma̱nk saꞌ eb li cutan cha̱lel. La̱in xinye a̱cue cꞌaꞌru la̱ matcꞌ ut xinye ajcuiꞌ a̱cue cꞌaꞌru lix ya̱lal, chan laj Daniel.

Éxodo 4:2

Li Dios quixye re: —¿Cꞌaꞌru li cuan saꞌ a̱cuukꞌ? chan. —Jun li xukꞌ, chan laj Moisés.

Génesis 41:25

Tojoꞌnak laj José quixye re laj faraón: —Li cuib la̱ matcꞌ juntakꞌe̱t lix ya̱lal. Li Ka̱cuaꞌ Dios yo̱ chixcꞌutbal cha̱cuu li cꞌaꞌru tixba̱nu.

Génesis 31:24

Saꞌ li kꞌojyi̱n aꞌan, li Ka̱cuaꞌ Dios quixcꞌutbesi rib chiru laj Labán laj arameo saꞌ xmatcꞌ. Li Ka̱cuaꞌ Dios quixye re: —China̱cuabi. Mat-a̱tinac saꞌ joskꞌil riqꞌuin laj Jacob, chan li Dios.

Génesis 16:8

Ut li ángel quia̱tinac riqꞌuin ut quixpatzꞌ re: —Agar, at xmo̱s lix Sarai, ¿bar xatchal chak? Ut, ¿bar yo̱cat chi xic? chan. Ut lix Agar quixye re: —La̱in yo̱quin chi e̱lelic chiru lix Sarai lin patrón, chan.

Génesis 4:9

Li Dios quixye re laj Caín: —¿Bar cuan la̱ cui̱tzꞌin?— Laj Caín quixye: —Incꞌaꞌ ninnau. ¿Ma la̱in ta biꞌ aj ilol re li cui̱tzꞌin? chan.

Números 22:8

Laj Balaam quixye reheb: —Texcana̱k ut cuulaj tinye e̱re cꞌaꞌru tixye cue li Ka̱cuaꞌ, chan. Joꞌcan nak queꞌxnumsi li kꞌojyi̱n riqꞌuin laj Balaam.

Números 22:10

Ut laj Balaam quixye re: —Eb aꞌan taklanbileb chak cuiqꞌuin xban laj Balac lix reyeb laj Moab.