Números 22:12 - Li Santil hu

¹² Ut li Dios quixye re: —Matxic chirixeb chi moco ta̱tzꞌa̱ma ma̱usilal saꞌ xbe̱neb li tenamit aꞌan xban nak osobtesinbileb inban, chan li Ka̱cuaꞌ.

Q'eqchi Bible

¹² Ab'anan li Yos kixye re laj Balaham: “Matxik chirixeb', maamajewaheb' li tenamit a'an xb'aan naq osob'tesinb'ileb' inb'aan”, chan.

Números 22:12 ပူးပေါင်းရင်းမြစ်များ

Efesios 1:3

Lokꞌoninbil taxak li Dios lix Yucuaꞌ li Ka̱cuaꞌ Jesucristo. Xban nak junajo chic riqꞌuin li Cristo, li Dios naxqꞌue chak ke chixjunil li kosobtesinquil li nachal chak saꞌ choxa.

Deuteronomio 23:5

Abanan, li Ka̱cuaꞌ le̱ Dios incꞌaꞌ quirabi li cꞌaꞌru quixye laj Balaam. Quixsukꞌisi ban chokꞌ usilal li ma̱usilal li quixtzꞌa̱ma saꞌ e̱be̱n xban nak li Ka̱cuaꞌ le̱ Dios kꞌaxal nequexra.

Romanos 11:29

Li Dios incꞌaꞌ naxjal xcꞌaꞌux riqꞌuin li cꞌaꞌru naxyechiꞌi ke, chi moco naxjal xcꞌaꞌux nak quixsicꞌ ku.

Génesis 12:2

—Eb la̱ cualal a̱cꞌajol teꞌqꞌuia̱nk. Ut ta̱nima̱nk lix cuanquileb saꞌ ruchichꞌochꞌ. Ut la̱in tin-osobtesi̱nk a̱cue. Ut la̱ cꞌabaꞌ naꞌno̱k ru yalak bar. Saꞌ a̱cꞌabaꞌ la̱at, nabaleb chic li cristian teꞌxcꞌul li usilal xban nak la̱at sicꞌbil a̱cuu inban.

Deuteronomio 33:29

Us xak e̱re la̱ex aj Israel. ¿Ma cuan ta biꞌ junak chic tenamit juntakꞌe̱t e̱riqꞌuin la̱ex? La̱ex colbilex xban li Ka̱cuaꞌ. Li Ka̱cuaꞌ, aꞌan li ta̱tenkꞌa̱nk e̱re ut aꞌan li ta̱colok e̱re. Aꞌan ta̱qꞌuehok e̱re chi numta̱c saꞌ xbe̱neb li xicꞌ nequeꞌiloc e̱re. Eb li xicꞌ nequeꞌiloc e̱re teꞌxcuikꞌib ribeb che̱ru xban xxiuheb ut la̱ex texnumta̱k saꞌ xbe̱neb lix tenamit li queꞌxnimobresi cuiꞌ ribeb.

San Mateo 27:19

Nak laj Pilato cꞌojcꞌo saꞌ lix naꞌaj li narakoc cuiꞌ a̱tin, li rixakil quixtakla xyebal re: —Ma̱cꞌaꞌ ta̱ba̱nu re li cui̱nk aꞌan xban nak ma̱cꞌaꞌ xma̱c. Saꞌ xcꞌabaꞌ aꞌan nak kꞌaxal ra xinmatqꞌue chi kꞌek, chan.

Miqueas 6:5

Ex intenamit, chijulticokꞌ e̱re li cꞌaꞌru quiraj xba̱nunquil e̱re laj Balac lix reyeb laj Moab ut julticokꞌ ajcuiꞌ e̱re chanru nak quixsume laj Balaam, ralal laj Beor. Ut chijulticokꞌ ajcuiꞌ e̱re li cꞌaꞌru quicꞌulman aran Sitim toj Gilgal re nak te̱qꞌue retal nak junes usilal xinba̱nu e̱re, chan li Ka̱cuaꞌ.

Salmos 146:5

Us xak re li ani tenkꞌanbil xban li Dios li quixlokꞌoni laj Jacob. Us xak re li ani na-oybenin riqꞌuin li Dios.

Salmos 144:15

Us xak reheb li tenamit li teꞌcꞌuluk re li cꞌaꞌak re ru aꞌin. Us xak reheb li tenamit li nequeꞌxqꞌue chokꞌ xDioseb li nimajcual Dios xban nak aꞌan li tzꞌakal Dios.

Números 23:23

Ma̱ ani naru ta̱tu̱la̱nk reheb chi moco laj kꞌe ta̱ru̱k tixba̱nu ma̱usilal reheb. Anakcuan eb li tenamit teꞌxye “Qꞌuehomak retal chanru nak li Dios quirosobtesiheb laj Israel, li ralal xcꞌajol laj Jacob.”

