Números 22:23 - Li Santil hu

²³ Quixqꞌue retal li bu̱r nak lix ángel li Ka̱cuaꞌ xakxo saꞌ be ut cuan xchꞌi̱chꞌ saꞌ rukꞌ. Joꞌcan nak qui-el saꞌ li be ut quixjal lix be. Qui-oc chixsacꞌbal li bu̱r laj Balaam re nak ta̱xic cuiꞌchic saꞌ li be.

Q'eqchi Bible

²³ Naq li b'uur kiril li x'Ánjel li Qaawa' xaqxo sa' xb'e, wank xq'esnal ch'iich' sa' ruq', kixjal li xb'e ut koho chik sa' pim. Toja' naq laj Balaham kixsak' li xb'uur re naq taasutq'iiq wi' chik sa' li b'e.

Números 22:23 ပူးပေါင်းရင်းမြစ်များ

San Judas 1:11

Ra teꞌxcꞌul. Lix naꞌlebeb aꞌan joꞌ lix naꞌleb laj Caín. Chanchaneb laj Balaam, xban nak nequeꞌxrahi ru li tumin ut junes aꞌan chic nequeꞌxcꞌoxla. Nequeꞌxtzꞌekta̱na lix chakꞌrab li Dios ut nequeꞌxnimobresi rib joꞌ quixba̱nu laj Coré. Xban aꞌan nak teꞌosokꞌ.

2 Pedro 2:16

Joꞌcan nak quikꞌuseꞌ xban jun li bu̱r. Yal xul. Incꞌaꞌ naa̱tinac. Ut laj Balaam quirabi xya̱b xcux li bu̱r joꞌ xya̱b xcux li cui̱nk nak quiyeheꞌ re xban li bu̱r nak tixcanab xba̱nunquil li ma̱usilal.

Hechos 22:9

Li cuanqueb cuochben queꞌril chi tzꞌakal li chanchan xam ut cꞌajoꞌ nak queꞌxucuac. Abanan incꞌaꞌ queꞌrabi li a̱tin li quiyeheꞌ cue.

Daniel 10:7

Ma̱ ani chic qui-iloc re li visión aꞌin. Caꞌaj cuiꞌ la̱in laj Daniel. Eb li cui̱nk li cuanqueb cuochben incꞌaꞌ queꞌril. Cꞌajoꞌ nak qui-oc xxiuheb ut queꞌe̱lelic ut queꞌxmuk ribeb.

Jeremías 8:7

Eb li jotz nequeꞌxnau jokꞌe teꞌsukꞌi̱k saꞌ xnaꞌajeb, joꞌ eb ajcuiꞌ li cuilix ut li mucuy ut li cꞌo̱cꞌob. Abanan eb lin tenamit incꞌaꞌ nequeꞌraj xqꞌuebal retal lin chakꞌrab.

1 Crónicas 21:16

Laj David qui-iloc takecꞌ ut quiril lix ángel li Ka̱cuaꞌ xakxo saꞌ xyi li choxa ut li ruchichꞌochꞌ. Ac cauresinbil lix chꞌi̱chꞌ saꞌ rukꞌ re xsachbal ru li tenamit Jerusalén. Laj David ut eb li nequeꞌcꞌamoc be saꞌ xya̱nkeb laj Israel queꞌxhupub ribeb saꞌ chꞌochꞌ. Ut cuan li kꞌes ru tꞌicr chirixeb.

2 Reyes 6:17

Chirix aꞌan li profeta quitijoc ut quixye: —At Ka̱cuaꞌ, at inDios, chaqꞌue taxak chiril la̱ cuanquilal, chan. Ut li Dios quixsume lix tij. Nak qui-iloc saꞌ li tzu̱l li mo̱s, quiril nabaleb li cuanqueb chirix cacua̱y re xam. Ut quiril ajcuiꞌ nabaleb li carruaje re xam. Sutsu li naꞌajej cuan cuiꞌ laj Eliseo xbaneb.

Números 22:22

Quijoskꞌoꞌ li Ka̱cuaꞌ xban nak laj Balaam co̱ chirixeb li cui̱nk. Nak yo̱ chi xic laj Balaam chirix lix bu̱r rochben li cuib chi mo̱s, jun lix ángel li Ka̱cuaꞌ quixxakab rib saꞌ be re nak incꞌaꞌ naru ta̱numekꞌ.

Números 22:24

Ut lix ángel li Ka̱cuaꞌ quixxakab rib saꞌ li be saꞌ xyi cuib si̱ril li uvas sutsu saꞌ tzꞌac saꞌ xcaꞌ pacꞌalil li be.

Josué 5:13

Nak laj Josué nachꞌ cuan riqꞌuin li tenamit Jericó, quiril jun li cui̱nk xakxo chiru. Li cui̱nk aꞌan cuan xchꞌi̱chꞌ saꞌ rukꞌ. Laj Josué quinachꞌoc riqꞌuin ut quixye re: —¿Ma la̱at xcomoneb li kasolda̱d malaj ut la̱at xcomoneb li xicꞌ nequeꞌiloc ke? chan.