Números 22:18 - Li Santil hu

¹⁸ Abanan laj Balaam quixye reheb: —Usta laj Balac tixqꞌue cue li rochoch nujenak riqꞌuin plata ut oro, abanan la̱in incꞌaꞌ tinkꞌet ra̱tin li Ka̱cuaꞌ lin Dios. Incꞌaꞌ tinkꞌet li ra̱tin riqꞌuin xba̱nunquil li us, chi moco riqꞌuin xba̱nunquil li incꞌaꞌ us.

Q'eqchi Bible

¹⁸ Ab'an laj Balaham kixye reheb' li xtaql laj Balak: “Us ta laj Balak tixk'e we li rochoch nujenaq chi plaat ut oor, ink'a' naru tinq'et raatin li Qaawa' linYos, chi moko rik'in kach'in chi moko rik'in naab'al.

Números 22:18 ပူးပေါင်းရင်းမြစ်များ

Números 24:13

Xinye reheb: Usta tixqꞌue cue li rochoch laj Balac nujenak riqꞌuin plata ut oro, abanan ma̱cꞌaꞌ tinba̱nu injunes usta cha̱bil usta incꞌaꞌ. Incꞌaꞌ tinkꞌet li ra̱tin li Dios. Caꞌaj cuiꞌ li cꞌaꞌru tixcꞌut chicuu li Ka̱cuaꞌ tinye.

2 Crónicas 18:13

Abanan laj Micaías quixye: —Saꞌ xcꞌabaꞌ li yoꞌyo̱quil Dios, la̱in tinye reheb li cꞌaꞌru tixye cue li Ka̱cuaꞌ lin Dios, chan. Ut co̱ riqꞌuin li rey.

1 Reyes 22:14

Abanan laj Micaías quixye: —Saꞌ xcꞌabaꞌ li yoꞌyo̱quil Dios, la̱in tinye reheb li cꞌaꞌru tixye cue li Ka̱cuaꞌ, chan.

Números 23:26

Ut laj Balaam quixye re: —¿Ma incꞌaꞌ ta biꞌ xinye a̱cue nak li cꞌaꞌru tixye cue li Ka̱cuaꞌ Dios, aꞌan tinba̱nu? chan.

Números 22:38

Quichakꞌoc laj Balaam ut quixye: —Arin cuanquin anakcuan. Abanan incꞌaꞌ naru tina̱tinak yal injunes. Tento nak tinye li cꞌaꞌru naxcꞌut chicuu li Ka̱cuaꞌ, chan.

Tito 1:16

Nequeꞌxye nak nequeꞌxpa̱b li Dios, aban riqꞌuin li cꞌaꞌru nequeꞌxba̱nu nacꞌutun nak moco ya̱l ta. Aj kꞌetoleb ra̱tin li Dios ut kꞌaxal yibru lix naꞌlebeb. Incꞌaꞌ useb. Ma̱cꞌaꞌ junak cha̱bil cꞌanjel ta̱ru̱k teꞌxba̱nu.

Hechos 8:20

Laj Pedro quixye re: —Chisachk la̱ tumin a̱cuochben xban nak xacꞌoxla nak ta̱ru̱k ta̱lokꞌ riqꞌuin tumin li naxqꞌue chi ma̱tan li Ka̱cuaꞌ Dios, chan.

Daniel 5:17

Laj Daniel quixye re li rey: —Li ma̱tan ta̱cuaj xsihinquil, cana̱k chokꞌ a̱cue. Ut lin kꞌajca̱munquil ta̱cuaj xqꞌuebal, chaqꞌue re jalan chic. At rey, la̱in tincuil li cꞌaꞌru tzꞌi̱banbil chiru li tzꞌac ut tinye a̱cue li cꞌaꞌru naraj naxye.

Números 22:19

Nintzꞌa̱ma che̱ru nak texcana̱k chixnumsinquil li kꞌojyi̱n cuiqꞌuin. La̱in tinpatzꞌ re li Ka̱cuaꞌ cꞌaꞌru us tinba̱nu, chan.

Números 24:12

Laj Balaam quixye re: —¿Ma incꞌaꞌ ta biꞌ xinye chi tzꞌakal reheb la̱ takl nak xeꞌcuulac cuiqꞌuin?

1 Reyes 13:8

Ut lix profeta li Dios quixye re li rey: —Usta ta̱qꞌue cue yi jachak li cꞌaꞌru a̱cue, la̱in incꞌaꞌ tinxic a̱cuiqꞌuin, chi moco tincuaꞌak chi moco tin-ucꞌak haꞌ saꞌ li naꞌajej aꞌin,

Números 22:8

Laj Balaam quixye reheb: —Texcana̱k ut cuulaj tinye e̱re cꞌaꞌru tixye cue li Ka̱cuaꞌ, chan. Joꞌcan nak queꞌxnumsi li kꞌojyi̱n riqꞌuin laj Balaam.

Josué 24:10

Abanan la̱in incꞌaꞌ quinsume li cꞌaꞌru quixtzꞌa̱ma chicuu laj Balaam. Joꞌcan nak nabal sut quixtzꞌa̱ma e̱rosobtesinquil ut la̱in xincoloc e̱re chiru laj Balac.

Li xHu LAJ JOB 3:15

Malaj ut cuochbeneb raj li queꞌcuan saꞌ xcuanquil li queꞌxchꞌutub li oro ut li plata saꞌ li rochocheb.