Números 23:3

Laj Balaam quixye re laj Balac: —Cana̱kat arin chixcꞌatk la̱ mayej. La̱in xic cue. Ma̱re li Ka̱cuaꞌ ta̱a̱tinak cuiqꞌuin. Li cꞌaꞌru tixye cue, la̱in tinye a̱cue, chan. Ut laj Balaam co̱ toj saꞌ xbe̱n jun li tzu̱l ma̱cꞌaꞌ cuan chiru.

Números 22:6

La̱in nacuaj nak tatcha̱lk arin re ta̱tzꞌa̱ma ma̱usilal saꞌ xbe̱neb li cristian aꞌan xban nak kꞌaxal nabaleb ut cauheb rib chiku la̱o. Cui ta̱ba̱nu chi joꞌcan, ma̱re ta̱ru̱k takisiheb saꞌ li kanaꞌaj. La̱in ninnau nak li ani nacatzꞌa̱ma rosobtesinquil, osobtesinbil chic nacana. Ut li ani nacatzꞌa̱ma ma̱usilal saꞌ xbe̱n, ma̱usilanbil chic nacana, chan lix reyeb laj Moab.

Números 22:11

Xtaklaheb chak chixyebal cue nak eb li cristian li queꞌel Egipto yo̱queb chi oc saꞌ lix naꞌajeb re teꞌre̱chani. Numtajenak xqꞌuialeb. Laj Balac ta̱raj nak tinxic ut tintzꞌa̱ma ma̱usilal saꞌ xbe̱neb re nak ta̱numta̱k saꞌ xbe̱neb ut ta̱risiheb saꞌ lix naꞌaj, chan laj Balaam.

Números 22:13

Cuulajak chic laj Balaam quicuacli ekꞌela ut co̱ riqꞌuineb li nequeꞌtenkꞌan re laj Balac. Quixye reheb: —Sukꞌinkex saꞌ le̱ tenamit. Li Ka̱cuaꞌ incꞌaꞌ naraj nak tinxic che̱rix, chan.

Números 23:8

¿Chanru nak tintzꞌa̱ma ma̱usilal saꞌ xbe̱neb li osobtesinbileb xban li Ka̱cuaꞌ? ¿Ma ta̱ru̱k ta biꞌ tintzꞌekta̱naheb li incꞌaꞌ queꞌtzꞌekta̱na̱c xban li Ka̱cuaꞌ?

Números 24:9

Eb laj Israel chanchaneb li cakcoj. Nak nequeꞌoc chi hila̱nc, ma̱ ani naru na-ajsin reheb. Osobtesinbilakeb li teꞌxtzꞌa̱ma rosobtesinquileb laj Israel. Ut tzꞌekta̱nanbilakeb li teꞌxtzꞌa̱ma ma̱usilal saꞌ xbe̱neb, chan laj Balaam.

Deuteronomio 2:7

Li Ka̱cuaꞌ le̱ Dios quexrosobtesi riqꞌuin chixjunil li cꞌaꞌru queba̱nu. Aꞌan qui-iloc e̱re chiru li caꞌcꞌa̱l chihab nak yo̱quex chi numecꞌ saꞌ li chaki chꞌochꞌ. Ut quicuan e̱riqꞌuin ut ma̱cꞌaꞌ quipaltoꞌ che̱ru.

Deuteronomio 7:14

Kꞌaxal cuiꞌchic nabal le̱ rosobtesinquil tixqꞌue li Ka̱cuaꞌ chiruheb chixjunileb li tenamit. Ma̱ jun e̱re incꞌaꞌ ta teꞌcua̱nk ralal xcꞌajol, joꞌ cui̱nk joꞌ ixk. Ut teꞌcua̱nk ajcuiꞌ li raleb le̱ queto̱mk.

Deuteronomio 28:6

Ut osobtesinbilak ajcuiꞌ chixjunil li cꞌanjel li te̱ba̱nu.

2 Crónicas 31:10

Laj Azarías li xbe̱nil aj tij xcomoneb li ralal xcꞌajol laj Sadoc quixye: —Chalen nak eb li tenamit queꞌxtiquib xqꞌuebal lix mayej junelic cuan li katzacae̱mk. Nocotzacan chi us xban nak li Ka̱cuaꞌ quirosobtesiheb lix tenamit. Chixjunil li cuan arin, aꞌan li na-elaꞌan, chan.

Isaías 61:9

Ut eb li ralal xcꞌajol lin tenamit naꞌno̱keb chic ruheb xbaneb li jalan tenamit. Chixjunileb li teꞌilok ruheb teꞌxnau nak aꞌaneb li cualal incꞌajol ut osobtesinbileb inban, chan li Ka̱cuaꞌ.