Números 22:1 - Li Santil hu

¹ Ut queꞌel saꞌ li naꞌajej aꞌan eb laj Israel ut queꞌco̱eb. Queꞌcuulac saꞌ li ru takꞌa re Moab ut queꞌxyi̱b lix muheba̱leb nachꞌ riqꞌuin li nimaꞌ Jordán saꞌ xcaꞌyaba̱l li tenamit Jericó.

Q'eqchi Bible

¹ Eb' laj Israel ke'elk aran ut koheb' toj sa' xtaq'ahil Mohab, junpak'al li nima' Jordán, sa' xjayal Jerikó. Ut aran ke'xk'ojob' li xmuheb'aaleb'.

Números 22:1 ပူးပေါင်းရင်းမြစ်များ

Josué 3:16

Ut li rok li haꞌ li nachal chak takecꞌ quixakli nachꞌ riqꞌuin li tenamit Adam li cuan chixcꞌatk li naꞌajej Saretán. Li tenamit aꞌan najt cuan riqꞌuin li naꞌajej li yo̱queb cuiꞌ chi numecꞌ laj Israel. Ut incꞌaꞌ chic naxic li haꞌ takꞌa saꞌ li palau Mar Muerto xcꞌabaꞌ. Joꞌcan nak quixjach rib li haꞌ nak quixakli. Ut eb laj Israel queꞌnumeꞌ jun pacꞌal saꞌ xjayal li naꞌajej Jericó.

Deuteronomio 34:8

Laje̱b xcaꞌcꞌa̱l cutan queꞌrahoꞌ saꞌ xchꞌo̱leb laj Israel ut queꞌxya̱ba lix camic laj Moisés saꞌ li naꞌajej Moab. Joꞌcaꞌin nak queꞌxnumsiheb li cutan re rahil chꞌo̱lejil ut ya̱bac xban lix camic.

Deuteronomio 34:1

Laj Moisés qui-el saꞌ li ru takꞌa aran Moab ut quitakeꞌ chiru li tzu̱l Nebo ut co̱ saꞌ xbe̱n li tzu̱l Pisga li cuan saꞌ xcaꞌyaba̱l li tenamit Jericó. Ut li Ka̱cuaꞌ quixcꞌut chiru chixjunil li nimla naꞌajej li cuan Galaad toj saꞌ li naꞌajej li teꞌre̱chani li ralal xcꞌajol laj Dan.

Deuteronomio 3:8

Saꞌ eb li cutan aꞌan la̱o quike̱chani lix naꞌajeb li cuib chi xreyeb laj amorreo. Quike̱chani chixjunil li naꞌajej li cuan saꞌ lix pacꞌal li nimaꞌ Jordán li cuanco cuiꞌ. Naticla cuan cuiꞌ li nimaꞌ Arnón ut nacuulac toj saꞌ li tzu̱l Hermón.

Deuteronomio 1:5

Laj Moisés quia̱tinac riqꞌuineb laj Israel nak cuanqueb chire li nimaꞌ Jordán saꞌ li este saꞌ lix naꞌajeb laj Moab ut quixye reheb cꞌaꞌru naxye saꞌ li chakꞌrab.

Números 36:13

Aꞌaneb aꞌin lix taklanquileb laj Israel ut li chakꞌrab li quixqꞌue li Dios re laj Moisés saꞌ li ru takꞌa re Moab, li cuan chire li nimaꞌ Jordán saꞌ xcaꞌyaba̱l li tenamit Jericó.

Números 34:15

Li cuib chꞌu̱tal riqꞌuin media ac xeꞌxcꞌul lix chꞌochꞌeb saꞌ li este, saꞌ li pacꞌal li nimaꞌ Jordán li cuanco cuiꞌ anakcuan. Li naꞌajej aꞌin cuan saꞌ xcaꞌyaba̱l li tenamit Jericó, chan.

Números 32:19

Ut la̱o ma̱cꞌaꞌ take̱chani jun pacꞌal li nimaꞌ Jordán xban nak acak xke̱chani li kanaꞌaj arin chire li nimaꞌ Jordán saꞌ li este, chanqueb.

Números 21:20

Nak queꞌel Bamot, queꞌco̱eb saꞌ li ru takꞌa re Moab. Ut queꞌco̱eb toj saꞌ li tzu̱l Pisga, li cuan saꞌ xcaꞌyaba̱l li chaki chꞌochꞌ.

Números 26:3

Laj Moisés ut laj Eleazar laj tij queꞌa̱tinac riqꞌuineb laj Israel saꞌ li cꞌaleba̱l re Moab, li cuan nachꞌ riqꞌuin li nimaꞌ Jordán. Li naꞌajej aꞌan cuan saꞌ xcaꞌyaba̱l li tenamit Jericó. Ut queꞌxye reheb:

Jeremías 40:11

Ut chixjunileb laj judío li cuanqueb Moab, Amón, Edom ut saꞌ eb li jalaneb tenamit, queꞌrabi nak lix reyeb laj Babilonia quixqꞌue xlese̱nseb nak eb laj judío teꞌcana̱k saꞌ lix tenamiteb ut queꞌrabi nak laj Gedalías quixakaba̱c chi takla̱nc saꞌ xbe̱neb.

Números 31:12

Queꞌxcꞌam chixjunil riqꞌuineb laj Moisés ut laj Eleazar laj tij ut riqꞌuineb laj Israel li cuanqueb saꞌ li ru takꞌa Moab li cuan chire li nimaꞌ Jordán. Li naꞌajej aꞌan nacana saꞌ xcaꞌyaba̱l li tenamit Jericó.

Números 35:1

Li Ka̱cuaꞌ quia̱tinac riqꞌuin laj Moisés saꞌ li ru takꞌa re Moab chire li nimaꞌ Jordán saꞌ xcaꞌyaba̱l li tenamit Jericó. Quixye re: